المعلومات الأكيدة التي تفيد بنوعية البنزين المستخدمه مع اوبل استرا تربو

**haygen** · 07-06-2013 11:01 PM

مساء الخير يا جماعه

من خلال بحثي وجدت ان فيه ناس كتير بتستفسر وبتتخوف من الأسترا التربو 1600 سي سي

علي اساس خوفهم ان لازم استخدام بنزين 95

طيب .. ياريت نشوف الملف ده كويس وده ملف المواصفات المعتمد من اوبل نفسها

مخزن مركز تحميل صور ملفات العاب فلاش فيديو | opel-astra-sports-tourer.pdf

يعني اوبل بتنصح بالتالي

1- أوبل استرا 1400 سي سي تربو : بنزين 95 فقط - نسبة الإنضغاط 9.5:1
2- أوبل استرا 1400سي سي "بدون تربو" : بنزين 95 فقط - نسبة الإنضغاط 10.5:1
3- أوبل استرا 1600 سي سي تربو : بنزين 91 : 95 - نسبة الإنضغاط 8.8:1
4- أوبل استرا 1600 سي سي "بدون تربو": بنزين 91 : 95 - نسبة الإنضغاط 10.8:1

ياريت نشوف كويس السطر الأحمر بخصوص أوبل استرا تربو 1600 سي سي

المواتير ذات النوعية ECO مصممة خصيصاً عشان تشتغل بنوعية 91 إلي 95 بدون ادني مشاكل

وكمان علي تانك العربية موصي بـ 92 RON or Higher OCTAN

طيب ايه تفسير : إن بعض الأعضاء لمن لديهم اوبل استرا بدون تربو وبيحصل معاهم مشكله التسقيف "بعضهم" دا اما من استخدام بنزين مش كويس .. وكمان نسبة الإنضغاط عالية وقريبه من 11 .

ودا اللي ما حصلشي مع من لديهم النسخه التربو بسبب فرق نسبة الإنضغاط من 10.8 إلي 8.8 !

الخلاصة : فول 92 بدون اي مشاكل .. بس تفول من بنزينه مضمونه

الموضوع مفتوح للمناقشات

اللهم قد بلغت .. اللهم فأشهد

وإن كنت قد وفقت فمن الله وحده وإن أخطأت فمن نفسي ومن الشيطان

تحياتي

**Formulator** · 07-06-2013 11:22 PM

فعلا موتور الـ1.6 ECO-tec تربو مش tuned على 95 زى مواتير الـ1.4T (سواء أوبلGM أو أى يورو 1.4T)!

ده لا يمنع انه بيستفيد من الـhigh-octane بتاع الـ95 :)
لكنه مش هيتأثر أوى فـ أداؤه زى مواتير الفولكس والفيات! والأسترا GTC (أعتقد 1.4T الـ140 حصان- دى اللى لازم 95)!

go on 92 من بنزينة نظيفة: تمام

**احمد فهمى** · 08-06-2013 12:35 AM

اي حد بيفهم يشترى العربيه دى ﻷنها افضل عربيه مقابل السعر والامكانيات وفعﻵ مفيش مشاكل مع 92

**m.farouk** · 08-06-2013 02:52 PM

مش صحيح العربية معاية وبتسقف مع التكيف وبدون التكيف وخصوصا فى النقﻻت الاولى والتانى وعلى فكره البنزينات كلها بتاخد من مصدر واحد يعنى البنزين كلة زى بعضة انما موضوع التخليط ده ممكن طبعا وموضوع المياه على البنزين ده هيخلى العربية تقطع وهتبطل بعد كده وانا منزل السوفت وير الجديد للعربية وبردو بتسقف هو قل عن الاول ﻻكن لسة موجود انا فى الاول كنت عوز اجيب التربوا بس الناس بتوع التوكيل نفسهم قلولى ﻻزم 95 انا معاك انهم مبيفهموش بس المشكلة انى 92 عندنا سئ للغاية اذا كان بيعمل كده مع الكزمو العادية هو هيشتغل والعربية هتمشى بس كفاتها هتقل وسحب البنزين هيذيد على الفاضى انامعدل الاستهﻻك عندى وصل ل11.3لكل 100كيلو بعد ان كان 9.8

