لو الدائري قريب منك روح فول من البنزينات اللى هناك
عرض للطباعة
مشكلة الاخوان انهم من الاخر مالهمش خبرة سياسية يعني ابسط مثال ازمة اثوبيا اعمل مجلس ادارة ازمات ونجيب السيسي ونقعد نرتب صح مش تقولي نشيع ان عندنا ولا نقضيها فوتوشوب بالمرة نجيب مرسي متصور ورا مفاعل مثلا حاجة تحرق الدم وف الاخر تصدقوا ماخدناش بالنا انه مذاع يااخي ده انت لو رئيس مراجيح مولد النبي كنت هتقول كلام احسن من لعب العيال ده مشكلتهم الخبره والكراسي لا وجايين يتعلموا ويجربوا ف ظروف البلد واقعه اقتصاديا وامنيا واخرتها ايه الله اعلم انا بحترم الاخ المحترم اللي قال اللي مش عارف يشتغل من الاخر يروح بلدهم البلد بتغرق كل يوم عن اللي قبله فالحين بس يطبلوا لمرسي والحكومة وعلي راسهم باسم عوده المشكلة ان باسم عوده حاشر نفسه ف اللي مالوش فيه مرة مع المية ومرة مع الكهربا وشوية مع البنزين هو انت مسكت مكان قنديل وانا مش واخد بالي !
رئيس اخواني ورئيس وزرا اخواني ووزير تموين اخواني ووزير بترول اخواني. فين الحجه؟
اللي بيروح غزه بنزين وسولار عشان بيتخزنو واستخداماتهم متعدده هتولد بيهم كهربا وهتشغل بيهم عربيات ومصانع انما الكهربا مش بتتخزن.
تصحيح لنقطه بسيطه. نصيب الفرد من الدخل القومي في الصين $9,100 وفي مصر $6,600 والاتنين أرقام 2012
لا كمان فوق كده تلاقيهم كله دكاتره. مفيش ولا واحد منهم الا وتلاقي قبله لقب دكتور. ده بليه بتاع ورشه الاسطى حسن بيفهم أكتر منهم.
أه واللهي باسم عوده ده عايز حلقه لوحده. مش عارف بيتصور ليه في غيطان القمح مع ان شغل وزاره التموين مش الانتاج ولكن الطحن والتوزيع وده كمان بيتم بمساهمه كبيره من مطاحن وصوامع القطاع الخاص يعني وزاره التموين ملهمش أي فضل في الزراعه ده حتى وزاره الزراعه أصلا مبتزرعش ولكنها بتساعد الفلاح بتوفير البذور والاسمده والمبيدات والفلاح هوه اللي بيزرع على مسؤوليته ولو الزرعه باظت محدش بيديله حاجه.اقتباس:
فالحين بس يطبلوا لمرسي والحكومة وعلي راسهم باسم عوده المشكلة ان باسم عوده حاشر نفسه ف اللي مالوش فيه مرة مع المية ومرة مع الكهربا وشوية مع البنزين هو انت مسكت مكان قنديل وانا مش واخد بالي !
المشكلة مش فالأزمات (ازمة البنزين و السولار و الماية و الكهربا) لا دي المشكلة ان لسة في ناس بتبرر و راضية باللي احنا فيه و بيقولوا نصبر
فعلا احنا طالعين من ثورة و البلد كانت منهوبة ولازم نصبر
بس الواحد هيصبر لما يلاقي أي مؤشرات لبداية الاصلاح و التغيير و دا طبعا عكس اللي بلد فيه تماما
احنا من سيئ إلى أسوأ
البلد ليست في احتياج الي رئيس جمهورية
كل واحد فينا ممكن يبقي رئيس الجمهورية
المطلوب
شخص حكيم و عنده ضمير لوضع الشخص المناسب في المكان المناسب
مش اضع اناس معندهمش خبرة ولا يفهموا اي حاجه في اي حاجه
ووضعهم فقط لأنهم من الحاشية الفاسدة
ياراجل بقه الكهربه مبدأتش تقطع غير اليومين دول وايام مبارك ماكانتش بتقطع حضرتك كنت مسافر ولا ايه
حضرتك لقيت في كلامي اي جمله بتقول اني عايز الرئيس يحلها في شهر ؟ .... معلش هو حضرتك متخيل انك لو دخلت امتحان رياضيات مثلا و قعدت يومين بتتفرج علي الورقه و محضرتش حتي معطيات المسائل اللي قدامك و لا ابتديت تفكر في حل ليها و لا تحاول تحلها انك حتي لو قعدت شهر قدام الورقه بالشكل ده هتحل حاجه ؟ لما نبقي نشوف خطوات صحيحه جاده لحل الازمه نبقي نقول انتوا متسربعين علي ايه ادوله فرصته ٤ سنين ... مع العلم ان البلد مش هتكمل ٤ سنين بالوضع ده لو مبتديناش في مسار جاد لتصحيح الاوضاع .... ايه الحل للأزمات دي اولا شيل الحكومه دي و دور علي الكفائات ايا كانوا اخوان او غيره و هما مش هيعترضوا ... طيب اعترضوا اطلع عرف البلد كلها انهم ضد مصلحة البلد و اني عرضت عليهم المنصب و رفضوا و يبقوا هما اللي جابوه لنفسهم و اكيد في حد غيرهم مناسب .. بعد كده تابع كل وزير بشكل شخصي ايه خطته و ماشي علي مراحلها ولا لأ طب ايه الازمات و احاول احلهاله ... مجيش اعيش الشعب في تقشف و ميزانيتي كرئاسه تطلع ازيد من ايام مبارك !!! يعني معلش كلنا سواسيه يتقشفوا هما كمان و يشدوا الحزام ،،، من الاخر عايزين تيم عمل ديناميكي مش مجرد منظر و كلام لا بيودي ولا بيجيب
الزهايمر
(ويسمى، ايضا: العته / الخرف الكهلي - presenile dementia) هو السبب الاكثر شيوعا للخرف. يؤذي المهارات العقلية والاجتماعية مما يؤدي الى اعاقة الاداء اليومي في الحياة العادية. مرض الزهايمر عبارة عن ضمور في خلايا المخ السليمة يؤدي الى تراجع مستمر في الذاكرة وفي القدرات العقلية / الذهنية.
