بارك الله فى كوريا وعربيات كوريا

**mhopa2440** · 08-06-2013 09:10 PM

كل الرجالة اللي ردت رايها صح وتمام ف كل حاجة

بس الناس دي كلها نسيت عربية اسمها مازدا 3 لي اثنين من صحابي كان معاهم نفس المبلغ ولما قعدنا نفكر ف افضل عربية ف السعر دا (طبعا عربيات شبهنا ونقدر عليها) لقينا العربيات دي

النترا 2008 2009 لانسر 1600 سي سي 2008 هاف سبورت على الاقل مازدا 3 2008 الفئة الثانية او هاي لاين اوكتافا ايه فور مو 2004 2005 _(هي دي العربيات اللي نقدر عليها ونفهم فيها )

انت قارن بينهم كويس قوي هتلاقي كلهم ممتازين من ناحية الموتور العفشة الوسع الداخلي والثبات والقوة والتسارع والمتانة بس الازواق بقى تختلف

الافضلية بصراحة هي الاوكتافيا والمازدا 3 بس الاوكتافيا هتلاقي سعرها طالع شوية

ربنا وفقهم والاثنين اشتروا مازدا 3 واحدة هاي لاين هاتش باك والثانية الفئة الثانية والاثنين 2008 وباقل من 85 بكتير كمان

لو نويت على المازدا خليك ف الهاي لاين فتحة سقف وتكييف تاتش ممتازة ممتازة ممتازة واشيك من كل العربيات اللي فاتت من جوه وبره وربنا يوفك ان شاء الله

**AlGazar2** · 08-06-2013 10:21 PM

المشاركة الأصلية كتبت بواسطة mohamed elool

طبعا ركوبة مافيش كلام .. و تكيفك اوي

بس العربيات دي في نظري ماتتجبش غير زيرو عشان تاخد انت خيرها

الحساس : مش عارف اسمو بس هسئلك والدي عشان العربية كانت معاه ( بس هيا كانت مشكلة في الكونترول بتعها )

و الله و الله انا ليا واحد صاحبي معاه ميجان صارف عليها 6000 جنيه لحد دلوقتي و بعديها باسبوع راح بيها مشوار راجع اطيرها

و مع ذلك عربيات ركوبة و خصوصا الالماني ... عربيات مافيش كلام ... ( فيكترا و الاسترا )

و سعرها قريب من سعر الكوري
يعني الميجان مثلا : 2006 ب 60_ 64 الف ... و النوبيرا 2007 مثلا : 55 _ 57

رغم ذالك انا افضل النوبيرا مش عشان هي احسن لا طبعا .... عشان لو الميجان فتحت بقها ( هزعل جامد ) و مش هعرف الها و مش هاترجع زي الاول

انت فهمتني

فاهمك طبعا
النوبيرا فى الاستخدام المصرى الشاق الاصيل افضل من الميجان بمراحل
الميجان هاتتلكك و لو اتلككت هتصرف جامد
النوبيرا كل ما تقسى عليها اكتر تديك اداء اكتر بس لما هاتفتح بقها هاتفتحه بس بنزله للحرفيين هاتجيبلها كل الى عايزاه

بس ده ميمنعش برضه ان الميجان النضيفه الى صاحبها مبيبخلش عليها بحاجة افضل من النوبيرا الى صاحبها بيصرف عليها برضه حتى لو النوبيرا تفوقت فى حاجات فالمجمل هيبقى للميجان برضه كركوبه و رفاهيه و دلع الفرنساوى

بس انا رأيى الشخصى ان فى كام عربيه فى مصر كده ما يتجابوش غير استعمال نظيف
زى السوبارو ( حلم حياتى ) - الميجان و فى عربيات تانية برضه و ده مش لعيب فى العربيه طبعا ده عشان ثقافه السوق المصرى الغريبة جدا جدا جدا دى عشان لما تيجى تبيع ما تخسرش كتير فى البيع ده طبعا لو هاتبيع بسرعه لو هاتفضل معاك فتره كبيره يبقى تتجاب زيرو طبعا