مين مخنوق ونفسه يرجع ؟

**Land_Cruiser** · 09-06-2013 06:54 PM

ساعات كتير باقعد أتأمل في الناس .. ده بيكسر علي اللي ماشي جنبه .ده بيرمي زباله في الشارع . ده بيشتم .. ده ماشي علي رجله و مع ذلك بيبلطج علي العربيات و بيعّدي قدامها من غير ما يبص .. ده بيركن صف تاني و لا مكان حد ... ده بيفضي الكاوتش بتاع عربيه واحد و لا بيخربشهاله .. ده بيجيب في سيره اللي حواليه ... ده شايف واحد بيسرق و لا واحده هتتخطف و عامل نفسه مش وأخد باله .. ده بيستغل حاجه الناس علي قد ما يقدر و بيغلي في الاسعار ... ده بينصب .. ده بيرتشي عيني عينك .. ده ماشي عكسي في طريق سريع و غيرهم و غيرهم
بأشوف كل ده و بعد كده اسأل نفسي هو ربنا ممكن يبارك لناس بالأخلاق دي ؟ الجميل في مصر كانت أخلاق أهلها مش شوارعها و لا مبانيها و ده لما كانت الناس عندها محبه و احترام لبعضها و ذوق و اخلاق مع تدين حقيقي يجعل هناك دائما حواجز بينها و بين الوقوع في الخطأ. النهارده الكلام ده كله راح و بقت الشطاره مش في الاجتهاد في العمل لكن في مخالفه القوانين و البلطجه علي الاخرين و فرض الرأي بالإكراه و بالتالي تحول الشعب الطيب الشهم الخلوق الي شعب تاني عنيف اناني و زادت الامراض الاجتماعيه و ده طبعا ساعد علي انحدار المستوي الاقتصادي و الضياع اللي بقينا فيه و اعتقد ان الأمل الوحيد هو عوده الأخلاق والتدين الحقيقي و كما قال الشاعر احمد شوقي في بيت الشعر المشهور و الذي يلخص حالنا
"وإِنَّمَـا الأُمَـمُ الأَخْـلاقُ مَا بَقِيَـتْ.
فَـإِنْ هُمُ ذَهَبَـتْ أَخْـلاقُهُمْ ذَهَبُـوا"

**Ahmed_Adham** · 09-06-2013 06:55 PM

المشاركة الأصلية كتبت بواسطة abou_ruqi

اكلها ده كوم لوحده ، اكتر حاجة بتحسسك بالغربة اختلاف الاكلات ، ساعات بتهف على الواحد اكلات لما كان في مصر مكنش غاويها اصلا ، بس لما متكولهاش بمزاجك غير لما متبقاش موجودة اصلا ، ما بالك لما تكون غاويها ؟؟؟
اخر اجازة قلتلهم مش عاوز خضار غير الكوسة ومش عاوز ظفر غير الارانب والحمام ومحدش يحط قدامي رز ، عاوز عيش بلدي باي كميات! وطبعا هريت نفسي اي حاجة من البقرة ما عدا اللحمة ، كوارع لحمة راس ممبار كلاوي قلوب ، حرمان يابا !!!!!!

بس من ناحية اخرى الواحد كان بدأ ينسى طعم الخضار الفريش الاصلي من كتر ما اتضرب في مصر ، واهم حاجة الخيار اللي لما اكلته بره مصر افتكرت ايام الطفولة قبل 1982 سنة ما يوسف والي مسك الوزارة ، كان الواحد بياخد قطاع في الخيارة على قطمتين من كتر ما هي تخينة ، كانت الحجة لما كانت تقطع خيار على السلطة كنت تشم ريحة الخيار من بره الشقة ، بعد كده حولوه لفاصوليا خضرا عاملة تجميل!

حد عجوز زيي فاكر الخوخ بتاع زمان ؟ اللي كان قلبه احمر غامق ولحمه ماسك في النواة مش عاوز يسيبها كان رهييييييب لحد لما حرروا سينا وقلك اللي مليان ماية وملوش طعم ده خوخ سيناوي وبعدين مشفناش البلدي تاني الله يرحمه

انت بتقول فيها. أنا لحد دلوقتي بدور على الموز والتفاح البلدي (بيبقى حجمهم أصغر بكتير) وبلاقيهم ومفيش أحلى من طعمهم. الحاجات التانيه دي منظر على الفاضي لكن مفيش ولا طعم ولا ريحه.