مرض الزهايمر ليس مرحلة طبيعية من مراحل الشيخوخة، لكن احتمال الاصابة به يتزايد مع تقدم العمر. نحو 5% من الناس في سن 65 - 74 عاما يعانون من مرض الزهايمر، بينما نسبة المصابين بالزهايمر بين الاشخاص الذين في سن 85 عاما وما فوق تصل الى نحو 50%.
وعلى الرغم من ان الزهايمر هو مرض عضال لا شفاء منه، الا ان هنالك علاجات قد تحسن جودة حياة من يعانون منه. فالمرضى المصابون بمرض الزهايمر، وكذلك الاشخاص الذين يتولون رعايتهم، بحاجة الى دعم العائلة والاصدقاء من اجل النجاح في مقاومة الزهايمر.
- أعراض الزهايمر
في المرحلة الاولى من الزهايمر يظهر فقدانا طفيفا للذاكرة وحالات من الارتباك والتشوش، مما يؤدي في نهاية المطاف الى ضرر مستديم لا يمكن اصلاحه في قدرات المريض العقلية، كما يقضي على قدرته على التذكر، على التفكير المنطقي وعلى التعلم والتخيل.
فقدان الذاكرة:
كل شخص يجد صعوبة في تذكر بعض الاشياء. من الطبيعي ان تنسى اين وضعت مفاتيح سيارتك، او اسماء اشخاص نادرا ما تلتقي بهم. ولكن مشاكل الذاكرة لدى مرضى الزهايمر تشتد وتتفاقم.
المصابون بمرض الزهايمر يواجهون المشاكل التالية:
من الصعب جدا القيام بالمهامات الروتينية التي تتضمن بضع مراحل او خطوات، مثل الطبخ. الاشخاص الذين يعانون من مرض الزهايمر في مراحله المتقدمة ينسون في النهاية كيفية تنفيذ الامور الاكثر اساسية.
- يكررون نفس الجمل والكلمات
- ينسون محادثات او مواعيد
- يضعون اشياء في غير مكانها الصحيح، بل وفي اماكن غير منطقية اطلاقا
- ينسون اسماء ابناء عائلاتهم واسماء اغراض يستعملونها يوميا
- مشاكل في التفكير المجرد
- في بدايات المرض، قد لا يستطيع مرضى الزهايمر المحافظة على موازنتهم المالية، وهي مشكلة قد تتطور الى صعوبة في معرفة وتحديد الارقام والتعامل بها
- صعوبة في العثور على الكلمة الصحيحة او المناسبة
- القدرة على ايجاد الكلمة الصحيحة، او حتى متابعة محادثة ما، تصبح في بعض الاحيان مهمة جدية، بل تحديا، بالنسبة لمرضى الزهايمر. وفي النهاية تضعف ايضا قدرتهم على القراءة والكتابة
- مشاكل في القدرة على تحديد المكان
- فقدان الاحساس بالوقت، حتى ان مرضى الزهايمر قد "يضيعون" في منطقة معروفة ومالوفة
- فقدان القدرة على الحكم واتخاذ الموقف
- صعوبات في حل مشاكل يومية، مثل معرفة كيفية التصرف في حال احتراق الطعام في الفرن. مع الوقت يصبح الامر اكثر صعوبة وفي نهاية المطاف يصبح مستحيل. مرض الزهايمر يتميز بالصعوبة البالغة في تنفيذ مهمات واعمال تتطلب تخطيطا، اتخاذ قرارات وقدرة على الحكم واتخاذ موقف
- صعوبة في تنفيذ مهمات واعمال معتادة ومعروفة.
