مشكلة في فرامل نيو صني والعربية ماشية 4000 كيلو فقط !!!

السلام عليكم يا صقور

انا كملت 4000 كيلو بالنيو صني بس عندي كام ملاحظة ياريت ملاك الصني يفيدوني مشكورين

الفرامل : اول ما جبت العربية الفرامل بتاعتها كانت ممتازة ما شاء الله

بقالي فترة حاسس ان الفرامل سيئة للغاية

مشوار الدواسة طوييل جددددا والعربية مش بتوقف كويس على السرعات المتوسطة ( 60- 90 ) لازم ادوس جامد عشان العربية تهدى

اللي خلاني اخد بالي اني كنت ماشي على الزراعي وراء صاحبي هو معاه سيراتو فكان بيهدي عند المطبات عادي وانا وراه بحس اني حلبس فيه كل شوية وهو ماشي عادي وكان لازم ادوس فرامل جامد عشان الم العربية واحيانا اضطر ادوس جامد لحد ما العجلة تقفش والاي بي اس يشتغل

وخليته يركبها قالي نفس الكلام العربية فراملها وحشة .... انا حاسس انه لو لا قدر الله حصل ظرف ودوست فرامل جامد العربية مش حتلمني !!!!!

تاني حاجة التكييف .... التكيف مش كويس ...يعني تكييف السيراتو والكورولا برقبته ... بشغله على 3 يادوب بيلطف الجو ... فين التكييف التلاجة بتاع الياباني ؟؟؟ ياترى دي مشكلة عامة ولا عندي بس

اخر حاجة العربية سحبها زي الزفت والتكييف شغال ... لما ادوس بنزين عادي الموتور صوته يعلى اووووووي والعربية بالعافية بتشد معايا ... مش عايز اقول انا كنت مشغل التكيف وحرقت جامد عشان اعدي عربية جامبو ومش عايز اقول اني عديته بالعافية يعني سحب الجامبو وهو محمل قريب من سحب عربيتي !!!!!!!!!! وصوت الماتور عااااالي اووووووي

العربية عاملة 4000 كيلو وغيرت الزيت في صيانة الالف وحطيت توتال ومن يومها وانا حاسس ان صوت الموتور عالي



ياريت الخبراء يفيدونا واسف على الاطالة

بص يا باشا موضوع الفرامل ده اظن انه محتاج التوكيل

صوت الموتور ده بسبب نوع الزيت

التكييف و السحب بقا انا كان عندي نفس المشكلة بس جيت في مره قمت مشغل الاوفر درايف و جبت الدواسه عالاخر و حرررررقت جااامد و من بعدها السحب اتحسن هو والتكيف!

جرب كده مش هتخسر حاجة ويستحسن تراجع التوكيل في صيانة ال٥ عشان موضوع الفرامل

شوف الزيت ممكن يكون مش كويس

بالنسبة للسحب بلاش زيت توتال ، جرب نوع تاني زي شل
وبالنسبة للفرامل لازم تراجع التوكيل بأسرع وقت ، لان الفرامل بالذات مفيهاش هزار

اقتباس:

---

المشاركة الأصلية كتبت بواسطة youssef_u

بص يا باشا موضوع الفرامل ده اظن انه محتاج التوكيل

صوت الموتور ده بسبب نوع الزيت

التكييف و السحب بقا انا كان عندي نفس المشكلة بس جيت في مره قمت مشغل الاوفر درايف و جبت الدواسه عالاخر و حرررررقت جااامد و من بعدها السحب اتحسن هو والتكيف!

جرب كده مش هتخسر حاجة ويستحسن تراجع التوكيل في صيانة ال٥ عشان موضوع الفرامل

---

طيب حضرتك أنا غيرت زيت توتال في صيانه الألف وحاسس ان صوت الموتور عالي سنة بسيطة......لو ده بسبب الزيت هيحصل حاجة لو سيبته لأني بصراحة مغير زيت 10 ألاف ولسه معملتش منه حتي ألف كيلو

اقتباس:

---

المشاركة الأصلية كتبت بواسطة alex pharmacy

السلام عليكم يا صقور

انا كملت 4000 كيلو بالنيو صني بس عندي كام ملاحظة ياريت ملاك الصني يفيدوني مشكورين

