انا استملت الحمد لله من يومين كدة الكيا كارينز الشكل القديم 2013 اوتوماتيك
انا بصراحة اول مرة فحياتى اسوق عربية اوتوماتيك وعندى عربية النترا موديل 2008 مانيوال طبعا المانيوال متعبة جدا فالزحمة والاشارات والكلام دة
فكنت عاوز نصايحكم عن الكارينز وهل اجري بيها عادى فالاول ولا امشي بسرعة معينة لان ماليش خبرة اوى فالعربيات بس بسوق كويس الحمد لله وبصراحة خايف شوية من العربية لان حجمها كبير عن الالنترا شوية .. وشكرا مقدما :)
الف مبروك...في الاول امشي على مهلك لغاية ماتاخد على ابعاد العربية لان الكارينز طبعا اكبر من الالنترا وبعد كام يوم هتتعود عليها وعلى سواقتها ويمكن بعد فترة لو ركبت الالنترا المانيوال تاني هتحس انك مش مرتاح.
ربنا يديك خيرها ويكفيك شرها
الله يبارك فيك :) ... ومتشكر اوى لزوقكاقتباس:
المشاركة الأصلية كتبت بواسطة aboamina
الف الف مبروك وعموما الاوتو مش محتاج خوف خالص
خلي بالك من العين بس ربنا يستر
الله يبارك فيك ياباشااقتباس:
المشاركة الأصلية كتبت بواسطة kazamodia
الف مبروك يا باشا ربنا يباركلك فيها ،، الاوتو تدوس فرامل و تحرك الفتيس ومتحركهوش غير والعربية واقفة ، ويستحسن بلاش حرق و متزودش عن ٨٠ اول ١٠٠٠ كيلو
الله يبارك فيك ياباشا .. ومتشكر عالمعلومة ربنا يجازيك خيراقتباس:
المشاركة الأصلية كتبت بواسطة youssef_u
اولا الف الف مبروك وربنا يبارك لحضرتك فيها
ويعطيك خيرها ويكفيك شرها
وبلاش قرص فى اول 1000 كيلو
وخليك على مهلك لغايت لما تاخد على العربيه وقعدتها وابعادها
ثانيا العربيه لما تركنها بتجبها على الp
ودور وتسخن على p
اما المشى فبيكون على ال d وده اكتر غيار بتستخدمه
ولو فى طريق زحمه وتمشى خطوه وتقف عشره يبقى لما تقف تنقل من ال d الى ال n
على شان مش يبقى حمل على الماتور وانت واقف وبكده بتريح العربيه
ولو فيه مطلع جامد ومثلا محمل يبقى بتستخدم الغياريين الى هما 1 و2 ودول نادرا ما تستخدمهم
واهم حاجه زيت الفتييس يتغيير فى ميعاده لان ده مهم جدا فى المحافظه عليه
وربنا يبارك لك فيها
الف مبروك يا باشا ..
الله يبارك فيك :) .. ومتشكر عالمعلومات الجميلة دى بس ممكن اعرف لية بلاش قرص فاول 1000 كيلو ؟؟ .. وهل بعد ال 1000 كيلو اسوق باى سرعة انا عايزها عادى ؟اقتباس:
المشاركة الأصلية كتبت بواسطة mem
الله يبارك فيك ياباشا نورتنى :)اقتباس:
المشاركة الأصلية كتبت بواسطة s o p h o s
تحت امر حضرتك فى اى سؤالاقتباس:
المشاركة الأصلية كتبت بواسطة arch_mido
ولا شكر على واجب
وحضرتك بلاش قرص اول الف كيلو لان الماتور لسى بيكون فى التليين
والعربيه ايضا ككل لسى فى مرحله التليين بمعنى العفشه لسى بتاخد وضعها والفرامل تطبع مع الطنابير الى اخره
والافضل انك لا تزيد السرعه عن 100 ولا تحمل العربيه اوزان فوق طاقتها خلال هذه الفتره
وبعد الاف كيلو افعل ما تشاء من سرعات وتكييف وكما تشاء واوزان
وربنا يبارك لك فيها
الله يخليك ياباشا مش عارف اقولك اية والله على زوقك ربنا يجازيك خيراقتباس:
المشاركة الأصلية كتبت بواسطة mem
الف مبروك ربنا يباركلك فيها
بالاضافة لكلام الاعضاء
لما تيجي تركن تحرك الفتيس وتجيبه على ال n وبعد كدة ترفع فرامل الايد هتحس ان العربية حملت على فرامل الايد
بعدها تقوم محول الفتيس على p وتشيل المفتاح !!
