الموضوع: نظره تحليليه للسوق السعودى فى السيارات و مقارنه طفيفه بالسوق المصرى

والله يا جماعه انا بحكم شغلى فى التسويق
فالتحليل السوقى هو محور حياتى اى حاجه بحللها
فا و انا قاعد كده قولت اعمل تحليل للسوق بسيط غير معقد
السوق هنا سوق السيوله فيه مهوله بزنس هو الاكبر من وجهه نظرى
نظرا لان السعوديه بها اكبر عدد سكان و مغتربين فى الخليج العربى
فا هى من اكبر الاسواق
بعد المقدمه التسوقيه البحته دى نخش فى المفيد
فى بعض الماركات ليس لها وجود على الاطلاق بالرغم من وجود توكيل ليها و بيقدم كل الدعم
و هى
فيات تقريبا مفيش وولا عربيه فيات شوفتها منذ دخولى المملكه الهم فيات 500 كان فيه واحده
سكودا نادررره
رينو
بيجو
سيتروين
فولفو
اوبل
سيات
دايو
سوبارو الهم sti و wrx للناس الغاويه
بروتون دى هنا كائن فضائى
و ماركه كمان هى كانت مفاجئه بانسبالى و هى ميتسوبيشى يعنى اكاد اجزم ان جده مفيهاش بومه ممكن 3 4 شارك و ممكن 20 30 ايفو
دى مركات معدومه هنا وجودها زى وجود البورش فى مصر كده
طيب فاضل ايه اقولك بقا
اولا لازم نتفق ان اى عربيه 4×4 هنا اسمها جيب حتى لو كانت تويتا او مرسيدس حتى
مثال جيب تويتا
جيب نيسان
جيب انفينتى و هكذا طلما هى عليه عن الارض و دفع رباعى تبقا جيب حتى لو مش من ماركه جيب الامريكيه
هنا الدفع الرباعى هو المسيطر و الماوتير ال 8 و ال 12 سلندر
يتربع على العرش تويتا بابدفع الرباعى
فى مقدمتها لاند كروزر
راف 4
اف جى
برادو
فورنستشر و دى لسه جديده
مستحيل تدخل شارع فى جده متكعبلش فى عربيه من دول
يجى بعدها فورد و نيسان و العملاقه جى ام سى ثم شيفروليه و لاند روفر
و على استحياء فولكس و ميركورى و بى ام بس بى ام ابتدت تزيد فى مجال الدفع الرباعى
و هنا تقريبا 85 % يمتلكو دفع الرباعى
اى عرييه 1600 سىس انسى موضوعها محدش بيحبها
يعنى سيراتو مثلا تلاقيها ديما الشركات بتدسها للموظفين هى و الانترا و الاكسنت و كل الفئه دى
لاكن من ازل السوناتا و الاوبتيما و الافلون و الكمرى و الاكورد و الماذدا 6 شيفروليه ماليبو فورد توريس دى هى الفئه الشعبيه هنا عرييات تترواح بين 60 الف ريال لى 90 الف
بالمناسبه جراج اى مدرسه ثانوى هنا هو بالظبط فى مساحه جراج سيتى ستارز اما باركنج شركه عندى فا هو فى مساحه باركنج مطار القاهره
و ده لان العربيه هنا ليست غايه بل وسيله
لان اقل مشوار لتكسى هنا حولى 20 ريال فا كل شركه لو عندها 6000 موظف كل واحد بيكون مهاه عربيه
بالنسبه لفئه الشباب هنا طبعا احنا عندنا فى مصر الشب الروش اوى تلقيه جايب لانوس و مجنطها و مركب ديفل العالى قوى تلقيه جايب بى ام 2000 و لا حاجه و حطط فيها سستم
2800 ده كده توب
هنا الوضع مختلف شويه ب 80 الف ريال ممكن اجيب كمارو ss تشالنجر حته كورفت بى ام m3 كده يعنى
لو على بالبدجت شويه ممكن يجيب بورش كاريرا حاجه كده تلاقى عيلل فى ثانوى و معاها كورفت كده يعنى
بالنسبه للتعديل فهما هنا بيدو العيش لخبازو يعنى plug and play زى مكتاب بيقول
اقل تعديل هنا 20 الف ريال و بيبقا كمليات يعنى لا تربو و لا حاجه تعديل فى البريكات و كده
غير شركات التامين هنا ممتازه يعنى لو انتا مامن انسى الموضوع مش هتدفع ريال حتى لو العربيه ضاعت خالص
البنزين ال 91 ب 45 هلله
ال 95 ب 55 هاله و لو حطيط ب 10 ريال تاخد لتنين زجاجه مياه معدنيه قيمتهم 4 ريال ههههههههههههه
بالنسبه للشراء
مثلا سامكو و هووكيل غولكس كان عامل عرض
تاخد باسات سى سى
بدون مقدم بدون دفعه اولى و القسط 1700 ريال
خد المثال ده و قيس عليه باقى المركات
اما اسعار المستعمل فا هى فعلا صادمه
ابسط مثال
Bmw 525i موديل 2006
بتعمل 40 الف ريال
طيب 316 ممكن 25 27 الف فى حين انك تجيب الكمرى 40 الف مستعمل
و هكذا
دى كانت نظره بسيطه و مختصره لسوق السعودى فى السبيارات بدون الدخول فى تفاصيل عميقه ممكن تعقدنا كا مصرين
و خصوصا بعد مالكارينز بقت ب 225 و كده فا قولت نعرف سوا الدنبا فيها ايه
بمناسبه سعر الكارينز
هى 225 يعنى حوالى 115 الف ريال
115 الف ريال يجيبو ايه زيرو يا محمد
اه يجيبو ازيرا
يجيبو افالون
يجيبو اكورد و كمرى و بى ام 320 اكمل
بلاش احسن
التحليل هو مش لبيان احنا ليه اقل التحليل هو لبيان ان احنا بنتخانق على حجات هايفه
زى السيراتو احسن و لا الانترا التنين فى الخليج بيركبهم سورى فى الكلمه الى مش لاقى ياكل
متتخنكوش على عربيات هى فى نظر ناس كتير اوى و لا ليها لزمه و على فكره السيارات دى هنا بتتاجر السيراتو ب 60 ريال اليوم
احنا بنختلف على زباله يا جماعه
لينا الله