الفرامل : اول ما جبت العربية الفرامل بتاعتها كانت ممتازة ما شاء الله

بقالي فترة حاسس ان الفرامل سيئة للغاية

مشوار الدواسة طوييل جددددا والعربية مش بتوقف كويس على السرعات المتوسطة ( 60- 90 ) لازم ادوس جامد عشان العربية تهدى

اللي خلاني اخد بالي اني كنت ماشي على الزراعي وراء صاحبي هو معاه سيراتو فكان بيهدي عند المطبات عادي وانا وراه بحس اني حلبس فيه كل شوية وهو ماشي عادي وكان لازم ادوس فرامل جامد عشان الم العربية واحيانا اضطر ادوس جامد لحد ما العجلة تقفش والاي بي اس يشتغل

وخليته يركبها قالي نفس الكلام العربية فراملها وحشة .... انا حاسس انه لو لا قدر الله حصل ظرف ودوست فرامل جامد العربية مش حتلمني !!!!!

تاني حاجة التكييف .... التكيف مش كويس ...يعني تكييف السيراتو والكورولا برقبته ... بشغله على 3 يادوب بيلطف الجو ... فين التكييف التلاجة بتاع الياباني ؟؟؟ ياترى دي مشكلة عامة ولا عندي بس

اخر حاجة العربية سحبها زي الزفت والتكييف شغال ... لما ادوس بنزين عادي الموتور صوته يعلى اووووووي والعربية بالعافية بتشد معايا ... مش عايز اقول انا كنت مشغل التكيف وحرقت جامد عشان اعدي عربية جامبو ومش عايز اقول اني عديته بالعافية يعني سحب الجامبو وهو محمل قريب من سحب عربيتي !!!!!!!!!! وصوت الماتور عااااالي اووووووي

العربية عاملة 4000 كيلو وغيرت الزيت في صيانة الالف وحطيت توتال ومن يومها وانا حاسس ان صوت الموتور عالي



ياريت الخبراء يفيدونا واسف على الاطالة

---

نفس الكلام عندي و انا عامل 2000 كيلو بس شكل موضوع الفرامل ده كبير يا جماعه مش مجرد طنابير و تيل لو رجعتوا هتلاقوا في موضوع ان هما بيغيروا بره مصر دلوقت الاسطوانه الرئيسيه للفرامل علشان موضوع طول المشوار ده
انا اصلا بمشي بين يو بين القدامي بتاع 4 متر علشان خايف الفرامل متسعفنيش
ربنا يستر علينا

اقتباس:

---

المشاركة الأصلية كتبت بواسطة alex pharmacy

السلام عليكم يا صقور

انا كملت 4000 كيلو بالنيو صني بس عندي كام ملاحظة ياريت ملاك الصني يفيدوني مشكورين
انا كمان عامل بالعربيه 4000 ك
بس حضرتك ماقولتش العربيه سوبر صالون ولا ex صالون

الفرامل : اول ما جبت العربية الفرامل بتاعتها كانت ممتازة ما شاء الله

بقالي فترة حاسس ان الفرامل سيئة للغاية
فعلا انا لما استلمت العربيه كانت فراملها ممتازه ولكن بعد ال 1000 ك تحس انك سامع صوت حكه او صوت تزيق مع كل دوسه وده يعنى شئ سيئ جداا مع عربيه 2013
ولازم تعمل حساب العربيه اللى قدامك من فتره

مشوار الدواسة طوييل جددددا والعربية مش بتوقف كويس على السرعات المتوسطة ( 60- 90 ) لازم ادوس جامد عشان العربية تهدى
ده حقيقى ومتوقع بسبب التيل والطنابير السيئه اللى الكل بيشتكى منها

اللي خلاني اخد بالي اني كنت ماشي على الزراعي وراء صاحبي هو معاه سيراتو فكان بيهدي عند المطبات عادي وانا وراه بحس اني حلبس فيه كل شوية وهو ماشي عادي وكان لازم ادوس فرامل جامد عشان الم العربية واحيانا اضطر ادوس جامد لحد ما العجلة تقفش والاي بي اس يشتغل
انا بسافر بالعربيه كل اسبوع وبيحصل معايا مواقف مش كويسه بسبب الفرامل لانى جراي وبحب السرعه ولكن بالاحظ الاتى عدم اتزان على الطريق خصوصا لو ماشى عكس اتجاه الهوا او لو بعدى من عربيه نقل ولو الطريق وقف فجاه لازم ادوس فرامل جامد ويتلحق او ماتلحقش
وخليته يركبها قالي نفس الكلام العربية فراملها وحشة .... انا حاسس انه لو لا قدر الله حصل ظرف ودوست فرامل جامد العربية مش حتلمني !!!!!
لاقدر الله انشاء الله مش هيحصل حاجه بس خليك على السرعات المتوسطه ومش لازم تجرى وتسيب دائما مسافه كويسه

