رقم العضوية : 857
تاريخ التسجيل : 03Jun2007
المشاركات : 412
النوع : ذكر
الاقامة : Alexandria
السيارة: fantasia 2011&Optra Automatic
السيارة[2]: C180 W202
دراجة بخارية: لا يوجد
الحالة :
الموضوع يا جماعة إن كان عندى مشكلة التزييق فى طارة الدريكسيون فى سيارتى الأوبترا 2007 و ده تقريبا بعد صيانة الـ5000 (دلوقتى أنا عامل 18500) و هى عبارة عن تزييقة خفيفة جدا فى الدركسيون لما تلفه يمين و شمال فى مكان هادى و إنت قافل الزجاج و كنت أعتقد إنه مش مؤثر على سلاسة الباور و لو راجعتوا المواضيع الخاصة بهذه المشكلة بوصف الدكتور محمود صلاح و أخونا المهندس هشام عثمان هتلاقوا وصف دقيق لها و لكن من شهر ركبت عربية عمى (أوبترا 2008) لقيت الباور بتاعها خفيف بشكل ملحوظ عن سيارتى فعقدت العزم أن أذهب بها لتوكيل منصور بالهرم لأن الناس بتشكر فيه -على فكرة أنا من إسكندرية - و كمان لأنى عرضت المشكلة عليهم عندنا فى فرع العامرية فى صيانة ال15000 فقعدوا يقولوا أصل الصوت خفيف و مش باين قوى و مش مؤثر على حاجة و إنت لسه فى الضمان و كلام من ده .. شغل إسكندرانى
المهم يوم الثلاثاء الماضى كنت مسافر القاهرة لحضور دورة فى شركة THree brothers فاتصلت قبلها و حجزت و كنت هناك الساعة 11 ظهرا أخذت دورى و سلمت العربية لمهندس الصيانة (م/شِريف) و قلتله على المشكلة فقعد يسمع الصوت و قفل الزجاج و قعد يسمع تانى فقلتله إيه شايف إيه فهز رأسه و لم ينبث ببنت شفه !!!
دخلت العربية الصالة فى حدود الساعة 11:30 وقولت أطلع الإستراحة أشرب كوباية شاى رحت نايمو أنا قاعد فى التكييف اللذيذ حتى الظهر ، قمت صليت و قلت أشوف وصلنا لإيه ، لقيت العربية واقفة مكانها لم تتحرك .. قلت كده تبقى طالبة حته إسكنرانى ، قعدت أدور على المهندش شريف لقيته بعد عناء فى مكتب مدير الصيانة الموجود بالصالة قمت داخل رغم إعتراض فرد الأمن و كانت الساعة دخلت فى 2:00 ظهرا و قلتله إيه الموضوع يا هندسة إنتوا مش ناويين تشتغلوا فيها و لا إيه لقيته رد بهدووووء شديد و قالى و الله أنا داخل للمدير علشان عربيتك.... بإذن الله هنبتدى نشيك عليها قولتله تمام ربنا يقويكم و ما هى إلا ربع ساعة حتى فوجئت بالفنى المختص أخد العربية وو ضعها على الونش وتركها و انصرف ..و بعد 5 دقائق لقيته راجع و شايل معاه كارتونة السكاترا الجديدة فدخلتله و ظبطه و بدأ يشتغل فيها و الصراحة ولد 10 على 10 خلص الموضوع فى حوالى 45 دقيقة و غير طبعا زيت الباور و دخل العربية لتظبيط الزوايا
و أنا طبعا بدورى دخلت للمهندس شريف و لمدير الصيانة و شكرتهم و الحقيقة يا جماعة فعلا منصور من أحسن التوكيلات فى مصر و يستاهل الشكر و التقدير و الثقة و الظاهر كده إن إحنا فعلا فى "إيــــد أمينــــــــــــــــــــة "
يا رب ما أكون زهقتكوا
رقم العضوية : 1646
تاريخ التسجيل : 31Jul2007
المشاركات : 3,549
النوع : ذكر
الاقامة : 6 أكتوبر
السيارة: N/A
السيارة[2]: Daihatsu Sirion 1.3 GLX - 2008
الحالة :
رقم العضوية : 857
تاريخ التسجيل : 03Jun2007
المشاركات : 412
النوع : ذكر
الاقامة : Alexandria
السيارة: fantasia 2011&Optra Automatic
السيارة[2]: C180 W202
دراجة بخارية: لا يوجد
الحالة :