الفكرة كلها انك لما بتجيب الفتيس على ال p علطول بيبقى حمل العربية على الفتيس وهي مركونة حتى ولو رفعت فرامل الايد بعد كدة
فيستحسن انك تجبها على ال n الاول بعدين فرامل الايد بعدين ال p
وانت هتحس بالفرق لما تجرب الموضوع ده
الله يبارك فيك ... وشكرا عالمعلومة الجميلة دى اول مرة اعرفهااقتباس:
المشاركة الأصلية كتبت بواسطة ahmod
الف مبروك ياباشا ربنا يباركلك فيها
ممنوع الحرق علي اول الف ولا تشغيل التكييف
والف مبروووكككككككككك
الف مبروك
اول الف كيلو يستحسن متشغلش التكييف وعداد الار بي م مايعديش 3 او 3.5 الف لفة في الدقيقة
ثاني الف كيلو بمكن تشغيل التكيف وعداد الار بي م مايعديش 4 الف لفة في الدقيقة
بعد كدة اقرص عليها بالتدريج
الله يبارك فيك .. بجد متشكر اوىاقتباس:
المشاركة الأصلية كتبت بواسطة oousaoo
الله يباااارك فيك ياباشا ... ومتشكر عالمعلومة :)اقتباس:
المشاركة الأصلية كتبت بواسطة konouz30
الف مبروك ربنا يرزقك خيرها ويحفظهالك
حضرتك شاريها بكاماقتباس:
المشاركة الأصلية كتبت بواسطة arch_mido
وكماليتها اية
لان اخويا عايز يشترى كارينز اتوماتيك الشكل القديم زيرو
حضرتك جبتها ب 148 الفاقتباس:
المشاركة الأصلية كتبت بواسطة AHMED12345678
والفئة LX Steptronic وحضرتك ممكن تشوف كاميلياتها عالنت :)
وبخصوص الشكل القديم دى كانت اخر عربية فتوكيل كيا فالجمهورية كلها !! نصيبي بقي !
فلو حضرتك عاوز الشكل القديم من التوكيل فمش هتلاقي لانها خلصت خلاص ممكن حضرتك تشوف فالمعارض بقي زى الطارق وكدة ... بس نصيحة لو عاوز الشكل القديم الحقها لانها عربيات تتعد عالايد الى موجودة فمصر حاليا :) ... وربنا يوفقك ان شاء الله
وفى ملحوظة الى فالمعارض سعرها حوالى 158 الف فالرينج دة يعنى هتلاقيها اغلى من التوكيل
الله يبارك فيك ياباشا متشكراقتباس:
المشاركة الأصلية كتبت بواسطة m i d o
بسم الله ما شاء الله لا قوة إلا بالله
أخي الفاضل الحمد لله الذي رزقك بها من غير حول منك ولا قوة - فلا حول ولا قوة إلا بالله العلي العظيم
أسأل الله أن يرزقك خيرها وخير ما صنعت له وأن يعيذك من شرها وشر ما صنعت له
وأن يجعلها عونا لك على طاعته
وأن لا يجعلها عونا لك على معصيته
وصل اللهم وسلم على الحبيب محمد
معلومة جديدة اجرب انا برضة و بقى اقلك و جزاك الله تعالى خيرااقتباس:
المشاركة الأصلية كتبت بواسطة ahmod
بارك الله تعالى لك فيها وكفاك شرها
بارك الله تعالى لك فيها وكفاك شرها و متخفش من كبر حجم العربية ومع الوقت هتتعود عليها والميزة ان المرايات كبيرة بحيث ترى مساحة العربيةة كلها بس العيب بس فى الركنات و الله المستعان وولى التوفيق
الف شكر يا اخوانى على ردودكم الجميلة دى وربنا يكفينا كلنا شر الطريق
ربنا يباركلك فيها
منذ اكثر من 30 عام وانا باسوق مانيول وعمري الان 46 عام ومن حوالي ثلاث سنوات اشتريت كيا اتوماتيك وكنت خايف برضة مثلك في البداية ولكن مع التعود اتضح لي أنها اسهل بكتتتتتتتتتير من المانوال وافضل في كل شيء
وربنا يوفقك ويكفيك شرها ..... أمين يارب العالمين