تاني حاجة التكييف .... التكيف مش كويس ...يعني تكييف السيراتو والكورولا برقبته ... بشغله على 3 يادوب بيلطف الجو ... فين التكييف التلاجة بتاع الياباني ؟؟؟ ياترى دي مشكلة عامة ولا عندي بس
انا متفق معاك ان التكيف مش هو بتاع اليابانى لانى راكب اكتر من عربيه يابانى وعارف يعنى ايه تكيف
بس هو مش سيئ للدرجه هو بس حضرتك ممكن تكون بتقف فى اماكن فيها شمس لمده كبيره فلازم حضرتك تخرج الهوا السخن الاول وبعد كده تشغل التكيف
او ممكن حضرتك لا قدر الله يكون فى مشكله فى التكيف بسيطه حاول حضرتك تكشف عليه وتشوف
واهم حاجه انك لازم الصبح قبل ماتتحرك تسخن العربيه كويس جدا مده لا تقل عن 3 دقائق علشان العربيه تقدر تشتغل بكل طاقتها ومايبقاش فى تاثير على حاجه
اخر حاجة العربية سحبها زي الزفت والتكييف شغال ... لما ادوس بنزين عادي الموتور صوته يعلى اووووووي والعربية بالعافية بتشد معايا ... مش عايز اقول انا كنت مشغل التكيف وحرقت جامد عشان اعدي عربية جامبو ومش عايز اقول اني عديته بالعافية يعني سحب الجامبو وهو محمل قريب من سحب عربيتي !!!!!!!!!! وصوت الماتور عااااالي اووووووي
صوت الموتور بيعلى مع السحب القوى بسبب سير الكاتينه الجنزير دة بيخلى الصوت عالى وخشن شويه
اما بالنسبه للسحب الضعيف هو مش ضعيف هى العربيه مش مصممه للسحب القوى انها عربيه عائليه مش شبابيه لكن لما حضرتك تعمل اوفر درايف هتلاقى العربيه ماشاء الله جامده بس ده بيحرق كتير اوى لكن حاول تتعايش مع العربيه وتعرف امكانيتها ماينفعش تشد مع عربيه 2000 cc او تجرى جنب عربيه المانى مثلا
لكن بصفه عامه العربيه كسحب كويس بس مش شد وغرز والكلام ده
وحضرتك حاول تلاحظ حاجه خطيره جدا حاول تجرى بسرعه عاليه فى بدايه تحرك العربيه هتحس ان العربيه من الامام عليت شويه وتحس ان الاتزان مش مظبوط وده لان العربيه مش مؤهله للسحب القوى ده

العربية عاملة 4000 كيلو وغيرت الزيت في صيانة الالف وحطيت توتال ومن يومها وانا حاسس ان صوت الموتور عالي
اسوء شيئ انتا عملته هو التغير لزيت توتال زيت سيئ جداجدا
وهو فعلا بيعلى صوت العربيه لان درجه اللزوجه خفيفه جدا
بص ياباشا انا برده حصل معايا نفس القصه روحت اعمل صيانه الالف المجانيه وكنت واخد معايا زيت شيل هيلكس 10 الاف وبعدين المهندسه بتاعت الصيانه قالتلى احنا عملين عرض تغير زيت وفلتر مجانى قلت خلاص احط الزيت التوتال وامشى بيه شويه كده بتاع 5 الاف وبعدين اغيره
مش عايز اقولك انا هغيره الاسبوع ده لانه مش زيت ده زيت كريستال احسن منه ياراجل
هقول لحضرتك على حاجه اعمل مشوار بالعربيه طويل وبعدين افتح الكبوت وطلع مقياس الزيت وشم ريحه الزيت هتلاقى الزيت رحته عمله زى ريحه شياط او حاجه محروقه بزياده هتقولى ده طبيعى مش زيت وبيحرق فى الموتور لا ديه ريحه حاجه محروقه بزياده وقارن اى عربيه من عربيات اصدقائك وانتا تشوف الفرق
حاول تغير الزيت فى اقرب فرصه وهتحس بالفرق واقدر اقول لحضرتك خليك فى شيل ممتاز ولزوجه عاليه
بنزينه شيل فى شارع الطيران ناس محترمه ومتخصصه وفهمه كويس