تظهر لدى مرضى الزهايمر تغيرات في الشخصية مثل:
- المزاج المتقلب
- انعدام الثقة بالاخرين
- العناد المتزايد
- الانطواء الاجتماعي
- الاكتئاب
- الخوف
- العدوانية
أسباب وعوامل خطر الزهايمر
الزهايمر ليس نتيجة لعامل واحد فقط. يعتقد العلماء ان مرض الزهايمر ناجم عن مزيج من عوامل وراثية وعوامل اخرى تتعلق بنمط الحياة والبيئة المحيطة. ومن الصعب جدا فهم مسببات وعوامل الزهايمر، لكن تاثيره على خلايا الدماغ واضحة، اذ انه يصيب خلايا المخ ويقضي عليها.
هناك نوعان شائعان من تضررالخلايا العصبية (العصبونات - Neurons) لدى مرضى الزهايمر:
لويحات (Plaques): تراكم بروتين، غير مؤذ عادة، يدعى اميلويد – بيتا (Amyloid beta)، من الممكن ان يسبب ضررا في عملية الاتصال بين خلايا المخ. السبب الرئيسي لتدمير العصبونات في مرض الزهايمر لا يزال غير معروف، لكن هناك ادلة عديدة على ان تراكم بروتين اميلويد – بيتا بشكل غير عادي هو السبب.
حبيكات (Tangles): المبنى الداخلي للخلايا الدماغية مرهون بالاداء السليم والطبيعي لبروتين يدعى تاو (Tau protein). عند مرضى الزهايمر، تحصل تغيرات في الياف بروتين تاو تؤدي الى التوائها والتفافها. العديد من الباحثين يعتقدون بان هذه الظاهرة قد تسبب ضررا كبيرا وخطيرا للخلايا العصبية (العصبونات)، بل والقضاء عليها.
السن: مرض الزهايمر يظهر عادة فوق سن الـ 65 عاما، لكن يمكن ان يظهر، في حالات نادرة جدا، حتى قبل سن 40 عاما. نسبة انتشار المرض بين الاشخاص الذين تتراوح اعمارهم بين 65-74 عاما هي اقل من 5%. اما بين الذين في سن 85 عاما وما فوق كبار السن، فان نسبة انتشار الزهايمر تبلغ نحو 50%.
العوامل الوراثية: اذا كان في العائلة مرضى بالزهايمر، فان احتمال اصابة ابناء العائلة من الدرجة الاولى (الابناء/ البنات، الاشقاء/ الشقيقات) بالمرض هو اعلى بقليل. الاليات الوراثية لانتقال مرض الزهايمر بين افراد العائلة الواحدة لم يتم التعرف عليها تماما، بعد، لكن العلماء يلاحظون بضع طفرات جينية تزيد من خطر الاصابة في عائلات معينة.
الجنس: النساء اكثر عرضة، من الرجال، للاصابة بمرض الزهايمر. واحد الاسباب لذلك هو ان النساء يعشن سنوات اكثر.
عيوب ادراكية بسيطة: الاشخاص الذين يعانون من عيوب ادراكية بسيطة لديهم مشاكل ذاكرة اكثر خطورة من المقبول والمعتاد في سنهم، ولكن ليست خطيرة بما يكفي لتعريفها بانها الخرف. كثير من الناس من ذوي هذه العيوب يصابون بمرض الزهايمر في مرحلة ما.
نمط الحياة:
العوامل التي تزيد خطر الاصابة بامراض القلب تزيد ايضا مخاطر الاصابة مرض الزهايمر. من بينها:
المواظبة على اللياقة البدنية العالية ليست المهمة الوحيدة – ينبغي تدريب الدماغ ايضا. فبعض الابحاث والدراسات تؤكد على ان الحفاظ على النشاط العقلي طوال الحياة، وخصوصا في سن متقدمة، يقلل من خطر الاصابة بمرض الزهايمر.
- ضغط الدم المرتفع
- فرط الكولسترول في الدم
- السكري غير المتوازن
المستوى التعليمي – الثقافي: لقد وجدت الدراسات علاقة بين مستوى التعليم المنخفض وبين خطر الاصابة بمرض الزهايمر. لكن السبب الدقيق لذلك غير معروف. بعض الباحثين يرون انه كلما استخدمنا دماغنا اكثر كلما تم انشاء المزيد من مناطق التماس والاتصال بين الخلايا العصبية، والتي تشكل احتياطيا اكبر في سن الشيخوخة. ولكن، ربما كان من الصعب اصلا ملاحظة مرض الزهايمر لدى الاشخاص الذين يشغلون ادمغتهم بصورة دائمة .
Topمضاعفات الزهايمر
في مرحلة متقدمة من مرض الزهايمر يفقد المرضى القدرة على العناية بانفسهم.
هذه الحقيقة قد تنتج عنها مشاكل طبية اخرى مثل:
التهاب رئوي: صعوبة في بلع الطعام والسوائل، وقد تسبب هذه استنشاق بعض المواد الغذائية والمشروبات في الممرات الهوائية والرئتين، مما قد يؤدي الى التهاب الرئتين.
تلوثات: بسبب عدم السيطرة على المخارج (البول) يستدعي الامر، احيانا، استخدام قثطار (catheter)، مما يزيد من خطر التلوثات في المسالك البولية. هذه التلوثات اذا لم تحظ بالعلاج المناسب فقد تؤدي الى تلوثات اكثر خطورة، قد تؤدي في النهاية الى الموت.
