--->> آخر أخبار دعم البنزين -- أخبار سعيده ----

**mr_green** · 07-06-2013 07:02 AM

إمبارح بليل سمعت وزير التموين د/ باسم عوده - ربنا يجازيه خير و يارب نشوف كل صاحب منصب بيراعى ربنا ذيه - سمعته على راديو مصــر

المهم

قال إن موضوع كروت البنزين و السولار و موضوع ال 5 لتر ده كلام بيتقال غير سليم و الدليل عدم تطبيقه حتى الآن

قال إن إللى هايحصل إن هايعملوا الكروت و هايفضلوا فترة تجربة يقيسوا إستهلاك الأفراد و بناء عليه يحديد متوسط الإستهلاك و إن الموضوع مش هايمشى قرارات من المكاتب المكيفه بدون الإحساس بالمواطن

وقال أيضا إن أزمة السولار و البنزين فى طريقها للحل و إن الكميات كافية لكن المشكلة فى عملية التوزيع ودى هاتتحل بالكروت إللى إبتدوا فى تطبيقها حاليا

**el diesel** · 07-06-2013 07:56 AM

الله يكرمك يا شيخ التاكيد من الوزير فى طمأنة للناس

**mhmdalsaadany** · 07-06-2013 08:12 AM

ايوه يا جماعه ما هو الخوف يجي يقلك احنا اكتشفنا ان ال5 لتر كتير بناء على الاحصائيات 2 لتر كفايه جدا لكل مواطن ههههههههههههههههه
باسم عوده دا من انجح الوزراء الى جابتهم مصر ربنا يقويه يعني لحد دلوقتي لسه محددوش حاجه الموضوع اتأجل لحد ما يعرفوا بنستهلك قد ايه خلاص احنا نتعب شويه ونروح نمون ونخزن البنزين ونفول كل يومين وبكدا يكون متوسط الاستهلاك عالي ويقلك 50 لتر لكل مواطن في اليوم

**mr_green** · 07-06-2013 08:26 AM

من ضمن الحاجات إللى قالها :

قال مشكلات أى دولة فى العالم عادة بتكون حول حاجتين
1- الطاقة
2-المياه

قال الكهرباء بتدخل البيت بعداد و الغاز بعداد و الماء بعداد فليه الناس مش عايزانا نعمل عداد للبنزين و نعر إنت بتحتاج أد إيه و منه نعرف إحنا محتاجين أد إيه و نقضى على السوق السوده و على التهريب و ما إلى ذلك

**drahmedhegy** · 07-06-2013 09:30 AM

المشاركة الأصلية كتبت بواسطة mr_green

من ضمن الحاجات إللى قالها :

قال مشكلات أى دولة فى العالم عادة بتكون حول حاجتين
1- الطاقة
2-المياه

قال الكهرباء بتدخل البيت بعداد و الغاز بعداد و الماء بعداد فليه الناس مش عايزانا نعمل عداد للبنزين و نعر إنت بتحتاج أد إيه و منه نعرف إحنا محتاجين أد إيه و نقضى على السوق السوده و على التهريب و ما إلى ذلك

كلام جميل
من انسان محترم وفاهم
بس كان ليا سؤال انا شاري العربيه بتوكيل والرخصه مش باسمي ولسه فيها سنتين هل لازم انقل ملكيه ولا لا

**dramir1** · 07-06-2013 10:40 AM

والكارت بنحصل عليه منين

**Kareem Fawzy** · 07-06-2013 12:57 PM

انا بحترم باسم عوده وفى رأيي انه من انجح الوزراء اللى جم مصر
بس الخوف فعلاً انه يقول ان فى الاخر طلعت الاحتياجات لشريحة كبيرة من المجتمع 5 لتر وبناءً عليه يبقا 5 لتر للشعب كله
ربنا يستر

**abou-yahia** · 07-06-2013 09:01 PM

تفتكروا هما شالوا وزير البترول السابق ليه

عشان سببين من وجهه نظري

اولا هما حرقوه بموضوع البنزين والدعم وهوه اللي كان شايل ليله تصريحات العم الفتره السابقه وانه حيبدء من يوليو القادم

فلما عدلوا عن هذا الموضوع نتيجه مشاكله المتوقعه مكنش ينفع يقعدوه

ثانيا موضوع مشاكل السولار والبنزين والغاز للمحطات

مشكلته انه كان قوي وعارف شغله وكان بيوضح الحقائق اول باول

يعني لما تفاقمت ازمه السولار وبدء الجماعه اياهم يروجوا انها من وزاره البترول كان واضح جدا ان التوزيع والرقابه عليه مسئوليه رئيسيه ومباشره من مهام وزير التموين الغير همام

وهمته المدعوه مجرد فقاعه بالونيه ترويجيه

ذي موضوع القمح اللي زرعه بلضبط نيابه عن وزير الزراعه اللي اقالوه

عموما كل فريق بقناعاته مبسوط

وربنا يوفق البلد للي فيه الخير

Sent from my GT-P5100 using Forum Runner

-

الموضوع: --->> آخر أخبار دعم البنزين -- أخبار سعيده ----

LinkBack

أدوات الموضوع

عرض

-

-

-

-

المواضيع المتشابهه

أخبار البنزين في منطقتك ايه ؟؟

أية أخبار e72

أخبار الجنة

أخبار السوق إيه

الكلمات الدلالية لهذا الموضوع

المفضلات

المفضلات

ضوابط المشاركة