روحت احجز نيسان صني الشكل القديم عند ifg
بسأله علي لون التابلوه بقوله عايزه بيج ... قلي مش بتختاره انت بيجي بظروفها حسب الخامات المتوفره في المصنع
هل الكلام ده صح ولا غلط ..؟؟ ياريت لو حد عدي عليه الموضوع ده يقولي من ملاك صني الشكل القديم
عرض للطباعة
روحت احجز نيسان صني الشكل القديم عند ifg
بسأله علي لون التابلوه بقوله عايزه بيج ... قلي مش بتختاره انت بيجي بظروفها حسب الخامات المتوفره في المصنع
هل الكلام ده صح ولا غلط ..؟؟ ياريت لو حد عدي عليه الموضوع ده يقولي من ملاك صني الشكل القديم
من حقك تختار لون التابلوة مش بمزاجهم
على حسب ما أتذكر الإجباري فقط مع اللون الفضي بيجي التابلوه والفرش أسود ومع اللون الذهبي بيجي التابلوه والفرش بيج ، أما باقي الألوان فممكن تختار بين التابلوه والفرش البيج أو الأسود
اللي اعرفه انك بتختاره
لكن العادي انك بتقعد تنتظر لحد ما العربية باللون ده برة و جوة تيجي , ممكن شوية يقول لك جت لي واحدة نفس اللون برة لكن جوة لأ و هكذا
الكلام ده قبل ما الجديدة تنزل , مش عارف دلوقت ايه
بالمناسبة , البيج في الصني اشيك كتير اوي من الاسود
الراجل بيرح دماغة معاك
كلنا اخترنا لون الطابلوه
هو حيركبك على مزاجه.
مش بمزاجه انا اخترت اللون ولسه مستلم من 15 يوم
ممكن اعرف سعر الشكل القديم كام وشكرا
استلمت شهر 12 وكنت مركز على لون رمادى فرش بيج ورفضت اى تغيير وكانت النتيجة انتظار شهر من المعرض وكان فى عروض تغيير الوان بس انا رفضت وصممت على طلبى والحمدلله استلمت . عقبالك وربنا يديك خيرها . وأنا مع الفرش بيج لان الاسود مش حاسة من جوة .
يا جماعه رحتله تاني ورفض وقلي مفيش الكلام ده --- والمشكله ان اوتو ايجيبت موقف حجز الشكل القديم من شهر ٢
ايه الحل اكيد مش هدفع اوفر برايس ١٠الف جنيه وادور عند المعارض :(
حاول تبعد شوية عن القاهرة ممكن يعنى تسأل فى توكيل خارج القاهرة . يعنى انا كنت بعمل صيانة الالف فى اسيوط لأنى من سوهاج . وكان بيقولى ان مدة الحجز عندة قليلة وممكن يوفرلك اللون اللى حضرتك عايزة وكمان شوف مثلا محافظات تانية. وكدة كدة انتظار بس تكون مقتنع باللى حتستلمة وتعيش معاك وتعيش معاها . وبجد حرام جدا 10 الالف زيادة فى الظروف المطحونة دى . وربنا يكملك على خير .
الضغط بقى كتير على الشكل القديم دلوقت
لسه واحد زميلى مستلم واحدة من السبع من اقل من شهر على 108 الف وبعدها بيومين كان سعرها 110 الف
وسعر المصنع من 96-98 الف لكن مفيش موزع او معرض بيبيع بالسعر ده ولا حتى بعد انتظار شهور وكمان مش هايضمنلك نفس السعر عند الاستلام !!!
لون الداخلية مرتبط بخط الانتاج وتوافر الالوان وصعب جدااا انك تنتظر لحد اما تلاقى اللون اللى عاوزه
لأن فى اوقات كتير اللون الخارجى حتى مشكلة واى معرض لو حس انك متعلق فى لون معين هايزود عليك السعر
العادة ان اللون الداخلى مرتبط بالخارجى وبيتيغر حسب لون خط الانتاج
شوفت لون اسود برة فرش بيج جوة
وشوفت كمان لون فضى او رمادى او موف داكن بداخلية بيج او اسود مش ثابتة
لكن الثابت النبيتى والشامبين الدواخل بيج
الاهم تستلم مش مشكله اللون داخلي وفعلا بيبقي علي حسب توافر االقطع سواء بيج او اسود هي مش فارقه المهم يسلمك في معادك والسعر الرسمي والف مبروك مقدما اختيار موفق ان شاء الله
شكرا جدا يا جماعه علي المعلومات القيمه