مشكلة فى الالنترا الجديدة

**محمد الخزرجى** · 06-06-2013 07:51 AM

عندى مشكلة فى عربيتى الالنترا لما باجى اكسر الدركسيون يمين بلاقى فى تكة كدة تحت رجلى الشمال ودى بتحصل ساعات وساعات كلمت حد من خدمة العملاء قالى جرب كدة تشيل الدواسة وتحطها تانى جربت فعلا لما بتحصل المشكلة دى اشيل الدواسة واحطها تانى تختفى ؟؟؟؟ انا مش فاهم حاجة الصراحة ولا عارف اية السبب افيدونى افادكم الله

**khaabas** · 06-06-2013 07:56 AM

بس ايه علاقة الدريكسيون بالدواسة !!!!! غريبة فعلا

**Habd** · 06-06-2013 08:53 AM

اتاكد ان الدواسة مش طالعة لقدام خالص عن عمود الدريكيون ف الارضية

**A.Saad** · 06-06-2013 11:41 AM

الدواسة لو طالعة لقدام بتكون لامسة عمود الدريكسيون
بالتالى بتحس بحركته معاك
الحل
ترجعها ورا
تجيب واحدة اصغر
تقص ليها شكل نص دائرة عند العمود
تشيلها خالص

**nader nagy** · 06-06-2013 01:01 PM

المشاركة الأصلية كتبت بواسطة محمد الخزرجى

عندى مشكلة فى عربيتى الالنترا لما باجى اكسر الدركسيون يمين بلاقى فى تكة كدة تحت رجلى الشمال ودى بتحصل ساعات وساعات كلمت حد من خدمة العملاء قالى جرب كدة تشيل الدواسة وتحطها تانى جربت فعلا لما بتحصل المشكلة دى اشيل الدواسة واحطها تانى تختفى ؟؟؟؟ انا مش فاهم حاجة الصراحة ولا عارف اية السبب افيدونى افادكم الله

.... هى العربية دى وكيل ولا خليجى

لو وكيل تقدر تروح مركز الخدمة وسوف يتم الكشف عليها
رقم مركز الخدمة للحجز 16101 من اى هاتف
وبأذن الله لها حل

**محمد الخزرجى** · 06-06-2013 09:43 PM

هيا العربية وكسل وروحت التوكيل مرتين قالولى مافيش مشكلة خالص بس انا اقتنعت فعلا بكلام الناس علشان الدواسة بتاعتى طويلة فعلا جدا واشكركم يا رجالة على المساعدة الصراحة
بالنسبة لرايى فى العربية فا الصراحة العربية جميلة جدا كجرى وهدوء وعزل وامكانيات بس يعيبها اولا الثبات بعد ال 130 مش كويس تانى حاجة الدنجل الى ورا بيخلى العربية لما تاخد نقرة ولو صغيرة من ورا على الجمب الشمال تلاقى العربية كلها بتحدف معاك من ورا غير كدة الحمد لله مافيهاش مشاكل الا لو بسيطة والحمد لله

**nader nagy** · 07-06-2013 08:11 PM

الحمد الله عدت على خير

**esam_ayad** · 17-06-2013 11:36 PM

المشاركة الأصلية كتبت بواسطة محمد الخزرجى

بس يعيبها اولا الثبات بعد ال 130 مش كويس تانى حاجة الدنجل الى ورا بيخلى العربية لما تاخد نقرة ولو صغيرة من ورا على الجمب الشمال تلاقى العربية كلها بتحدف معاك من ورا

معلش ياباشا يعني معني كلامك ان العربيه بتخرج من حارتها لما بيكون في نقره في الطريق؟
ولا إيه بالظبط؟
لأن أنا معايا كرولا 2006 وعفشتها برضو دنجل خلفي ولما باخد نقره بسيطه في أي دوران بحس ان العربيه بتحدف من ورا بس خفيف ومابتطلعش من حارتها خالص ومافيش مشكله ولا عندك حاجه تانيه؟؟؟؟؟؟؟؟؟

**AshTurbo** · 18-06-2013 05:23 PM

ثبات العربية لحد 220 مافيهوش كلمة .... الحدفة دي باخدها على سرعة 100 تقريباً في منحنى متوسط مش سهل ومفيش أي مشاكل الحمد لله مفيش خروج من حارة ولا أي حاجة .