السلام عليكم جميعا
معايا في حدود 35 الف , هاعرف أجيب عربية مستعملة نضيفة تعيش يجي 10 سنين علي ما غيرها ؟
و لا اقسط عربية زيرو مش هتبقي فخمة اوي زي بي واي دي اف زيرو و مفيهاش شنطة كمان + إنها صيني ؟
منتظر اقتراحتكم و شكرا جزيلا مقدما :giveflowers:
السلام عليكم جميعا
معايا في حدود 35 الف , هاعرف أجيب عربية مستعملة نضيفة تعيش يجي 10 سنين علي ما غيرها ؟
و لا اقسط عربية زيرو مش هتبقي فخمة اوي زي بي واي دي اف زيرو و مفيهاش شنطة كمان + إنها صيني ؟
منتظر اقتراحتكم و شكرا جزيلا مقدما :giveflowers:
فيات سيينا و كيا ريو بدايه الألفينيات و رينو كليو
و على فكره هيتبقى معاك فلوس كتير تقدر تغير شوية فلاتر على زيت و ترش لو فيه خدوش و سمكره و اللذى منه
اكسل
فيات سيينا
لو قدرت تجيب لانوس او نوبيرا يبقى كويس اوي
بى واى دى من غير شنطة حضرتك تقصد f0 الصغيرة انا مبقتش اشوف العربية فى الاسواق لكن انت ممكن بفلوسك دى تشوف اكسيل --اكسنت --ابيزا --وهيعيشوا معاك ال 10 سنوات ان شاء الله ما دمت مهتم بيها وبتعمل لها صيانتها ومحافظ عليهااقتباس:
المشاركة الأصلية كتبت بواسطة 3bdellatif
شكرا ليكم جميعا :Copy of new:
طيب كده نقدر نقول قدامنا أكسنت -سيينا -كليو - إبيزا
انا شفت ناس طالبين فالأكسنت 2006 "الشكل القديم " حوالي 45000 هل ده كلام إعلانات و بس ؟ وقت الكاش هل اقدر أنزل فيها ؟ يعني تخلص علي كام كده ؟
و لو في قصادي أكسنت 2006 عاملة 60 الف كيلو بس ممكن أخلصها علي كام ؟
قسط زيرو و سيبك من المستعمل و قرفه
قدامك : ابيزا _ بولو _ فلشيا _ برايد _ كورسا _ اكسيل _ اكسينت _ جولف _ سويفت _ سينا
و انا اننصحك ب اكسينت
انا عامل زيك ومعايا فى حدود المبلغ ده
بفكر اجيب هوندا سيفيك موديل 90 - 91
عربيه محترمه
ايه رايكم
ياااااااااااه يعني عربيه مستعمله بقالها يجي 15 سنه ومنتظر انها تعيش 10 سنين :) يعم خليها علي الله ده الواحد مش ضامن عمره لحظه
وكمان حتي الزيرو مش حيعيش معاك 10 سنين كل الجديد دلوقتي متصنه انه 5 سنين ولا 10 بالكتير وبيتدمر ذاتيا :):):)
سينا
لو تقدر تزود وتجيب لانوس او فيرنا
يبقي حل وسط
زيرو .......وريح نفسك من مشاكل المستعمل
نصيحه دور على بونتو 95 نضيفه عربيه شيك واقتصاديه واوروبى مفيهاش ايد مصرى ولا كورى ولا صينى وطول ما انت مراعيها هتعيش معاك كتيييييييييير
أنا نقل لك حاجه مختلفه تماماً من رأيي اوبل فيكترا ٩٤ او ٩٥ عربيه لو جبتها حاله مضيفه وراعتها في الصيانات بتاعتها تعيش معاك العمر كله مش ١٠ سنيين بس كمان عربيه ألماني جري و ثبات لا يعلي عليه في كل الحاجات اللي الناس مقترحاها في المشاركات ده غير انك ممكن تجيبها اوتوماتيك بس اهم حاجة انك تكشف عليها كويس انشالله في التوكيل عشان العربيه لو وحشه هتتعبك معاها
و ده مجرد رأي
405 ممتازة
بص المبلغ اللى معاك يجيب يا اما تمبرا او الفا روميو 146 العربيتين فول اوبشن وقطع غيارهم موجودة جديدة واستيراد وعربية عائلية وبتاعة شغل وسفر وتجيب حالة حلوة كمان
غير كدة لو دورت على 405 أو زودت وجبت لانوس 1 صعب تلاقى حالة نضيفة بالمبلغ اللى معاك وهاتبقى متهانة
ولو فكرت فى الفيات السيينا ما انصحكش نهائى عربية جميلة جدا بس مقرفة فى صيانتها وهاتدفع دم قلبك عليها
الابيزا 94 او البولو 98 او الفيات بونتو تسعينات هاتتعب جامد علشان تلاقى عربية نضيفة وبتاعة عيلة علشان معظمهم بتبقى طالعة من تحت رجل شباب وبتبقى طالع عين اللى جابوها الا من رحم ربى
طولت عليك بس انا كنت فى نفس حيرتك دى ونفس المبلغ ده لمدة سنة لحد ما ربنا كرمنى بالالفا
من رايي المتواضع
اول فيكترا 94 نضيفه