فجأه و بدون مقدمات لقيت نار طالعه و ريحه شياط لقيت الفانوس الشمال بيطلع نار لحقت طفيتها و هروح بكره للكهربائي تفتكروا دا سببه ايه
عرض للطباعة
فجأه و بدون مقدمات لقيت نار طالعه و ريحه شياط لقيت الفانوس الشمال بيطلع نار لحقت طفيتها و هروح بكره للكهربائي تفتكروا دا سببه ايه
غالبا ده ماس كهربائي
في أسلاك لمست مع بعض
فحضرتك روح لكهربائي محترم يأكدلك علي الآسلاك كلها أنها معزولة كويس
ربنا يوفقك
هو ممكن يكون ماس بس الغريبة ان لو ماس الفيوز يضرب من غير نار او حريقة انت مركب لمبات بوات اعلى عن اصلى العربية من غير ما تغير فيشة او جاك الفانوس او السلك الاصلى بتاع العربية صح لو كده يبقى لازم تغير فيشة الفانوس بفيشة سيراميك علشان ماتسحش و سلك اعلى فى السمك يعنى 2 او 4 مم
اكيد في كتاوت شايل الحمل عن الفيوز شوية علشان كدة الفيوز مضربش ...ده لو مكنش الفيوز متعلي اساسا ...
بس النار يبقي اكيد تلامس سلكين سخنهم بسبب القفلة او التماس "الماس زي ما بيقول الكهربائي :) " و بسبب السخونة الجاكت البلاستيك بتاع السلك اتحرق و من هنا بقي في نار
الحمد لله ربنا سترها وكويس انها جت على قد كدة
راجع على الاسلاك والفيوز
الحمد لله انك اخدت بالك وحاول تروح لكهربائى يراجع على ضفيرة العربية وكمان حاول تشترى طقمين فيوزات ايطالى من عند الابيارى فالتوفيقية وراجع على علبة الفيوزات وحاول تغير اللى محتاج يتغير وياريت تلتزم بالامبير بتاع كل فيوز