انا كمان بيعت نوبيرتي العزيزة و اشتريت ... ؟؟؟

**ahmed.zahra** · 08-06-2013 11:51 AM

هي ايه الحكاية كلنا بنبيع النوبيرا اليومين دول و لا ايه؟ انا كمان بيعت عربيتي النوبيرا 2004 أوتو الأسبوع اللي فاتت مع اني كنت بحبها جدا بس هي دي سنة الحياة زي ما بيقولوا. انا بعتها بغرض التحديث مش أكتر. و الحمد لله ربنا وفقني في شراء أوبترا و اختارت الأوبترا من كتر حبى للنوبيرا لأني تقريبا هي هي العربية مع فرق الفتيس طبعا و ده كان شئ مرضي بالنسبة لي. بس انا مش هسيب المنتدى ده و يا ريت نزود فيه الأوبترا عشان نفضل مع بعض.

**midooo_119** · 08-06-2013 01:12 PM

الف مبروووك و فعلا هى سنه الحياة و الاوبترا طبعا غنيه عن التعريف و مش بس فرق الفتيس ده انت كمان اترحمت من موضوع جلب المقصات مشكله النوبيرا الازلية

**المنسي** · 08-06-2013 03:59 PM

ربنا يبارك للمشترى فى عربيتك النوبيرا ويديك خير الاوبترا ويكفيك شرها ...
سؤال بعد اذنك جبت الاوبترا على كام وموديل كام وبعت الالنترا بكام

**midooo_119** · 10-06-2013 03:59 AM

المشاركة الأصلية كتبت بواسطة ahmed.zahra

انا بيعت النوبيرا ب 50 و اشتريت الأوبترا موديل 2009 ماشية 29000 كم فابريقة برة و جوة و عليها التاتش المصري يعني شوية حكات من برة لأنها كانت بتاعة واحدة ست ب 81. هو كده كويس و لا اتضحك عليا

لا انا شايف السعر معقول ربنا يباركلك فيها