**haygen** · 08-06-2013 03:07 PM

المشاركة الأصلية كتبت بواسطة m.farouk

مش صحيح العربية معاية وبتسقف مع التكيف وبدون التكيف وخصوصا فى النقﻻت الاولى والتانى وعلى فكره البنزينات كلها بتاخد من مصدر واحد يعنى البنزين كلة زى بعضة انما موضوع التخليط ده ممكن طبعا وموضوع المياه على البنزين ده هيخلى العربية تقطع وهتبطل بعد كده وانا منزل السوفت وير الجديد للعربية وبردو بتسقف هو قل عن الاول ﻻكن لسة موجود انا فى الاول كنت عوز اجيب التربوا بس الناس بتوع التوكيل نفسهم قلولى ﻻزم 95 انا معاك انهم مبيفهموش بس المشكلة انى 92 عندنا سئ للغاية اذا كان بيعمل كده مع الكزمو العادية هو هيشتغل والعربية هتمشى بس كفاتها هتقل وسحب البنزين هيذيد على الفاضى انامعدل الاستهﻻك عندى وصل ل11.3لكل 100كيلو بعد ان كان 9.8

حضرتك لو راجعت الموضوع هتلاقي اني بقول التسقيف موجود في النسخه العادية مش التربو

عشان نسبة الإنضغاط في الأسترا بدون تربو 10.8:1
اما التربو 8.8:1

فأكيد هيحصل تسقيف مع 92 مع التكييف

موتور التربو eco ذات نسبة انضغاط اقل بكتير جدا من الموتور العادي زي النسب اللي انا ذكرتها فوق

واوبل نفسها بتنصح ببنزين 91 : 95

وكمان التوكيل بيقول 92 عادي بس يكون مضمون مش متخلط .. والتانك مكتوب عليه زي ما قولت 92 او بنزين ذو اوكتان أعلي

التسقيف اللي بيحصل ده بسبب ان نسبة الإنضغاط في الأسترا العادية مقارب لـ 11 وده بيتطلب انك تحط 95 او تخلط 95 مع 92 وتجرب

لكن التربو مش حصل موضوع التسقيف دا خالص عن تجربة

تحياتي

**m.farouk** · 08-06-2013 04:28 PM

تمام انا بس حبيت اوضح الى بيحصل عندى يعنى احولها تربوا احسن هههههههههههه

**abdulkhaleq** · 12-06-2013 02:09 PM

طيب انا عندي استفسار الأول
اللي اعرفه انه حتى لو نسبة الانضغاط قليله طالما في تيربو يبقى لازم 95 (مش فاكر ليه وياريت حد يصححلي)

اما بالنسبه للبنزين فهو فعلا كلله جاي من برج تقطير واحد الا لو البنزينه غشت

**koshakindnes** · 12-06-2013 04:08 PM

يعنى ايه بنزينة نضيفة زى ايه مثلا

وتانى حاجة مشكلة التسقيف دى ليها حل ولا لا وهل مزعجة يعنى ههحس بيها على طول علشان انا ناوى اشتريها بس

الموضوع: المعلومات الأكيدة التي تفيد بنوعية البنزين المستخدمه مع اوبل استرا تربو

LinkBack

أدوات الموضوع

عرض

-

-

-

المواضيع المتشابهه

للبيع اوبل استرا تربو كوبية كسر الزيرو استخدام اسبوع

للبيع اوبل استرا تربو كوبية 2013 كسر زيرو استخدام اسبوع

صوت الموتور عالي جدا عند الضغط على دواسة البنزين (اوبل استرا 2005) ما أسباب ذلك؟

اوبل استرا تربو سيدان و سوبارو امبريزا الجديده

اشهر اللمبات المستخدمه فى الفوانيس + قائمه تضم معظم السيارات و اللمبات المستخدمه فيها

الكلمات الدلالية لهذا الموضوع

المفضلات

المفضلات

ضوابط المشاركة