ما هي مميزات وعيوب وسعر كيا شوما ..........؟

**mohandelboshy** · 06-06-2013 01:10 AM

هل الكيا شوما عربية كويسة ولا لا وخاصة لو مانيوال وهل قطع غيارها موجودة ولا لأ وبالنسبة للمحافظات هتبقي موجودة قطع الغيار فيها ولا لا لاني ملاحظ ان في الفترة الاخيرة الكيا شوما بدأت تسمع وتنتشر في مصر ايه السبب وسعرها لو مانوال هيكون في حدود كام وهي ولا السيفك 93

**mohamedbmw** · 06-06-2013 02:42 AM

متابع

**mhopa2440** · 08-06-2013 10:51 AM

كيا شوما هي افضل عربية ف فئتها والسعر لانها افضل من الدايو بكتير ف الخامات والتحمل

قطع الغيار اصبحت متوفرة جدا جدا وتقريبا زي اسعار اللانوس والنوبيرا بس الحكاية لو عندك عشر محلات قطع غيار هتلاقي 8 يبيعوا قطع دايو و 2 يبيعوا قطع الكيا شوما

افضليتها عن السيفيا اولا الشوما من موديل 1997 ودي زي السيفيا 2 وليس السيفيا 1 التشابه بينهم بيكون في المتور والعفشة والتابلوه والاختلاف شكل الصاج الخارجي بس

اما موديلات شوما من 2002 دي زي السبكترا ف كل حاجة عدا الشكل الخارجي بردوا

رأي اشتري الكيا شوما بس حالتها تكون كويسة (وطبعا اي عربية لازم تكون حالتها كويسة) عشان تحس بان العربية جميلة ومريحة معاك

**mohandelboshy** · 09-06-2013 04:28 AM

المشاركة الأصلية كتبت بواسطة mhopa2440

كيا شوما هي افضل عربية ف فئتها والسعر لانها افضل من الدايو بكتير ف الخامات والتحمل

قطع الغيار اصبحت متوفرة جدا جدا وتقريبا زي اسعار اللانوس والنوبيرا بس الحكاية لو عندك عشر محلات قطع غيار هتلاقي 8 يبيعوا قطع دايو و 2 يبيعوا قطع الكيا شوما

افضليتها عن السيفيا اولا الشوما من موديل 1997 ودي زي السيفيا 2 وليس السيفيا 1 التشابه بينهم بيكون في المتور والعفشة والتابلوه والاختلاف شكل الصاج الخارجي بس

اما موديلات شوما من 2002 دي زي السبكترا ف كل حاجة عدا الشكل الخارجي بردوا

رأي اشتري الكيا شوما بس حالتها تكون كويسة (وطبعا اي عربية لازم تكون حالتها كويسة) عشان تحس بان العربية جميلة ومريحة معاك

شكرا يا باشا علي ردك عليا وبعتب علي رجالة الكيا ان مفيش حد فيهم رد وقالنا حتي منعرفش حاجة عنها بس استفسار هي ولا هوندا 93 ويا تري رنجها دلوقتي الكيا شوما تعمل من كام لكام وتنصح بمانيوال ولا اتوماتك لاني عارف اني فيه مشاكل في الكيا في الاتوماتيك

**khaabas** · 09-06-2013 09:10 AM

الرينج بتاعها كان حاجة وتلاتين
وسمعت ان فيها 2000 سى سى
وخليك فى المانيوال مشاكلة معروف اخرها وموش مكلفه

**mhopa2440** · 09-06-2013 08:34 PM

هو انا بس بحب الكيا شوما وبدور على واحدة بس تكون على مزاجي ولسة مش لاقي

المهم رنج الفلوس بتاعتها فوق 40 الف والحالة النظيفة مش هتقل عن 45 الف حتى 48 على حسب الحالة وفي منها هاي لاين فتحة سقف وايه بي اس واير باج اخر عربية اتباعت قدامي بالمواصفات دي كان فيها شاشة عرض وكاوتش جديد بس كانت محتاجة مجموعة تروس فتحة السقف واوتوماتيك اتباعت ب 48.5 كانت على النت
وفي شوما 2 من موديل 2002 وسعرها مش هيقل عن 47 الف حتى 52 على حسب الحالة

اما بخصوص الاوتوماتيك والمانيوال كل الناس قالت ان المانيوال احسن ودا طبعا احسن ليه عشان لو حصل حاجة ف الفتيس الاوتو العربية هتوقف يبقى احنا نعمل ايه؟؟ نراعي الفتيس الاوتو ... إزاي؟؟؟
هما حاجتين اثنين مش ليهم تالت
1- تغير الزيت والفلتر على 40 الف كيلو تقريبا وياريت لو تغير جوان كارتيرة الفتيس عشان تضمن انه مفيش اي تسريب زيت
2- لو هتحمل على العربية حمل كامل وعالي او هتشد عربية تانية يبقى لازم تمشي على 1 2 3 مش d وتقرص شوية على الغيار على الاقل 3 ار بي ام او اعلى كمان وبعد كدا تنقل الغيار

وربنا يوفقك ان شاء الله