يا جماعة لو سمحتوا كنت عايز اشترى لانسر ميراج وكنت عايز اعرف ازاى افرق بينها وبين الكريستالة فى الشكل من جواه ومن برة علشان انتو عارفين انها ممكن تكون كرستالة ومتعدلة ؟
عرض للطباعة
يا جماعة لو سمحتوا كنت عايز اشترى لانسر ميراج وكنت عايز اعرف ازاى افرق بينها وبين الكريستالة فى الشكل من جواه ومن برة علشان انتو عارفين انها ممكن تكون كرستالة ومتعدلة ؟
الميراج احلي و اشيك خصوصا بفتحة السقف
افرق بينهم ازاى بقاا ؟ لما اجى اشتريها انا خايف تبقا كريستالة ومتعدلة
الرجالة فين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟
بص يا كبير انا بحب اللانسر واحب اللي يحبها
الميراج الاصلية ليها اكصدام كبير امامي وزيه خلفي فيه لمبتين صغيرين ف الجناب
وفوانيس خلفيى مميزة مفردة بدون عاكس وغطاء الشنطة بيبقى مكتوب عليه ميراج ف النص
الفوانيس قدام بتبقى شبه الارنبة مو 97 رفيعة ومسحوبة والكبوت له شفه لقدام سنة والشبكة صغيرة عليها العلامة ..
في منها باب واحد ودي نادرة جدا.... وفيه منها بابين ودي اقل ندرة
من جوة غالبا فيها اتنين ايرباج مكتوب اس ار اس ف الطارة والتابلوة والطارة بتكون 4 ريشة ومميزة وشيك جدا...وممكن يكون فيها فتحة سقف..
فيه مواتير الميراج 1500 توين كام ودي اعتقد اسمها ميراج de
وفيه منها 1600 وفيه كمان 1800 واعتقد اسمه gsr وممكن يكون تربو بتاع 220 حصان بنت هرمة كده والله اعلم...
ممكن تعرف انها اصلية ولا لا... مش متاكد بس طابق رقم الموتور والشاسية ف الحديدة تحت الكبوت نحية التبلوه ف الحوض برقم الموتور والشاسيه اللي ركبين فيها لما ترفعها وتفحصها ف مركز او توكيل
لو معدلة شكليا دي بتبقى بموتور تاني جديد كسر زيرو متسقط ولو صاحبها بايعهالك برخصة ممكن تكون مثبوته فيه بالكوسة في حالة انه اقل من 1600 عشان يهرب م الضريبة
انما لو 1800 مستحيل تتثبت 1800 ف الرخصة لو كان ايه باللذي الا اذا كان صاحبها من الزيرو وجايبها من حر ماله وده مش هتلاقيه....
ممكن تكون 1800 ف اللوحة وع المكنة 1800 بس مثبوت اقل ده يا مسقط المكنة يا هي بمكنتها بس مظبط بتوع الفحص !!!!
وحاجة كمان ... اللي بيعدلو كريستالة لميراج بالكامل بنسبة 100 ف ال 100 صعب شوية
لييييييييييييييييييه....؟؟
عشان الميراج اجزاءها غالية جدا... فلازم عشان يعدل ويبيعها ويكسب يظهر طابع النتانة المصري
هتلاقية مثلا...معدل كله ما عدا الدركسيون 4 ريشة ويوفر 350 جنيه
او يعدل كله ويجيب ال 4 ريشة وما يعدلش التابلوه ابو ايرباج تانية وتكيف تاتش ويوفر 1600 جنيه
او يعدل كله ويسقط الموتور ال 1500 على عفشة عادية مش عفشة 14 رياضية ..ويركب لك جنوط مجهول مقاس كبير عشان يوهمك بالمنظر ومتحلش الطنابير...
ولو اني مجربتش بس اصعب ميراج تتقلد هي الميراج الباب واحد .....
لانها عشان تتغش لازم تكزن العربية نصين وفيها لحامات ولو كان مين عاملها ....!!!
صعب جدا......
عشان كده لو انت تنك ورخم وعاوز ميراج اصلي اللي ركبها الخواجة ميتسوبيشي ف اليابان ...
لازم تكون باب واحد ومفهاش قطع ولا انصاص..
لو لقيتها تبقى دي اللي انت بتدور عليها ... تجيبها وانت مغمض ودي صعب حد يكون مسقط فيها مكن لان زباينها ناس نظاف وبيشتروا حاجة مميزة ومش بتوع غدر ... وحتى لو مسقط هتلاقي تربيته عالية وهيقولك انه مثلا سقط 1800 عشان بيطير مثلا ...
وعموما الميراج وحتى تقليد الميراج من الكريستالة مقبول جدا ومش بيقلل العربية ف السعر طول م العربية مش شمال ولا فيها انصاص ... زي الجولف والابيزا والجولييت والافا روميو وكل عربيات الشباب اللي بيسقط ويعدل للمتعة او اللي بيعدلوا للتجارة عشان المكسب والاتنين مقبولين طالما العربية سليم فيها الاتي...
الحوض والشنطة والقوايم ( مش السقف لانه ممكن يتركب فتحة سقف قشرة مش قوايم كاملة)
وكمان الشاسية سليم والدواخل سليمة والموتور بورقه الجمركي ...
والف مبروك عليك لو ركبت ...
ااااااااااااه نسيت اقولك المسند الاوسط اللي يمين السواق عالي شوية ومنجد طري ومغطى قطيفة
ده اللي على ابوه ميراج.... اهو النتانة المصرية بقى يتبان من كده ممكن يعمل البدع وينسى المسند ابو 120 جنيه ده ....!!!!!!!
اتمنى اكون قدرت افيدك وممكن تسال الاستاذ هيما لانسر على صفحة الكريستالة لمعلومات اكتر