الموضوع: انتا فين matantawy وغيرت المساعدين وله لسه :)

المشاركة الأصلية كتبت بواسطة وائل شلبي

والله يا جماعة انا نفسي انبسط بالعربية بس كل شوية اسمع كلام سواء من المنتدي او في العادي ان اد ايه انضحك علينا .. حاجة تزعل
خصوصا اني بعد ما اشتريت من تلات اشهر كده نزلت البيجو ال 301 وبنفس السعر وشكلها اوسع واحسن وعوامل امان اكتر

يا باشا أنت تفضل تبص على العربيات اللي موجوده في السوق لحد ما تشتري
أول ما تشتري متبصش على حاجه تاني وتتقمص دور لا أرى لا اسمع لا اتكلم
عربيتك حلوه وربنا يباركلك فيها

المشاركة الأصلية كتبت بواسطة khaabas

يا باشا والله انتا معاك عربية ما شاء الله احسن من البيجو ميه مرة
يا باشا موتور 301 هو نفس موتور 307 متخيل انتا حجم ال 307 صغير ازاى وحطينه على 301 والله عﻻبية فاشلة بكل المقاييس غير صيرا قليلا وكما عودنا الاوربى الخطير بمشاكل الفتيس يا راجل دا حتى البيجو المانيوال كتير اوى بغيروا طقم دبرياج على 30.000
استمتع بعربيتك
هيونداى حلوة :)
واقولك على حاجة بيع العربية موش هتخسر فيها وهتلاقى الناس اللى كانوا بيشتموا فيها هما اول من بيشتروها :) وهات البيجو لو هتستريح
ملحوظة ( شوف كم الشتايم اللى هينزل يرف على المشاركة دى كمان شوية ههههههههههههههههههههههع

يا باشا احسن من البيجو (مااااااااااااااااااشي)
بس 100 مره حته واحده
تموت انتى في المبالغات

المشاركة الأصلية كتبت بواسطة matantawy

انضحك علينا ازاى ان شاء الله؟ العربية لا يعيبها غير المساعدين و التوكيل بيغيرهم و المشكلة فى شوارعنا الزبالة، غير كده العربية فيها عوامل امان على قد تمنها

و ماتورها موفر بنزين، بس للأسف الزحمة مش مبينة الموضوع ده، انما انا فى مرة على طريق الاسماعيلية و انا رايح غبور العبور جبت استهلاك 5.4 l/100 km

و كومبيوتر محترم و فتيس كويس و فى فئات فيها ايموبلايزر كمان و اير باج و abs

انما بيجو بقى نزلوا بالمستوى جدا و انا ركبتها فى معرض العربية رخيصة اوى ازاى كده !! و تابلوه معجنيش بصراحة و كام حركة كده غبية تدل على استرخاص جامد اوى

متسمعش كلام اى حد و استمتع بعربيتك و اجرى بيها و استغل الفتيس الستيبترونيك و حس بكل مليم انت دافعه فى العربية عشان اللى فيها، مش عشان هى بلد صنعها ايه انت مش هتناسب البلد

هو كلامك عن الاكسنت صح الصح وعربيه حلوه وكل حاجه
بس البيجو بقى مش عارف انت متحامل عليها جداً العربيه بصراحه هايله عيبها الوحيد صغر حجم الكنبه الخلفيه

المشاركة الأصلية كتبت بواسطة وائل شلبي

عندك حق بس اصل الموضوع كده بقاله فترة وانا كلمت جهاز حماية المستهلك وردوا عليا ان مادام مفيش ورق مش هنعملك حاجة ..
هو مضحكش عليا في السعر لأن ده نفس التمن لنفس الفئة من غبور .. لكن هو ضحك عليا في مواصفات الفئة دي او هو نفسه مش فاهم من غير قصد ... لكن على اي حال هروحله رغم ان كده مر شهرين يمكن يعترف بغلطته لما يلاقيني بزعقله وسط الزباين

على اي حال انا مبسوط اني معاكم هنا علشان اتابع معاكم اخبار اداء العربية.

بص حضرتك تروح تعمل الاّتى، تسأل على العربية عادى جداً و اما يقولك abs قوله طب انا اشتريتها من عندكم و مفيش الكلام ده و ادخل شمال براحتك فيهم

انت شارى كاش ولا تقسيط؟

لو تقسيط مفروض معاك عرض اسعار فيه كل حاجة فى العربية و ده يعتبر اثبات و ساعتها ممكن تلبّس المعرض فى البنك و تتفرج انت

المشاركة الأصلية كتبت بواسطة mhkorayem

هو كلامك عن الاكسنت صح الصح وعربيه حلوه وكل حاجه
بس البيجو بقى مش عارف انت متحامل عليها جداً العربيه بصراحه هايله عيبها الوحيد صغر حجم الكنبه الخلفيه

مانا قلت هى اراء بقى او ممكن تقول القرد فى عين امه

المشاركة الأصلية كتبت بواسطة mhkorayem

يا باشا أنت تفضل تبص على العربيات اللي موجوده في السوق لحد ما تشتري
أول ما تشتري متبصش على حاجه تاني وتتقمص دور لا أرى لا اسمع لا اتكلم
عربيتك حلوه وربنا يباركلك فيها

هى الرجالة كده، مايملاش عينيها الا التراب

المشاركة الأصلية كتبت بواسطة matantawy

مانا قلت هى اراء بقى او ممكن تقول القرد فى عين امه

يا باشا ما تقولش كده على الاكسنت
قرد أيه وبتاع ايه ؟؟؟





دي نسناس أمور

هههههه حبيبي يا أبو حوده

المشاركة الأصلية كتبت بواسطة matantawy

هى الرجالة كده، مايملاش عينيها الا التراب

معلش يا كبير متزعلش نفسك
هي كده النفس البشريه ضعيفه أمام المغريات