ياريت الخبراء يفيدونا واسف على الاطالة

---

ارجو انى اكون رديت على كل اسئلتك بطريقتى ومعرفتى البسيطه

تحياتى لحضرتك..:colsmil::bye2::colsmil:

اقتباس:

---

المشاركة الأصلية كتبت بواسطة ramymoharram

طيب حضرتك أنا غيرت زيت توتال في صيانه الألف وحاسس ان صوت الموتور عالي سنة بسيطة......لو ده بسبب الزيت هيحصل حاجة لو سيبته لأني بصراحة مغير زيت 10 ألاف ولسه معملتش منه حتي ألف كيلو

---

مش هيحصل اى حاجه خالص بس يفضل تغيره فى اسرع وقت تقدر حضرتك تغير فيه الزيت السيئ ده علشان على المدى القصير هيقل درجه لزوجه الزيت داخل الموتور وده مش فى صالح موتور عربيتك اللى لسه زيرو يفضل تغيره وخليك فى شيل هيلكس ممتاز وعن تجربه
تحياتى..

اقتباس:

---

المشاركة الأصلية كتبت بواسطة mmohamed15

نفس الكلام عندي و انا عامل 2000 كيلو بس شكل موضوع الفرامل ده كبير يا جماعه مش مجرد طنابير و تيل لو رجعتوا هتلاقوا في موضوع ان هما بيغيروا بره مصر دلوقت الاسطوانه الرئيسيه للفرامل علشان موضوع طول المشوار ده
انا اصلا بمشي بين يو بين القدامي بتاع 4 متر علشان خايف الفرامل متسعفنيش
ربنا يستر علينا

---

باين كده يافندم ان المشكله اكبر من تيل وطنابير لان فى اعضاء هنا اشتكوا انهم غيروا التيل والطنابير اكتر من مره
ربنا يستر على عربيتنا :pffft: :crying2:
تحياتى..

اقتباس:

---

المشاركة الأصلية كتبت بواسطة hano_elbeh

باين كده يافندم ان المشكله اكبر من تيل وطنابير لان فى اعضاء هنا اشتكوا انهم غيروا التيل والطنابير اكتر من مره
ربنا يستر على عربيتنا :pffft: :crying2:
تحياتى..

---

انا اصلا كنت فاكر ان العيب هو اني مرجع الكرسي ورا قربت الكرسي قدام علي قد مقدرت و لقيت نفس الحاجه علي فكره انا صوت الصفاره بتاع الفرامل ظهر عندي قبل صيانه الالف بكام يوم و غيرت الطنابير في الضمان

مشكلة الفرامل لازم تكشف في التوكيل وتغير التيل ولو كان تسبب في ضرر للطنابير تتغير هي كمان وماتتنازلش عن ان كل ده يكون في الضمان, الفرامل عمرها ماكانت سيئة بالعكس دي أكتر من ممتازة ماشاء الله لكن فيه عيب عام وهو سوء خامة التيل علشان كدة بيتسبب في ضرر للطنابير مع الفرملة المستمرة المتكررة .. وده عيب علاجه يكون في الضمان وماتتأخرش في تصليحه

أما عن السحب , العربية سحبها كويس مافيهوش مشاكل , لكنه مش شديد وقوي علشان هي موفرة في البنزين وحركة السحبة المفاجئة مش موجودة فيها علشان ماتاكلش معاك بنزين ...انما لو السحب حاسس انه فقير والتسارع مش كويس يبقى تنضف فلتر الهواء وتعمل تنضيف لدورة البنزين وتغير محطة البنزين اللي بتتعامل معاها

نيجي للتكييف ... أول مرة اشوف حد بيقول على تكييف الصني انه وحش , علشان كدة يبقى فيه سببين : أول واحد لو فيه عيب تصنيع في شحن الفريون , والسبب التاني هو عيب في الترموستات أو مش متوجهة صح ... اتأكد انها على أقوى درجة ووجه هوايات التكييف عليك وانت بتتحرك , وقبل ماتمشي بالعربية هويها وخرج الهواء الساخن منها وبعد كدة شوف لو استمر الحال يبقى يكشفوا عليه في التوكيل


