الموضوع: عايز أشتري طربيزة تنس طاولة ( بينج بونج ) :)

انا كنت شاري ترابيزة كتلر ألماني من حوالي 4 سنين ب1500 جنيه
خامات ممتازة وفيها ميزة إنها ببتقفل وبعجلات عشان تعرف تخزنها
لو عاوز ابعتلك رقم مهندس في التوكيل تتصل بيه تشوف الاسعار دلوقتي وصلت فين
Kettler

المشاركة الأصلية كتبت بواسطة dr.mostafa anwar

انا كنت شاري ترابيزة كتلر ألماني من حوالي 4 سنين ب1500 جنيه
خامات ممتازة وفيها ميزة إنها ببتقفل وبعجلات عشان تعرف تخزنها
لو عاوز ابعتلك رقم مهندس في التوكيل تتصل بيه تشوف الاسعار دلوقتي وصلت فين
kettler

ياريت مكان التوكيل فين و نمره تليفون ليهم

ممكن واحد نجار يعملهالك عموله . وشفتها بعيني جميله بجد

مش هتكلفك 500ج

المشاركة الأصلية كتبت بواسطة o.m.s

السلام عليكم

الطرابيزات تبدا من 300 جنيه لغايه 15 الف جنيه وانواعها كتير مصري وصيني والماني واطالي وماركات زي استيجا و كيتلر دانلوب وبتتباع في التوحيد و النور و كارفور وهايب وحلات الادوات الرياضيه في شارع عماد الدين وشارع محمد فريد بس المهم فيها انت عاوزها داخليه ولا خارجيه علشان فيه حجات مصنع للاستعمال الداخلي وفي للخارجي ودي مصنعه غير وتستحمل الشغل العالي والبهدله ولو عاوز حاجه كويسه وسعرها خفيف فاعملها في البيت او عند حداد هتكلفك 600 تقريبا وهتبقى في متانه وشكل ال 2000 واعلى وعن تجربه

انا عامل واحد بعجل وبتتطبق شاسيه حديد مكلفتني 600 تقريبا وكويسه جدا ,بالنسبه للشاسيه مش مكلف الي غالي الخشب انا مش فاكر اسعار قوي لاني عاملها من 3 سنين بس الخشب mdf 18m وطبعا كل ما تكبر السمك كل ما رده الكوره تبقى احسن والنوع ده احسن من الكونتر والانواع كلها ومتصنع منوا طربيزات عالميه بس المهم الدهان الي عليه كون مط مط يعني علشان انعكاس الضوء

مشاء الله ..
طيب حضرتك ممكن تقلنا ابعاد الطربيزة كام في كام وعلي فكرة انا هستخدمها داخلي مش خارجي
فانا عايز بعد الشاسية الحيدد وابعاد الخشب نفسة ونوعة بالتحديد لو أمكن .. ولك جزيل الشكر