عرض للطباعة
روحت مع واحد صاحبي يزبط زوايا سيراتو 2013 الشكل القديم عشان حاسس فيها بحدفه يمين واحنا بنظبط زوايا الراجل قاله لو الزوايا مظبطتش محتاجه زرجينه تفتح سم وتسحب سم والعربيه دي عامله حادثه مع العلم انها مفيهاش حوادث العربيه لسه مكملتش 5000
ومع العلم برضو اني كان معايا سيراتو نفس الشكل 2009 وفيهها نفس الحدفه
هل فعلا هي فيها عيب ؟؟!
:B4_564: :eee:
تقريبا كل السيراتو فيها 1 سم وبتاع الزوايا بيقول عاملة حادثة !!!!!!!!!!!!!
مش عارف الغلط فين
انت كده برضو
يعني الشركه بتخبط كل العربيات قبل ماتبيعها :d
ياباشا العربية واخده مطب جامد حصلت معايا حلها تغيير المساعدين أو الزرجينه أو اللى انا عملته عند بتاع زوايا خرط من المسمار اللى رابط المساعد واحد مللى وفعلا كشفت بعد كده لقيتها ظبطت و نصيحه ظبط زوايا عند اى فرع من فروع بريدجستون الجهاز عندهم ممتاز
بس مش منطقي ان كل العربيات السيراتو اصحابها واكلين مطب جامد ودايما يجي في اليميناقتباس:
المشاركة الأصلية كتبت بواسطة excel_team2000
شيء غريب :duh2:
اللى عرفته ان فيه كتير من بتوع الزوايا ماعندهمش القيم الصحيحة لضبط زوايا السيراتو و بيشتغلوا على ارقام ضبط السيراتو القديمة موديل 2008 الموضوع ده انا شفته بنفسى و لما قلت للراجل ان السيراتو 2008 على الشاشة عنده غير عربيتى 2010 قاللى هما واحد من تحت مشيت من عنده عشان كده بريدجستون عندهم القيم الصحيحة لأن الجهاز عندهم حديث جرب و بعدين شوف النتيجة
الراجل بتاع بريدجستون عمرات العبور قالي برضو العجلة اللي قدام يمين كلت مطب و عازة زنجيرة دي و بصراحة مش فاهم حاجة و قالي التوكيل مش هيعملها لو رحت هيغير المساعدين و التكلفة هتبقي كتير و الموضوع ده قالي بيأثر علي عمر الكاوتش علي المدي البعيد
شوف الموضوع ده فيه نفس مشكلتك و حلها بطريقتين مختلفتيناقتباس:
المشاركة الأصلية كتبت بواسطة MIVEC.A92
http://www.nilemotors.net/Nile/340438-a.html
زاوية المساعد ضعيفه و بتتنى ملى او اتنين ملى .من الطبات و الحفر .و هتلاقيها بتحدف منك
الملى بيفرق 1 سم فى الزوايا طبعا .
الحل تغيير المسمار الاعلى من المسمارين اللى مسكين المساعد من تحت ناحية الطنابير
بمسمسار اقل فى ثماكته .يعنى بدل 19 يبقى 17 مثلا . و تجيب مسمارين 13 هتحطهم فى الفجوه بين المسارين و المساعد عشان تسند المسامير و متتنيش تانى من اى مطب او حفره
و الله اعلم
شكرا عالافادة ..
لكن عن تجربة كل هيونداى وكيا بتحتاج زبط زوايا كتير خاصة الخلفية عالطول كامبر - وتو - برضه حتى لو بتخلى بالك من المطبات !!!
التجربة فى سبورتاج والانترا 2012
http://nileup.com/up/uploads/nilemotors_13707908151.png
النتيجه النهائيه بعد كذا شهر تمام جدا و الزوايا صحيحه مع انى لبست كذا مطب و حفره .و لكنى لما مليت الفراغ الموجود بين الجزء اللى ماسك الطنابير و المساعد لغيت نقطه الضعف و اصبحت نقطة قوه .
الحمد لله
الحل دا جميل و مش مكلف و عملته عند بريدجستون بس بعد ما استاذنتهم و سمحولى بكده و هما نفذوا الحل .ربنا يباركلهم
نقطه الضفع اللى المساعد بيتنى من عندها اللى معلم عليها باللون الاحمر بدائره
غيرت المسمار اللى فوق اللى بيمسك المساعد بحجم مختلف و حطينا مسمار تانى يملا الفراغ الموجود بين المساعد و الطنابير بالطول .(راسى )
و النتيجه على الزوايا اتظبت تمام الحمد لله و محتفظ بالمسمارين الفبريكه عشان لما اغير مساعدين باذن الله
العجل اتظبط على الارض بعد ما كان فاتح من فوق .
العجل الامامى
زاوية الكامبر
و شكرا جزيلا لصاحب الموضوع
Convoy After JFM Dinner 2013 - YouTube
استمتعوا و قولوا رايكم خصوصا على الموسيقى التصويريه هههههههههه بجد دحك السنين .
http://www.youtube.com/watch?v=5ZWKbSzO15Y
http://www.youtube.com/watch?v=vx4yRoe0Wdg