لو سمحتو ايه احسن محل عنده جنوط سبور جديده؟

نزلت احمد سعيد كل الجنوط اللي هناك صيني ( علاء موسي ) و السعر من ٢٠٠٠ الي ٢٣٠٠ تقريبا و الاشكال كتير و متنوعة
بس انا مش عايز صيني لان التايواني و الاندونيسي مش اغلي من السعر ده بكتير

روحت اشرفكو اللي في الحي السادس عنده تايواني بس تشكيلة قليلة جدا مع ان المحل مليان جنوط و السعر حوالي ٢٥٠٠

الحرفيين مفيش جديد كله هناك استيراد و في منهم حالته مش كويسة و الاشكال برضه مش كتير و مش حلوة و طبعا ممكن يكون جنط ملحوم او مستعدل و انا عايز اجيب جديد

محلات الكماليات زي السجان و باور زون و الناس دي اغلب جنوطهم ١٧ و غالية جدا بتعدي ال ٤٠٠٠ و ال ٥٠٠٠ بالاضافة الي انهم مش متخصصين في الجنوط و بالتالي تلاقي المحل في شكل واحد او اتنين ده اذا لقيت مقاس عربيتك

مين تاني ممكن اروح ادور عنده انا السعر بتاع ٢٠٠٠ الي ٢٥٠٠ مناسب ليا بس انا عايز اشوف اشكال كتير و عايز درجة واحدة جودة اعلي من الصيني و عشان مخترش حاجة اندم عليها

يا ريت اقتراحات لمحلات جنوط جديدة