كل ما سبق مش محتاج منك تدفع ولا قرش وماتتنازلش عن حقك دي عربية زيرو مش واخدينها تخليص حق ... التكلفة الوحيدة في تمن منظف دورة البنزين من أي محطة بنزين موبيل


ربنا يباركلك فيها ويرزقك خيرها ويكفيك شرها وشر الطريق ونفوس الناس

تحياتي

اقتباس:

---

المشاركة الأصلية كتبت بواسطة the_air_devil

مشكلة الفرامل لازم تكشف في التوكيل وتغير التيل ولو كان تسبب في ضرر للطنابير تتغير هي كمان وماتتنازلش عن ان كل ده يكون في الضمان, الفرامل عمرها ماكانت سيئة بالعكس دي أكتر من ممتازة ماشاء الله لكن فيه عيب عام وهو سوء خامة التيل علشان كدة بيتسبب في ضرر للطنابير مع الفرملة المستمرة المتكررة .. وده عيب علاجه يكون في الضمان وماتتأخرش في تصليحه

أما عن السحب , العربية سحبها كويس مافيهوش مشاكل , لكنه مش شديد وقوي علشان هي موفرة في البنزين وحركة السحبة المفاجئة مش موجودة فيها علشان ماتاكلش معاك بنزين ...انما لو السحب حاسس انه فقير والتسارع مش كويس يبقى تنضف فلتر الهواء وتعمل تنضيف لدورة البنزين وتغير محطة البنزين اللي بتتعامل معاها

نيجي للتكييف ... أول مرة اشوف حد بيقول على تكييف الصني انه وحش , علشان كدة يبقى فيه سببين : أول واحد لو فيه عيب تصنيع في شحن الفريون , والسبب التاني هو عيب في الترموستات أو مش متوجهة صح ... اتأكد انها على أقوى درجة ووجه هوايات التكييف عليك وانت بتتحرك , وقبل ماتمشي بالعربية هويها وخرج الهواء الساخن منها وبعد كدة شوف لو استمر الحال يبقى يكشفوا عليه في التوكيل


كل ما سبق مش محتاج منك تدفع ولا قرش وماتتنازلش عن حقك دي عربية زيرو مش واخدينها تخليص حق ... التكلفة الوحيدة في تمن منظف دورة البنزين من أي محطة بنزين موبيل


ربنا يباركلك فيها ويرزقك خيرها ويكفيك شرها وشر الطريق ونفوس الناس

تحياتي

---

يعني حضرتك مش حاسس ان مشوار البدال طويل بتاع الفرامل ؟

التكييف والفرامل لازم تروح التوكيل
الزيت لازم تغيره لنوع نظيف زى ليكوى مولى او فالفولين

الف الف شكر لكل الاعضاء اللي ردوا في الموضوع

انا عربيتي ex saloon اوتوماتيك
والله زيت توتال ده اسوأ نوع بس انا حطيته وقت العرض بتاع الزيت والفلتر المجاني بس غالبا حنزله في صيانة ال 5 الاف واحط ليكوي مولي بس يارب الاقيه

بالنسبة للتكييف انا بقول شكوتي بعد كذا تجربة وفي كذا وقت

يعني وانا ماشي في الشمس وانا ماشي بليل ولما بركن في الشمس ولما بركن في الظل يعني استوفيت جميع ظروف القيادة وبرضه التكييف مش كويس


موضوع الفرامل ده هو اللي مضايقني عشان مافيهوش هزار

ده الطاسة بتاعة الكاوتش اللي قدام بقى لونها اسود من الرايش بتاع التيل !!!! حاجة قلة ادب والله لما اعير التيل كل 5 الاف كيلو .... دي العر بيات الصيني اللي احنا بنقول عليها لعبة التيل بتاعها بيعيش اكتر من الصني !!!!


خلينا ماشيين مع التوكيل لحد ما نشوف اخرتها وخليكم على رنة يا شباب يمكن احتاجكم في خناقة قريبة مع توكيل احمد مرعي في اسكندرية عشان للاسف مافيش غيره هو احسن الوحشين :Copy of majd(4):

انا كان عندي نفس مشكلة الفرامل دي بس لما روحت صيانة ال 5000 قولتلهم عليها و المهندس اللي هناك قالي ان هما هيغيروا صاجة التيل و لما استلمت العربية بعد الصيانة الفرامل بقيت احسن لحد دلوقتي