**Eng_Doaa** · 11-06-2013 11:00 AM

مش معنى إن النماذج السيئة كتير إنها تكون الغالبة .

أنا قلت الكلام ده هنا قبل كده . أعرف ناس بتعمل حاجات كتييييييير إيجابية من عمل خير و بيزنس و تعليم و تدريب للناس و عايشة حياتها صح و بما يرضى ربنا و بحاولوا يعملوا خير و يصلحوا و مش حابين يسافروا و يسيبوا البلد . و فى شباب كتير بأقابلهم فى أماكن كتير بيعملوا خير و هما فرجانين و مبسوطين و ربنا بيفتحها عليهم .

فى مصر بالذات الحساب مش بالمسطرة و القلم . مصر فيها حاجات حلوة بس محتاجة تظهر على السطح . فى أمثلة كتير جدا سيئة فى حاجات كتير . بس سبحان الله فى الاخر بتلاقى الناس اللى زيك حابين البلد هما اللى بيشدوك معاهم

المشاركة الأصلية كتبت بواسطة land_cruiser

ساعات كتير باقعد أتأمل في الناس .. ده بيكسر علي اللي ماشي جنبه .ده بيرمي زباله في الشارع . ده بيشتم .. ده ماشي علي رجله و مع ذلك بيبلطج علي العربيات و بيعّدي قدامها من غير ما يبص .. ده بيركن صف تاني و لا مكان حد ... ده بيفضي الكاوتش بتاع عربيه واحد و لا بيخربشهاله .. ده بيجيب في سيره اللي حواليه ... ده شايف واحد بيسرق و لا واحده هتتخطف و عامل نفسه مش وأخد باله .. ده بيستغل حاجه الناس علي قد ما يقدر و بيغلي في الاسعار ... ده بينصب .. ده بيرتشي عيني عينك .. ده ماشي عكسي في طريق سريع و غيرهم و غيرهم
بأشوف كل ده و بعد كده اسأل نفسي هو ربنا ممكن يبارك لناس بالأخلاق دي ؟ الجميل في مصر كانت أخلاق أهلها مش شوارعها و لا مبانيها و ده لما كانت الناس عندها محبه و احترام لبعضها و ذوق و اخلاق مع تدين حقيقي يجعل هناك دائما حواجز بينها و بين الوقوع في الخطأ. النهارده الكلام ده كله راح و بقت الشطاره مش في الاجتهاد في العمل لكن في مخالفه القوانين و البلطجه علي الاخرين و فرض الرأي بالإكراه و بالتالي تحول الشعب الطيب الشهم الخلوق الي شعب تاني عنيف اناني و زادت الامراض الاجتماعيه و ده طبعا ساعد علي انحدار المستوي الاقتصادي و الضياع اللي بقينا فيه و اعتقد ان الأمل الوحيد هو عوده الأخلاق والتدين الحقيقي و كما قال الشاعر احمد شوقي في بيت الشعر المشهور و الذي يلخص حالنا
"وإِنَّمَـا الأُمَـمُ الأَخْـلاقُ مَا بَقِيَـتْ.
فَـإِنْ هُمُ ذَهَبَـتْ أَخْـلاقُهُمْ ذَهَبُـوا"

**minicooper20** · 16-06-2013 05:39 PM

نفسى ارجع
نفشى اقعد مع امى
نفسى انزل اتكشى فى الشارع
نفسى اتخانق فى اتوبيس
ميحسش بالغربه غير الجربها

**monamize4** · 16-06-2013 06:43 PM

المشاركة الأصلية كتبت بواسطة minicooper20

نفسى ارجع
نفشى اقعد مع امى
نفسى انزل اتكشى فى الشارع
نفسى اتخانق فى اتوبيس
ميحسش بالغربه غير الجربها

باستثناء تانى امنية ,,
متاكد ان نفسك ف الباقى ؟!!!!!!!!!!!!!!!!!!!!!!!