الاصابات الناجمة عن السقوط: مرضى الزهايمر الذين يعانون من الارتباك والتشوش هم اكثر عرضة للسقوط. وهذا قد يؤدي الى حدوث كسور، اضافة الى ان السقوط هو سبب شائع لاصابات خطيرة في الراس، مثل النزيف في الدماغ.
Topتشخيص الزهايمر
يستطيع الاطباء تشخيص 90٪ من حالات مرض الزهايمر تشخيصا دقيقا. يمكن تشخيص هذا المرض نهائيا فقط بعد الموت، وذلك باستخدام الفحص المجهري للكشف عن اللويحات ((Plaquesوالحبيكات (Tangles).
للتمييز بين مرض الزهايمر وبين مسببات اخرى لفقدان الذاكرة، يعتمد الاطباء عادة على الاختبارات التالية:
من خلال التمعن بصور مسح الدماغ، يمكن للاطباء ملاحظة وتحديد نتائج شاذة او غير طبيعية، مثل تجلطات الدم، النزيف او الاورام - والتي قد تكون علامات واعراضا لمرض الزهايمر. كما يمكن استخدام التصوير المقطعي بالاصدار البوزيتروني (Positron Emission Tomography - PET) للكشف عن مناطق الدماغ الاقل نشاطا وعن كثافة اللويحات (Plaques).
- فحوصات مخبرية،
- اختبارات علم النفس العصبي (Neuropsychology)
- اختبارات مسح الدماغ ،
MRI – التصوير بالرنين المغناطيسي
CT – التصوير المقطعي المحوسب
PET– التصوير المقطعي بلاصدار البوزيتروني.
Topعلاج الزهايمر
علاج الزهايمر ، حتى الان. اطباء الاعصاب يصفون في بعض الاحيان ادوية للحد من الاعراض التي غالبا ما تصاحب مرض الزهايمر، بما في ذلك عدم القدرة على النوم، التخبط، القلق، الارق، والاكتئاب. لكن نوعين فقط من الادوية ثبتت نجاعتهما في ابطاء التدهور العقلي الناجم عن مرض الزهايمر وهما من مثبطات انزيمكولينستيراز (Cholinesterase): ميمانتين (Memantine) وناميندا (Namenda).
Topالوقاية من الزهايمر
التجارب التي اجريت على البشر للتطعيمات ضد مرض الزهايمر، تم ايقافها قبل بضع سنوات، لان بعض المشاركين في التجارب ممن حصلوا على اللقاح اصيبوا بالتهاب حاد في الدماغ.
ومع ذلك، يمكن تقليل خطر الاصابة بمرض الزهايمر، مثلما نقلل من خطر الاصابة بامراض القلب. العديد من العوامل التي تزيد خطر الاصابة بامراض القلب قد تزيد من خطر العته. العوامل الاساسية هي: ضغط الدم المرتفع ومعدلات الكوليسترول والسكر في الدم.
كما ان المواظبة على النشاط البدني والعقلي والاجتماعي من شانها ان تقلل مخاطر الاصابة بمرض الزهايمر.
Topالعلاجات البديلة
فيتامين اي (Vitamin E): اظهرت عدد من الابحاث ان فيتامين E قد يؤدي الى ابطاء تطور المرض، في حين بينت ابحاث اخرى انه غير مفيد. ويحذر الاطباء من تناول جرعات عالية من فيتامين E، لانه قد يزيد من خطر الموت جراء امراض القلب.
الجنكة (GINKGO): يعتقد البعض بان خلاصة اوراق شجرة الجنكة بيلوبا قد تساعد في تاخير تطور مشاكل الذاكرة المرتبطة بمرض الزهايمر. لكن بحثا اجري على نطاق واسع، مؤخرا، اظهر ان استخدام هذه الخلاصة غير مفيد. ويرجى الانتباه الى ان هذه المنتجات قد تؤثر سلبا على فاعلية ادوية تمييع الدم (Blooddilution) فتسبب النزيف.
Hfrazin A: هي مادة منتجة من طحالب صينية وتعمل بنفس الطريقة التي تعمل بها مثبطات كولينستيراز (Cholinesterase). استخدام هذه المادة مع عقاقير مثل دونيبيزل (donepezil) يزيد من خطر الاثار الجانبية السامة، لذلك يحظر تناولهما معا في الوقت نفسه
رايحه فين يامصر وسايبه شعبك تايه
ولا لاقين العيش والميه وعلى البنزين انا دايخ
هو ايه جو اننا نسف على بعض وشغل الفيسبوك ده؟ايه المدهش انه مش اخوان وشايفهم مظلومين او متعاطف معاهم؟انا كمان كده ومش مضطر احلفلكوا واللى مش مصدق ميفرقش معايا والاخوانى ده مصرى زيه زيك وانت مش احسن منه فى حاجه..بالعكس ..فى الوقت اللى الناس كانت مأنتخه فيه وكل همها اننا نكسب الجزائر ونوصل كاس العالم هم كانوا بيضحوا بحريتهم وحياتهم الشخصيه عشان يعارضوا نظام مستبد...
