انا استملت كيا كارينز من يومين واول مرة اسوق اوتوماتيك .. ياريت تفيدونى بخبرتكم

**AHMED12345678** · 18-06-2013 03:54 PM

المشاركة الأصلية كتبت بواسطة arch_mido

انا استملت الحمد لله من يومين كدة الكيا كارينز الشكل القديم 2013 اوتوماتيك
انا بصراحة اول مرة فحياتى اسوق عربية اوتوماتيك وعندى عربية النترا موديل 2008 مانيوال طبعا المانيوال متعبة جدا فالزحمة والاشارات والكلام دة
فكنت عاوز نصايحكم عن الكارينز وهل اجري بيها عادى فالاول ولا امشي بسرعة معينة لان ماليش خبرة اوى فالعربيات بس بسوق كويس الحمد لله وبصراحة خايف شوية من العربية لان حجمها كبير عن الالنترا شوية .. وشكرا مقدما :)

حضرتك شاريها بكام
وكماليتها اية
لان اخويا عايز يشترى كارينز اتوماتيك الشكل القديم زيرو

**arch_mido** · 19-06-2013 12:14 PM

المشاركة الأصلية كتبت بواسطة AHMED12345678

حضرتك شاريها بكام
وكماليتها اية
لان اخويا عايز يشترى كارينز اتوماتيك الشكل القديم زيرو

حضرتك جبتها ب 148 الف
والفئة LX Steptronic وحضرتك ممكن تشوف كاميلياتها عالنت :)
وبخصوص الشكل القديم دى كانت اخر عربية فتوكيل كيا فالجمهورية كلها !! نصيبي بقي !
فلو حضرتك عاوز الشكل القديم من التوكيل فمش هتلاقي لانها خلصت خلاص ممكن حضرتك تشوف فالمعارض بقي زى الطارق وكدة ... بس نصيحة لو عاوز الشكل القديم الحقها لانها عربيات تتعد عالايد الى موجودة فمصر حاليا :) ... وربنا يوفقك ان شاء الله
وفى ملحوظة الى فالمعارض سعرها حوالى 158 الف فالرينج دة يعنى هتلاقيها اغلى من التوكيل

**arch_mido** · 19-06-2013 12:16 PM

المشاركة الأصلية كتبت بواسطة m i d o

الف مبروك ربنا يرزقك خيرها ويحفظهالك

الله يبارك فيك ياباشا متشكر

**Khaled Seif** · 20-06-2013 10:14 AM

بسم الله ما شاء الله لا قوة إلا بالله

أخي الفاضل الحمد لله الذي رزقك بها من غير حول منك ولا قوة - فلا حول ولا قوة إلا بالله العلي العظيم

أسأل الله أن يرزقك خيرها وخير ما صنعت له وأن يعيذك من شرها وشر ما صنعت له

وأن يجعلها عونا لك على طاعته

وأن لا يجعلها عونا لك على معصيته

وصل اللهم وسلم على الحبيب محمد

**zicooo2008** · 20-06-2013 11:31 AM

بارك الله تعالى لك فيها وكفاك شرها

**zicooo2008** · 20-06-2013 12:21 PM

بارك الله تعالى لك فيها وكفاك شرها و متخفش من كبر حجم العربية ومع الوقت هتتعود عليها والميزة ان المرايات كبيرة بحيث ترى مساحة العربيةة كلها بس العيب بس فى الركنات و الله المستعان وولى التوفيق

**arch_mido** · 11-07-2013 02:27 PM

الف شكر يا اخوانى على ردودكم الجميلة دى وربنا يكفينا كلنا شر الطريق

**yasserelshakwe** · 15-07-2013 02:45 PM

ربنا يباركلك فيها
منذ اكثر من 30 عام وانا باسوق مانيول وعمري الان 46 عام ومن حوالي ثلاث سنوات اشتريت كيا اتوماتيك وكنت خايف برضة مثلك في البداية ولكن مع التعود اتضح لي أنها اسهل بكتتتتتتتتتير من المانوال وافضل في كل شيء
وربنا يوفقك ويكفيك شرها ..... أمين يارب العالمين