راي السادة الافاضل
شيفروليه افيو اتوماتيك جديد ولا لانسر بومة 2008 اتوماتيك 1600
مع انى عارف ان الياباني يكسب بس الجديد حلو ولا ايه
راي السادة الافاضل
شيفروليه افيو اتوماتيك جديد ولا لانسر بومة 2008 اتوماتيك 1600
مع انى عارف ان الياباني يكسب بس الجديد حلو ولا ايه
لو الانسر حالتها حلوه توكيل على الله
من رايي بلاش الجديد خليك ف كسر الزيرو يعني بالكتير موديل 2012
بس طبعا اهم حاجة هي الحالة بتاعت العربية
ممكن تكتب المبلغ المتاح والناس ترد عليك ف افضل العربيات في السعر دا
شكرا لرد حضرتك
والله انا هاوصل المبلغ لـ 75 - 80 الف بالعافية مبلغ من هنا علي من هنا المهم ربنا يقدر ومدخلش في موضوع البنوك لاني لسة بايع اللانوس وهاكمل عليها ونفسي في ياباني طبعا واتوماتيك اكيد واعاده بيع وعربيه عائلية وعملية ومتصرفش كتيير (الجديد زيت وبنزين بس ) لكن الافيو حرام ب 95 اتوماتيك وحرام كوري فوق 75
الجديد افضل فى كل حاجه وابعد عن البطيخ
شوف حضرتك طالما وصلت لمبلغ 75 80 الف شوف هما كام عربية فيهم كل المواصفات اللي بتحلم بيها ف السعر دا طبعا مش هطول عليك العربيات هي الاتي
لانسر 1600 مو 2007 2008 2009 وممكن تكون هاف سبورت
الانترا 2007 2008 2009
مازدا 3 مو 2008 الفئة الثانية او هاي لاين
اوكتافيا ايه فور 2003 2004 فول اوبشن
انت اختار وزوقك بقى بس انا شخصيا لو هشتري هشتري مازدا 3 هي االافضل والاشيك بالنسبة لي شخصيا وربنا يوفقك
لو حضرتك كان معاك لانوس يبقى بلاش افيو خليك فى اللانسر علشان تحس بفرق
انا معايا لانوس و بركب افيو و مفيش فرق ملحوظ بينهم
فى عضو عارض لانسر فى الموضوع ده شوفها مناسبه ليك ولا لأ
http://www.nilemotors.net/Nile/360628-1600.html
الف شكر علي رد حضرتك
هو موضوع قلقي كله وسؤالي انى اجيب جديد ولا مستعمل لان اللانوس اللي كانت معايا تعبتني وصرفت كتير علي ما اتظبطت فانا بين عذاب المستعمل ونار الجديد
اللانسر طبعا مفيش كلام وثابتة وجودها في السوق ولا تقارن بالافيو بس المشكلة ان الافيو تقريبا ااقل سعر جديد بعد اللانوس والرينو
والمازدا جامدة مفيش كلام بس اخبار سعر اعادة البيع بعد 4 سنين وقطع الغيار هي والاوكتافيا ايه
الالنترا مش بحبها اوي
يبقي المقارنة بين المازدا واللانسر بعد استبعاد الجديد