كل الناس اللى بتسف ع الاخوان دى ملهاش اى تاريخ اصلا..وبدل ما تشكر للاخوان صبرهم على الظلم بيطلعوهم خونه
انا مالى ومال براهيم عيسي
انا كل لينك حطيته كان بمصدر علشان برده متقليش الكلام المرسل ده
انت دولة عندها مياه وثروة طبيعيه وبترولية اى كانت حجمها استثمرها
طيب ولما احنا بقى هنقعد نولول ليه
محمد بن راشد ال مكتوم حاكم امارة دبي ورئيس وزراء الامارات
معندوش فى الامارة بترول ولا نيل ولا دهب ؟! ازاى رفع دبي الرفعه دي فى حين ان الامارات اتاسست 1973 ؟! راجع نظام الامارات الاتحادي والميزانية اللإمارية لكل إمارة
اندونسيا
الهند ؟!
دي او دي معندهاش الا القوة البشريه شوف هما فين وانت فين
الهند شبة مسيطرة على قطاع التكنولوجيا
كفاية ان تعرف ان الماسنجر MSN كان اختراع هندي وبعدها توالت yahoo واخوته
60 % من طاقة الIT وDATA CENTERS على مستوي العالم يشغلها هنود
سواء من OUT SOURCE فى الهند او داخل الدول المالكة نفسها
الناس بتطور وتبنى مصانع وتعمل مشاريع قومية
واحنا بنبيع فى شوية المشاريع اللى عندنا بداية من الخصخصه فى عصر نظيف
والان مستمرة الخصخصه تحت مسمى الصكوك الاسلامية
امريكا معندهاش بترول
اليابان معندهاش بترول
اوروبا معندهمش بترول
ولا عندهم ذهب !
عارفين احلي حل ايه اتفرج وشوف الي بيحصل لي ان الي داير في البلد مش مخلي حد فاهم حاجة خالص
متفهمش مين صح ومين غلط تقعد مع ناس تقولك البلد بايظة والراجل جايب اخوان والدنيا خربانة وهماكدبين قالك في اكتفاء زاتي في القمح ومش شايفن حاجة قالك في التموين هتاخد ازايز الزيت عباد الشمس ومشفناش اي عباد خالص
قالك هنستورد مواشي من السودان علشان نقضي علي غلاء تجار الحوم ولا شفنا اي حاجة قالك يقولك السرقة زادت ووحد معرفش مين اتثبت هو مراته وعربيتة واتخدو وفين الشرطة والحكومة والتثبيت بقا علي ودنة ويقولك المياة بتقطع والكهرباء بشكل اننا لما بنشوفهم رجعو مبنكونش مصدقين نفسنا وتبقا قاعد ومقتنع جدآآآآآآآآآآآآآآآآآآ
تيجي بقا تقعد مع ناس متحيزة لي الرائيس يقولك دي رواسب نظام قديم يعني الراجل استلم البلد خربانة وشعبها فجر وهو مستلمهاش زي ما استلم مبارك مثلآ من السادات وهكذا ويقولك الراجل شغال والناس بتحربة لي ان احنا كاشعب مش عايز يشتغل وعايز ياخد فلوس ويوصل لي مناصب هو مش احق بيها ويقولك ان من ساعت ما الرائيس مسك وشوف كام اعتصام وكام مظاهرات وكم رهيب مش مخلي الراجل يركز في داخل البلد ولا خارجها ولماتشوف فعلآ الامارات بتحربك والسعودية والدول الي مدعمة لي مبارك ويقولك الراجل مش ساكت وهما بيحربه علشان عمل مشروع هيفقرهم وهيغنينا مش زي مبارك كان بياخد منهم فلوس لي صالحة هو بس منهم ومش مهم الشعب وانهم بيحربة علشان مشروع قناة السويس وان الراجل عمال يجب استثمارات تشتغل جوة البلد زي شركة سامسونج وشركةنيسان بس محدش راضي يصبر تبقا قاعد وانتا مقتنع جدآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآآآآآ
فا انا مبقتش فاهم فا احلي حل خدتة قولت (اعلم ان اجتمعت الناس علي ان يضروك بي شيئ فلا ييضروك بيشئ قد كتبة الله لك - واعلم ان اجتمعت الناس علي ان ينفعوك بي شيئ فلاينفعوك بي شيئ الا قد كتبة الله لك )
بمعني والله لو الناس شالت مرسي يبقا ربنا الي ارد كده والعكس لو الناس معرفتش تشيل مرسي يبقا ربنا هو الي عايز كده كل ده بتاع ربنا
ده كمان بيقولك امريكا معندهاش دهب ولا بترول :)
وكمان بيقارنا بشعب اليابان ههههههههههههههه
حجم صادرات البترول من جريدة اقتصادية الاهرام الاقتصادي وده كان فى عصر النهب عصر مبارك
الذهب برده جريدة الاهرام الاقتصادية وبرده عصر النهب مبارك
النيل اعتقد مش محتاج رابط لمصدر اننا عندنا النيل !
