-
ايه الحل مع توكيل سوزوكي
السلام عليكم
سيارتي ألتو 800 مو 2013 ...عاملة حوالي 7000 كم... عندي مشكلة .. عضة في الفتيس... المارشدير ... احيانا يعلق ومش عايز ياخد الغيار واستمر في المحاولات أكثر من مرة حتي يأخذ المارشدير...
روحت للباشاوات أكتر من مرة فرع الكيلو 28 ولم يتم الحال....
المهندس كالعادة يركب السيارة ويجرب ويقول عادي مفيش مشكلة ... لدرجة اني حاولت اقدم شكوي ومفيش فايدة ... قالي لازم تيجي يكون فيه مشكلة تتضح مع التجربة ... علما بأن هذا الأمر. يحدث أحيانا وطبعا لما بتكون عايز تلف اللي وراك مش ها يستني لحد ما. تدي المارشدير بالشكل ده.. ده غير ان العربية جديدة ... طبعا قالولي ان المشكلة ممكن تكون اني مش بغير كويس .. بس انا بسوق من زمان ..... وده مش علي طول معايا...
أعمل ايه معاهم
-
دي نفس المشكله اللي عندي بالضبط انا كمان مش بعرف اجيب مارشدير بسهوله ومش عارفه اعمل اييه واضح انه عيب في التصنيع الفتيس تقيل جدااا ومش بينقل من اول مره
-
ساعات بتحصل معايا فى الفان ولما بتعمل كده بجيب اول وبعدين اجيب مرشدير تانى بيجى بسهوله بس مش بتحصل على طول يعنى
-
صورها وهي بتعمل المشكله
وروح حط صوابعك في عنيهم
-
احيانا ده كان بيحصل معايا في الأول بس فيه نقطة كمان عايز انبه ساعات بتؤدي لصعوبة في المارشدير لاحظتها و هي انك تكون جي من مشوار مثلا او جيت تركن اخر اليوم و قبل اي حاجة رفعت الهاند بريك ع النقلة زي مهي و قفلت العربية لما تيجي تاني يوم هتلاقي الفتيس مش عايز يجي في المارشدير كويس و الهاند بريك مرفوعة لازم تنزل الهاند بريك و تدوس دبرياج و تجيب المارشدير تاني هتلاقيه جيه زي الفل
او ان العربية تكون بتتحرك و فجأة تجيب مارشدير
جرب بعد ما تركن العربية تمور الفتيس و بعدها ترفع الهاند برك و بعدين تبطل العربية و جرب بعدها شوف نفس العضة هتكون عندك و لا لأ
و احب أضيف انك ترجلش الدبرياج حسب ما يريحك في السواقة لو مريحك كده خلاص
و تغييير زيت الفتيس بنوعية كويسة زي شل و ممكن تجرب زيت فتيس وولف لزوجة 75w90 ده اللي منصوح بيه للعربية و ممكن تشحم عصاية الفتيس و تربطها و كله هيبقي زي الفل ان شاء الله
و للعلم المفروض زيت الفتيس اول مرة يتغير ع 10-15 الف ك و بعد كده كل 20-30 الف ع حسب الزيت و حالته
-
استاذة رانيا... يبدوا انه عيب تصنيع فعلا ... بس تعاملهم سئ والمشكلة ان العربية جديدة..
استاذganash... أفعل مثلما تفعل ...بس شئ يضايق جدا
استاذspeed magnum..والله كنت لسة بفكر في اللي بتقوله ده ... قولت فيديو مثلا... ربنا يهدي
استاذ أكسيل... قولتلهم زيت الفتيس قالي .. تم الكشف علي كل السوائل...
قولتلهم لو علي حسابي الكشف علي الفتيس ايه ظروفه قالي هايكلفك الفتح 800ج....
اتخنقت وبحاول. أكيف الامور علي كده
وان كان الأمر لا يحدث كثيرا بس فعلا يضايق
كان فيه صديق معاه نفس العربية دي قاللي عادي هي مشكلة بسيطة كيف نفسك عليها. ده الطبيعي بتاعها. بس العربية حلوة.......
ها أجرب اللي قولتلي عليه......
أفادتني كثيرا كما عهدناك...
لكم جميعا جزيل الشكر... ولو فيه جديد هاقولكم إن شاء الله...
-
اعمل اللي قولتلك عليه و ان شاء الله مش هتلاقي اي عضة في الفتيس سواء مارشدير او غيره اومال لو شوفت فتيس الماروتي كل حارة في ناحية تتوه فيهم d: احنا الحارات عندنا قريبة تحس كأن فيه شورت شيفت في الفتيس :)
و في انتظار تقولنا الاخبار اليومين الجايين
-
نصيحةبسيطة بالاضافة لكلام عمرو....
جرب تزيت واير الدبرياج بالدبليو دي وهتتظبط باذن الله....
تحياتي
Sent from my Xperia Arc S using Forum Runner
-
انا كمان عندي نفس المشكله
و كل مره اروح التوكيل مبيحلوش حاجه
و اديني اهوه عامل 9020 كيلو
و داخل علي صيانه ال 10000 قريب و عارف انهم برده مش هيحلو حاجه
محدش بقي يعرف صيانه ال 10000 بكام ؟؟؟؟
-
نفس المشكله بس مطنششششششششششش... عربيتي زيرو برضو
Content Relevant URLs by
vBSEO 3.6.0 PL2