بسم الله الرحمن الرحيم

أخواني الأعزاء في قسم سيات نايل موتورز
السلام عليكم ورحمة الله وبركاته

جبتكلم النهاردة طريقة ظريفة وسهلة لتكويد الريموت الجديد (او المفتاح الجديد) علي سنتر العربية
بس بشرط
يكون معاك الريموت القديم وشغال علي سنتر العربية (بيفتح ويقفل)

1- هتقفل السنتر (بالريموت الجديد) - وترجع تفتح تاني (بردو بالريموت الجديد)
أكيد مش هيعمل اي حاجة - لأن ببساطة لسة العربية مش متعرفة علي شفرته او بمعني ادق علي اللأشارات اللي خارجة منه

2- هتقفل السنتر (بالريموت القديم) - وترجع تفتح تاني (بردو بالريموت القديم)
هيقفل ويفتح معاك ان شاء الله - لأنه المفروض شغال معاك علي العربية

3- هتحط المفتاح القديم في الكونتاكت - وتفتح كونتاكت

4- هتحط المفتاح الجديد في الكالون بتاع باب السائق - وتقفل بيه السنتر وبعدها تخرجه من الكالون
من غير ريموت - هتقفل السنتر بالمفتاح

5- هتخرج المفتاح الجديد من الكالون - وتدوس علي زرار الفتح مرتين متتاليتين بفاصل ثانية
هتسمع صوت beep - ودي معناها انه ان شاء الله اتكود

6- هتحط المفتاح الجديد في كالون باب السائق تاني - وتقفل وتفتح بالمفتاح

7- هتقفل كونتاكت وتخرج المفتاح القديم من الكونتاكت

8- جرب دلوقتي المفتاح الجديد - هتلاقيه بيقفل ويفتح من الريموت


ودة فيديو لشرح طريقة التكويد

VW / SEAT / SKODA remote coding - YouTube

تحياتي

والله المستعان
،
،