امريكا معندهاش بترول بناءا على تقييمك اننا مش اعضاء فى الاوبك :)
الصورة لتكييف LG ومكتوب عليها MADE IN SAUDI ARABIA
ده معناه ان الناس بدئت تنوع مش بس معتمدين على البترول
دبي امارة تجاريه صح بس بقت تجاريه كدا من الباب للطاق ولا فى ادارة ذكية بتدير الاماراة وتانى مرة الامارة مفيهاش بترول
عندك السويس وبورسعيد معملتهش زي دبي ليه وانت مكانك افضل تربط العالم ببعضه بين الشرق والغرب !
وتيجي بعد كل ده تقولى اصلا دولة فقيرة الموارد !!!!
عندك موارد طبيعيه فى سيناء من منظار خلابة تستخدم فى الجذب السياحي
عندك بترول وترتيبك 19 زي ما انت قلت
عندك مناجم السكري للذهب
عندك نهر النيل وهبه ربنا سبحانه وتعالى لينا
عندك قوة بشريه مهوله تستخدم فى الصناعه
عندك قناة تربط بين المحيطات
كل ده نلاقى عندنا ايه بقى
بطاله بطاله بطاله فقر جوع
عايشين على مصانع عبدلناصر يعني من اكتر من 60 سنه
ومحدش بعده حاول يطور غير السادات وملحقش
رئيسنا ملتحي الا تكبرون :aloha::bump1:
ربنا يهدى
الاهرام الاقتصادي مش مصدر حاليا اتفق معاك لكن فى 2009 لما كان مبارك فى الحكم كانت جريده قومية خاضعه للدولة :)
طيب شوف تعداد الهند
طيب شوف تعداد الصين
اقولك احنا دولة فقيرة فقيرة فقيرة فقيرة فقيرة
ورئيسنا بيشحت علينا
كدا حلو الكلام اصل النقاش كدا مش هيخلص طول ما فى مبررات :)
كون حضرتك اخوان او مش اخوان مبفرقش علي الاطلاق مادام بنتناقش ، نرجع بقي لمرجوعنا الاخوان مظلومين في ايه ؟ الاخوان من افواه ناس فيهم كان قلقهم في حياتهم زمان هو القبض علي اي قياده اخوانيه او اي ضرر يقع علي غزه !!!! - هل سمعت كلمة مصر في الجمله السابقه ؟ - ايوه مصر بره حساباتهم كبلد و هما كانوا بيتمرمطوا و بيتحايلوا و يعملوا البدع م علشان مصلحة مصر انما علشان كراسي و مناصب مصر دول ناس كذبوا و قالوا لن نرشح منا رئيسا و مصر كبيره علينا و رشحوا رئيسين دول ناس قالوا مشاركه لا مغالبه و سنتحالف مع قوي الوطن و استحوذوا علي كل حاجه اغلبيه كراسي الشوري و الشعب و المناصب الوزاريه -المؤثره- و تقريبا كل المناصب السياديه في البلد اتاخدت للاخوان و بقي اللي يعارض طريقتهم كاره للدين كافر فلول !!! مين بقي اللي مظلوم ده :aloha: ، مين احسن من مين دي بقي عند ربنا هو عارف خبايا النفوس و يحكم ، و في حاجه مهمه لو حضرتك بتتكلم علي مين احسن من مين بالمعارضه يبقي شباب ٢٥ -اللي مكنوش اخوان دول كانوا من مختلف الطوائف المثقفه بوجه عام- هما الاحسن دول ضحوا بارواحهم ووقفوا قدام البلد كلها علشان بلدنا تتحرر و بعد كده لما الاخوان لقوا ان للناس دي وزن فعلا نزلوا ساندوهم ، كل الناس اللي بتسف علي الاخوان دي ملهاش تاريخ اصلا !! والله السف من الناحيتين لو حضرتك متابع كلام الاخوان برضه هتلاقي فيهم السفاف برضه و اللي ملوش اي تاريخ برضه غير انه اخواني ابا عن جد اتفرج علي كلام احمد المغير علشان تشوف السف علي اصوله و الشخصيات الاخوانيه المغموره من اصحابك و اصحابي و غيرهم هتلاقي نفس الطريقه باختلاف التوجه ، نشكر الاخوان علي ايه بالظبط ؟ استحواذها و تملكها للبلد بالعافيه و تخوين كل من عارضهم !!!!
خالص تحياتي
هم ليه انضموا للاخوان المسلمين وقت الاعتقالات وتجسس امن الدوله وزوار الفجر؟عشان المناصب؟دول عمر ما حد فيهم شاف مجلس الشعب قبل التسعينات والتنظيم كان وقتها بقاله 60 سنه بدون اى مناصب خالص
لو كانوا عاوزين مناصب كانوا عملوا زى احزاب المعارضه الكارتون او حتى اعضائها تحالفوا مع الحزب الوطنى
ثم ان تعداد الاخوان اكتر من نص مليون..كام واحد منهم واخد منصب؟وكام واحد اتحرم من منصب يستحقه عشان اخوانى او ابوه اخوانى؟
----
وزى مانت بتنقلى كلام من اعضاء داخل الجماعه انا بقولك كلامهم لى (وهم قرايبى وعارفهم كويس بالمناسبه والكلام ده من قبل الثورة) انهم كل اللى بيعملوه عشان خاطر ربنا فى المقام الاول والوطن فى المقام التانى..وانهم فى عز مالناس كلها كانت بتشتم فى البلد هم كانوا منتمين جدا للبلد رغم الظلم اللى كانوا شايفينه...