ربنا يكرمك يا أخى و بالنسبة لموضوع التظبيط فشهادة لله الناس محترمة جدا و الميكانيكى ما كانش عاوز ياخد حاجة و قاللى الشغل هيتعمل و الله و هتاخد حقك بس أنا كنت حابب أديله و أصريت ربنا يبارك فيهم
رقم العضوية : 3676
تاريخ التسجيل : 11Dec2007
المشاركات : 585
النوع : ذكر
الاقامة : el haram
السيارة: سينا
السيارة[2]: نيسان
الحالة :
م/شريف من احسن الناس الى هناك
shady_elkady Aveo 2008 f-o
رقم العضوية : 7628
تاريخ التسجيل : 18Mar2008
المشاركات : 405
النوع : ذكر
الاقامة : mokatem
السيارة: -
السيارة[2]: أوبترا AT
دراجة بخارية: -
الحالة :
ممكن العنوان بالظبط يا ابو عمار ؟؟؟
رقم العضوية : 857
تاريخ التسجيل : 03Jun2007
المشاركات : 412
النوع : ذكر
الاقامة : Alexandria
السيارة: fantasia 2011&Optra Automatic
السيارة[2]: C180 W202
دراجة بخارية: لا يوجد
الحالة :
العنوان بالضبط : ك 4.5 الهرم على الطريق الصحراوى بعد فندق الواحة مباشرة
رقم العضوية : 214
تاريخ التسجيل : 25Apr2007
المشاركات : 286
النوع : ذكر
الاقامة : Naser city
السيارة: Getz
السيارة[2]: Elentra
دراجة بخارية: No
الحالة :
هو غير السكاترا و لا علبة الدركسيون بالكامل
لأن اللى أعرفه أن العلبه بتتغير زى ما حصل معايا 3 مرات لغاية دلوقتى !!!
هيه الظاهر مشكلة علبة الدركسيون دى حاجه عامه للأسف فى الأوبترا و لو مش منصور ناس محترمه ما كانوش غيروه خصوصا أن صوت التزييق خفيف بس فعلا الدركسيون بيبقى تقيل و أنت مش حاسس لأنك أتعودت عليه.
رقم العضوية : 7628
تاريخ التسجيل : 18Mar2008
المشاركات : 405
النوع : ذكر
الاقامة : mokatem
السيارة: -
السيارة[2]: أوبترا AT
دراجة بخارية: -
الحالة :
الف شكر يا ابو عمار ...
دلوقي انا جربت الموضوع بتاعك ده عندي (الف الدركسيون والعربيه واقفه)
مره و الفتيس علي p مكنش بيطلع صوت عالي ..ومره علي d4 كان بيطلع صوت تزييق عالي جدا خصوصا عند لف الدركسيون يمين
اعتقد كده انا محتاج زياره لمنصور في صيانه ال10000 ان شاء الله .
وكمان عندي حاجه تانيه مش عارف عندكم في الأوبترا برده ولا دي مشكله عندي ..
لما تقف بالعربيه خالص وانت دايس علي الفرامل طبعا وتجيب p وتيجي تشيل رجلك من علي الفرامل تسمع صوت تزييقه عاليه او صوت ترييحه معدنيه في العجل ادام
(بشك في الطنابير) ...هل ده طبيعي في العربيه ولا مشكله عندي ؟
رقم العضوية : 857
تاريخ التسجيل : 03Jun2007
المشاركات : 412
النوع : ذكر
الاقامة : Alexandria
السيارة: fantasia 2011&Optra Automatic
السيارة[2]: C180 W202
دراجة بخارية: لا يوجد
الحالة :
صوت التزييق ده طبيعى يا تايسون و ده صوت إحتكاك تيل الفرامل مع الطنبور عند الضغط الخفيف على الفرامل و ليس له علاقة بالصوت اللى فى علبة الدريكسيون و الصوت ده أنا سمعته فى سيارة أخى (أوبل أسترا) و الغريب إنه مش موجود خالص فى سيارات مثل النيسان و اللانسر مش عارف إيه السبب
اللى يعرف يا إخواننا يشارك لتعم الفائدة
رقم العضوية : 3676
تاريخ التسجيل : 11Dec2007
المشاركات : 585
النوع : ذكر
الاقامة : el haram
السيارة: سينا
السيارة[2]: نيسان
الحالة :
لو انت رافع الهاند بريك و حلوت تلف الدريكسيون لازم هتسمع صوت تزيق دة ملوش دعوة بغلبة الدريكسيون دة من احتكاك التيل بالطنابير
shady_elkady Aveo 2008 f-o
المفضلات