يا جماعة عربيتي جين 2013 عاملة حوالي 2000 كم لما بفول أﻻقي العداد مديني حوالي 480 كم بس و بحس ان استهﻻكها عالي اوي هل كل الجين كدة
عرض للطباعة
يا جماعة عربيتي جين 2013 عاملة حوالي 2000 كم لما بفول أﻻقي العداد مديني حوالي 480 كم بس و بحس ان استهﻻكها عالي اوي هل كل الجين كدة
اي عربيه 1600 كدا
نصائح ممتازة لتخفيض استهلاك الوقود
متعتمدش على الكومبيوتر
اعتمد على التجربة الفعلية فقط
والله انا زى حضرتك بالضبط بس المشكلة عندى ان كل مرة لما اجى افول لما علمة التنك تنور فى التبلوة افول بـ 36 لتر او 38 لتر مش فاهم هوا بيبقى فى التنك كام او هى مفروض تتفول ازاى
مع انى قريت ان تنكها 50 لتر فامش فاهم ولا عارف احسب استهلاكها وهى تقريبا معايا معقولة ياعنى بتاخد على مااعتقد 11 لتر او 12 لتر كل 100 كيلو ودا طبعا مش اكيد
العربية دى بتاكل بنزين جامد
انما لو رجلك خفيفة عليها هتستهلك المعدل الطبيعى لاى 1600
معدل استهلاك جين 2 للبنزين بيظبط بعد الخمسه الاف الاولي وبعد كده معدل استهلاكها عادي زي كل 1600 ويمكن هيا تتفوق علي بعض الانواع
اما سعه تانك البنزين فده موضوع حصل فيه مناقشه طويله ولم نصل لرد مؤكد البعض قال 40 لتر والبعض قال 50 لتر
انا اعتقد من حساباتي بدون اعتماد علي الكمبيوتر بتاع العربيه ان التانك 40 لتر موش 50
معدل الاستهلاك علي سرعه 90-110 بدون تكييف حواي 12-13 ك\لتر حسب ظروف الطريق والحموله ولو زودت السرعه معدل الاستهلاك هايزيد وده عادي في اي عربيه
اما جوه البلد معدل استهلاكها حوالي 10-11 ك\ لتر بالتكييف لو الطريق ماشي انما لو اشارات ونكد اكيد هايقل شويه
انا لسة مفول امبارح كان فاضل شوية بنزين حوالى 70 كيلو ولمبة البنزين نورت حطيت 39 لتر وبعدين شغلت لقيتها كاتبة 494 كيلو متر قبل الذهاب للبنزينة
المشكلة انى بقلب بلااقى فى ساعة كدة مش عارف دى بتاعت اية بالضبط ياعنى لما فولت لقيتها مكتوب عليها 13:50 مش فاهم دا بتاع اية
بس الى انا متاكد جدا منة ان لما بتغير قبل 3000 اربى ام الاستهلاك بيبقى ممتاز
التانك 50 لتر كسعة أساسية .
10 لتر أحتياطي (بيكونوا موجودين لما مؤشر التحذير - اللمبة الحمراء تنور )
حصلت معايا قبل كدا
اللمبة نورت و الكمبيوتر قال مفيش بنزين (أداني صفر ) ....... و لكن مشيت عليها 82 كيلومتر لغاية أول بنزينة و فولت تقريبا أربعين لتر مش فاكر و الكلام ده حصل من 4 سنين في 2008 .
بالنسبة للأستهلاك
أستهلاكها عادي زيها زي أي 1600
معدلها .......... اللتر يمشي من 10 إلى 13 كم
يعني الصفيحة تعمل من 200 إلى 230 كم كمعدل ....... و ممكن تزيد عن كدا .
أهم حاجة بس أنك ما تحرقش على الغيارات ........ غير قبل 3000 لفة - دقيقة و أنت تشوف أحلى أستهلاك .
بالنسبة للعربيات الجديدة
لازم تستنى على أول 5000 كم و بعدين تحكم بالأستهلاك الفعلي مش أستهلاك الكمبيوتر لأن أستهلاك الكمبيوتر هو أستهلاك لحظي و ليس حقيقي .