انا شخصيا ضد ايدولوجيتهم تماما ومنتخبتهمش فى اى مناسبه "الا ف جوله الاعاده ادام شفيق" لكن ده لا يمنع انى بحترم كفاحهم وصبرهم على الاذى ف وقت واحد زى باسم يوسف او عمرو موسى كانوا عايشين لنفسهم بس
--------
المهم هعيد عليك السؤال من جديد...
هم ليه انضموا للاخوان المسلمين وقت الاعتقالات وتجسس امن الدوله وزوار الفجر؟
لا كون الاهرام كان تابع للدولة ده يعطيه مصداقية لما ينشر اخبار زي كدا عن مؤسسات الدولة لانه مش معارض فبينقل اللى الموجود
يعني حضرتك تجيبلى ارقام من اى صفحة او بلوج ولما اجيب لك صحيفة قومية رسميه تقولى مش معترف بيها :eee:
[url=http://www.cmiegypt.org/Pages/Overall/Article.aspx?Id=84]::
السؤال بتاعك ده نفسي الاقيله رد غير اسمع كلامك اصدقك اشوف امورك استعجب ، اصحابي من الاخوان اعرفهم من قبل الثوره و ناس محترمين و كويسين و تحس فيهم الانتماء و حب بلدهم ماشي تمام ،،،،، تيجي بقي لبعد الثوره الوضع مهبب و البلد بتغرق و صاحبك شايف برضه البلد بتغرق و ان الرئيس الاخواني كوش علي كل حاجه في البلد و مسكها لاخوان حتي تأسيسية الدستور اللي المفروض انها تمثل جميع الطوائف و خرجت طبعا زي الزفت ... و تسأله ايه رأيك في القرف ده يقعد يبررلك انا فاكر ساعت ما الاسعار غليت علشان ضرائب مفروضه علي السلع بقرار رئاسي كانوا بيبررولي ليه عمل كده و انه ده الصح و لازم يعمل كده بليل و الصبح لغي القرار كانوا بيشكرولي فيه و في قراراته الحكيمه انه خايف علي شعبه :afterboom: ده مجرد مثال بقيت شايف ان اصحابي منظر جماعتهم اهم عندهم من بلدهم !!! طب ازاي انا اه احب ان عيلتي تمسك الحكم -فرضا يعني- بس لو مسكت الحكم و لقيتها بتودي البلد في داهيه هقول لا انتوا بتودوا البلد في داهيه يا تمشوا صح يا تسيبوها
حد يقنعني ان ازمه البنزين دي مش مفتعله وان المقصود منها شحن الناس قبل يوم 30
انهارده روحت البنزينه امون في الزقازيق لقيت طابوووور طوييييييييل والعربيه كانت لسه بتفرغ البنزين قلت لاء امشي لان الطابور كان طويل اوي ولسه كمان العربيه بتفرغ قلت انا نازل ميت غمر اشوف في الطريق وكده كده انا معايا لسه يجي 10-15 لتر طبعا ملقتش في الطريق بنزين لغايه موصلت ميت غمر وروحت بنزينه لقيت فيها بنزين92 و سولاربس طبعا في زحمه يجي 30 عربيه قلت قشطه ارحم من طابور الزقازيق وقفت في الطابور وطبعا كان فيه ناس بالعبييييييييييييييط وقفه بجراكن واسطول من المتوسيكلات الصيني الله يحرقها بججاز ديرتي وطبعا دول محتلين البنزينه اصلا ومفيش عربيات عارفه تمون منهم هوبا طبعا الحوار قلب بخناقه وضرب هوبا الراجل رايح راشش الناس بالبنزين ههههههههه وراح قافل البنزينه وماشي وسابنا واقفين من الساعه 5 لغايه ما الناس اللي واقفين اتفقوا انهم يروحوا القسم يعملوا محضر في صاحب البنزينه وفعلا شويه من الناس طلعوا القسم وراحوا للمأمور وهوبا المأمور جه ومعه بوكسين وعساكر وظابطين وجابوا صاحب البنزينه بالعافيه وشغلوا البنزينه وفضلوا واقفين الصراحه يشكروا لتنظيم الناس الكلام ده بقه من الساعه 5 لغايه الساعه 10 في خلال الخمس ساعات دول احنا طبعا واقفين على امل ان صاحب البنزينه يتكرم ويجي يفتح البنزينه تاني وفجأه كده الاقي مين بقه ظهروا العيال بتوع تمرد اه والله فجأه كده لقيت كام واحد وماسكين الاستمارات بتاعت تمرد وعمالين يلفوا على الناس والعربيات ويسخنوهم وعاوزينهم يمضوا معاهم الاستمارات طبعا انا اول ماشوفت الاشكال دي بتاعت تمرد ايقنت وش ان الحكايه فعلا مقصوده وازمه مقتعله اصل معلش يعني فجأه كده ظهرت الازمه منا اول الاسبوع ده مفول وعادي قشطه خالص ايه اللي حصل في كام يوم عشان يحصل ازمه جديد وعلى فكره ده كان رأي ناس كتير واقفين مش انا بس وكان فيهم ناس ضد مرسي اصلا
بصراحه مشاركه ممتازه وكلام جميل ومقدرش اقول حاجه عنه
انما معاك فى كل حرف بتقوله
والتبرير ده افه يعانى منها الغالبيه فى المصريين لكل حاجه بيتعصبولها او ينتموا لها
بالمناسبه واحد صاحبى ف الشغل بيحب البرادعى جدا..فى مره قلتله ياعم ايه الهبل اللى بيقوله ده هولوكوست وبيناشد امريكا الضغط على النظام -ايه الخرف ده؟
قاللى لا دى اكيد اشاعه وجرايد صفرا وبتاع..