متهيالى انك يا باشا (و الجماعية اللى متفقين معاك ف الراى) بتقول كدة عشان قاعد هناك و مش بتواجه اللى احنا بنواجه هنا و حتى لو نزلت اجازة هيتهيالك ان مصر وحشاك لانك من جواك عارف انك راجع هناك تانى ,, لكن لو لاقدر الله رجعت مصر و انت عارف انك خلاص مش هتسيبها تانى , ساعتها هتشوف الامور اوضح

عارف ,, الكلام دا فكرنى بمسرحية المتزوجون لما سمير غانم كان بيقنع شيرين انهم يرحوا القصر عند ابوها و هى مش راضية فكان بيقولها متزعليش هنبقى نزور الخرابة :)))))))))

ف النهاية اتمنى ان ربنا يكرمك ف اى مكان

**aliabutaleb** · 03-07-2013 10:28 AM

المشاركة الأصلية كتبت بواسطة abou_ruqi

حد عجوز زيي فاكر الخوخ بتاع زمان ؟ اللي كان قلبه احمر غامق ولحمه ماسك في النواة مش عاوز يسيبها كان رهييييييب لحد لما حرروا سينا وقلك اللي مليان ماية وملوش طعم ده خوخ سيناوي وبعدين مشفناش البلدي تاني الله يرحمه

على فكرة انا باحبك في الله من غير ما أقابلك :)

**abou_ruqi** · 03-07-2013 01:48 PM

المشاركة الأصلية كتبت بواسطة aliabutaleb

على فكرة انا باحبك في الله من غير ما أقابلك :)

احبك الذي احببتني فيه

**alaa74** · 03-07-2013 02:26 PM

الموضوع من 6/6 ولسه شايفه دلوقتى
يمكن علشان كان فى وقت العمره وبعدها مدخلتش كتير .
يا أخى العزيز
أنا عارف إنك متابع الأحداث من عندك زينا بالظبط .
لكن فى الكام يوم اللى فاتوا تحديدا اللى بيحصل مش هيخليك حتى تفكر إنك تعدى ترانزيت
يعنى إيه الناس وصلت لمرحله قله الأدب وعدم الإحترام حتى فى المناقشات العاديه لمجرد الإختلاف
فى الرأى او وجهات النظر سواء إخوات أو أصدقاء أو جيران أو زملاء عمل أو حتى أغراب فى
الشارع .

وصلنا لمرحله مؤكد أنك مشوفتهاش ولا حتى أى واحد فينا شافها لأنها جديده علينا
يمكن كانت موجوده جوانا وكانت مدفونه لأسباب كتيره انت وانا وكلنا عارفينها .

الثوره وأقصد طبعا ثوره 25 يناير طلعت أسوا ما فى المصريين
أظهرت القبح وسوء الأدب والفساد اللى جوا ناس كتير إلا من رحم ربى

سامحنى خرجت بره سياق موضوعك
لكن هقولك بإختصار شديد جدا
بلدك مش هى بتاعه زمان
أهل بلدك مش هم ناس زمان
أصحابك كل واحد عنده حياته وبيته وأولاده تقريبا مش هتشوفهم
أهلك وأحبابك ودول اهم عنصر فى سبب حنينك لمصر
تقدر واكيد انت بتعمل كده تتواصل معاهم بطرق مختلفه

لكن خليك فى البلد اللى بتتعامل فيها كإنسان
خليك فى البلد اللى بتتعامل فيها بإحترام
خليك فى البلد اللى حاسس فيها بالأمان
خليك فى البلد اللى حاسس فيها بالعدل ولك فيها حقوق بالرغم من كونك أجنبى
خليك فى البلد اللى إتطمئنيت على أمن وسلامه أولادك فيها
خليك فى البلد اللى هتعرف تعلم وتربى وتنجح أولادك فيها بدون واسطه
وبدون إستغلال وإستنزاف لك ولدخلك ولصحتك
وفى الاخر يا تاخد نتيجه ترضيك او لأ

خالد بك
مصر مش هى مصر زمان وزكريات السبعينيات والثمانينيات وحتى التسعينيات اللى عشناها
مصر إتغيرت قوى ومش هرتجع زى زمان

لكن هى بلدنا ومهما بعدت عنها لازم هتحن لها وهترجه لها بس زياره
أرجوك بلاش تندم

تحياتى الكبيره لك ولأسرتك الكريمه ....

-

الموضوع: مين مخنوق ونفسه يرجع ؟

LinkBack

أدوات الموضوع

عرض

-

-

-

-

-

المواضيع المتشابهه

مطب دلع ونفسه يقول للعربية ( أسف )

مخنوق جدا

يرجع ولا ميرجعش متهيألى يرجع :)

اقنعه ازاي صديقي من زوي الاحتياجات الخاصه ونفسه في عربيه

حد عنده لاب توب عليه فيستا ونفسه يرجع للأكس بى ومش عارف

الكلمات الدلالية لهذا الموضوع

المفضلات

المفضلات

ضوابط المشاركة