انا مشاء الله فولت وانا جاى من العين السخنة ( الثلاثاء ) والعربية كانت عملة 950 كيلو حطيت 36 لتر وجت القاهرة وكل يوم بعمل بالعربية 50 اوستين كيلو ومشاء الله العربية وفولت بعد ماجيت بحوالى اسبوع وعداد العربية كان عامل 1432 كيلو ياعنى مشاء ( حوالى 480 كيلو ) انا مش قادر احسب استهلاكها بالضبط بس ان شاء الله ناوى احسبة وانا بحرق وعلى السحب الهادى وانا بفول انا مش حاسس انها بتسحب بنزين قوى بس انا مبحرقش بيها نهائى ياعنى بغير زى مااستاذ توت قال قبل 3000 ار بى ام
( بس والله لو فيها اية انا بحبها جدا جدا جدا )
ربنا خلى حضرتك يااستاذ توت عنخ امون
على فكرة توت عنخ امون يعد من اشهر ملوك الفراعنة على الرغم من انة لم ييقوم باى اعمال تفيد مصر ولكن سبب شهرتة هو اكتشاف مقبرتة كاملة وهذا ماجعل العلماء يتعرفوا على اشكال المقابر الملكية وكانت مقبرتة بمثابة كنز معلومات عن الفراعنة
استهلاك عالي اوي قلهم علية في صيانة ال 5000
انا معايا جين2 مانيوال 2013 بسافر بيها ولاحظ استهلاك البنزين فى كل مرة 11.9 او 12 كيلو فى اللتر فى كل مرة افول واصفر العداد وافول تانى بعد نص التنك ما يخلص الاقى تقريبا المعدل 12 كيلو فى اللتر دا كلة فى السفر مش فى زحمة ولا توقفات وبتكون السرعة 110 -150 كيلو فى اكتر الاوقات
كده زيادة على الطبيعى بمقدار بسيط انما ممكن تكون سرعاتك مش عاليه لكن حساسية رجلك على الدواسة تقيلة شوية
او البنزين مش كويس و محتاج تستعمل منظف الانجكشن
ياجماعة انا الحمد لله عندى الاستهلاك كويس الحمد لله جدا ياعنى حطيت اخر مرة 39 لتر العربية عاملة دلوقت 400 كيلو ولسة العداد بتاع البنزين مكتوب ان العربية لسة فيها تمشى 170 كيلو وانا كنت مفول ولمبة البنزين منورة وكان العربية فيها 70 كيلو على عداد البنزين وهمون تانى ان شاء الله على ال 70 بردة وهشوف هى خدت كام لتر بالضبط من نفس البنزينة ونفس المكنة
بس كدا مشاء الله عاملة اكتر من 250 كيلو فى الصفيحة داخل البلد ياعنى الاستهلاك كويس مشاء الله
أنت بتحسب ازاي ؟
من على الكمبيوتر بتاع العربية و لا بتحسب فعلي بقسمة الكيلومترات على عدد اللترات بعد كل تفويلة ؟
ثانيا أنت بتقول سرعتك من 110 إلى 150 كم !!!
دي سرعة عالية و لو أستهلاك عربيتك كدا على السرعات دي
يبقى أستهلاك كويس جدا
يا باشا بيقولك بيمشي على سرعة 110 إلى 150 و بيعمل 12 كيلومتر في اللتر ... يعني الصفيحة تعمل معاه 220 كم و هو على سرعات عالية زي دي .... أعتقد يا أبو صيام يبقى كويس و لا انت أيه رأيك ؟
[QUOTE=tutankhamoun;3875060360]
أنت بتحسب ازاي ؟
من على الكمبيوتر بتاع العربية و لا بتحسب فعلي بقسمة الكيلومترات على عدد اللترات بعد كل تفويلة ؟
ثانيا أنت بتقول سرعتك من 110 إلى 150 كم !!!
دي سرعة عالية و لو أستهلاك عربيتك كدا على السرعات دي
يبقى أستهلاك كويس جدا
بحسب على التفويل ياباشا بملى العربية للزور وبعدين امشى بيها واملاها تانى للزور واشوف اخدت اد اية على عداد البنزينة بس بكون مصفر العداد قبل ما اطلع بعد التفويل
عندك حق انا فعلا رجلى مش مظبطة مع الدوسة لان مرة اسوق بشبشب ومرة بجزمة كبيرة ومرة جزمة صغيرة وسعات كتير حافى علشان اوصل بسرعة منا بسوق 500 كيلو مرة واحدة
وعلى فكرة لما ركزت انى اظبط رجلى مع الدواسة حسيت ان الاستهلاك قل بجد انما تنظيف انجكش معتقدش العربية لسة زيرو
و حاجة كمان يا أستاذ عمرو .
لو ثبت سرعتك على 100 بس مثلا 200 كم و تفول هاتلاقي أستهلاك أحسن و أحسن
و أنا أعتقد أنك معندكش مشكلة بالمعنى المفهوم
أنت بتقول سرعتك دائما من 110 ل 150 و دي سرعة عالية و كل لما السرعة تزيد مقاومة الهواء للعربية تزيد و بالتالي بالبنزين يزيد .
ربنا يستر طريقك و بلاش السرعات العالية كمان علشان خاطر الأمان .
أنا الاستهلاك عندي بيعمل من 250 - 300 في الصفيحة ... يعني من 13 إلى 15 كيلو لكل لتر ... في طرق السفر .. على سرعة ثابتة دائما وهي 120 كيلو متر في الساعة ... والفرق في الاستهلاك اللى انا كاتبه ده بيكون حسب اتجاه الرياح لو معايا بيوصل لقرب الـ 300 في الصفيحة .. لو ضدي بيكون حوالي 250 - 260 في الصفيحة
لكن جوة البلد مش بيزيد بأي حال من الأحوال عن 11 - 12 لتر في أفضل الأحوال .. لكن المعتاد بيكون 10-11 كيلو في اللتر
....
الاستهلاك ده ما بانش معايا غير بعد الـ 5000 كيلو الأولى
.... أحرص إنك تصفر العداد بتاع استهلاك البنزين كل 5000 كيلومتر ... لإعادة ضبط المتغيرات اللى بيعتمد عليها الكمبيوتر في حساب كمية البنزين اللى بيضخها للرشاشات وما إلى ذلك
انا جوه البلد الدنيا عندي بايظه قوي الاستهلاك زياده جدا لكن علي الطريق الموضوع افضل بكتييييييير
اعمل ايه ممكن يحل المشكله شويه
انا العربيه اوتو 2009 عامله 60000 جين 2
وكمان انا بلاحظ نتشه جامده لما بيسقط من ال 4 ل 3 ( كيك داون ) الحاجات دي ممكن يبقي سببها ايه
ده غير ان موشر البنزين بيخرف شويه بحس انه ماشي بمزاجه