بعد كده لما البرادعى نفسه اعترف بالتصريحات دى ف حلقه محمود سعد وبرللها بشويه كلام انا شايفه فارغ..لقيت صاحبى بيبرر برضه بنفس التبريرات.
بص انا من الناس المتعاطفه مع الاخوان صحيح لكن فعلا ليهم اخطاء غبيه وفشل مستفز وكنت اتمنى من مرسى او اعضاء الجماعه يعترفوا باخطائهم ويوعدوا بعدم تكرارها.
لكن ده ميمنعش انى معجب بتاريخهم..قد يكونوا كويسين للمعارضه انما غير صالحين للحكم
يا معلم انا سايب العربية فى البنزينة وادينى اهو فى البيت بدردش وقاعد مستنى مواصى واحد من اللى قدامى نايم فى العربية يتصل بيا لما البنزين يجى وحسبى الله ونعم الوكيل فى السبب دا احنا كده داخلين فى 3 سنين على الازمة دى ومفيش حل ويطلع وزير التموين يقولك اصل المنيا بعيدة عن مستودع مسترد ب 300 كيلو
هى ايام المخلوع المستودع كان قريب
انا بسبب ازمة البنزين الزفت دي مونت من بنزينة بتحط ميه عالبنزين وانا عارف انهم بيحطو ومونت من عندهم غصب عني لاني مكنش فيه غيرهم ووقفت في طابور كمان عشان اخد بنزين مغشوش
:plusone1:
عندك حق فعلا التبرير علي الجنبين فيه قرف و ساعات قلة ادب كمان و خناق و مش دايما ببقي مؤيد لأي كلام ضد الاخوان و خلاص او ضد مرسي بس لما بيبقي الانتقاد علي حق او حاجه ليه انه ينتقدها ببقي موافقه انما ان حد يتريق علي عله مرض اهل .. الخ مينفعش طبعا ... انا عن نفسي كان في فتره مؤيد لحمدين صباحي بقوه لحد ما لقيت ليه شوية اخطاء تدل انه عايز مجرد السلطه زيه زي غيره قولت لو رشح نفسه مش هنتخبه تاني و عندك ايمن نور اللي كدب كتير و اخرهم قصة الشاطر و نفيه للمقابله الاول و بعد كده اكتشافه ان الدنيا كلها عرفت و محاولة تبريره لموقفه و غيره و غيره احسن حاجه انك تقيم كل موقف علي حده و منه تجمع مجموع المواقف و تحدد من التقدير العام الشخص ده كويس ولا لأ ... قصة الهولوكوست انا مش عارفها كويس بس كنت بسمع ناس من الاحزاب الاسلاميه بيتريقوا عليها كتير مع اني مش فاهم القصه اصلا :bump1: ،،،، اما الاخوان تاريخهم زمان قبل الثوره انا معرفوش لأني مكنتش بهتم بالسياسه ده غير ان الدوله كانت مسمياهم المحظوره و بعداهم عن الاضواء و الناس اصلا
انا زيك بالظبط انتخبت صباحى وشايف انه دلوقت اتكشف على حقيقته..هو كراهيته للاخوان اكتر من حبه للمصلحه العامه..وحبه للكرسى اكبر من كراهيته للاخوان.
--
قصه الهولوكوست دى انه البرادعى فى فتره الاعلان الدستورى صرح للصحافه الفرنسيه انه يرفض التأسيسه ومشاركش لانهم ناس ضد الموضه ويحرموا الغناء
وصرح للصحافه الالمانية انهم ناس مش معترفين بالهولوكوست.
وصرح للصحافه الامريكيه ان الاخوان منقلبين على الديموقراطيه ويناشد الامريكيين الضغط على النظام.
--
تاريخ الاخوان يطول الكلام عنه بس باختصار احنا شفنا حقيقه احزاب المعارضه اللى كده وكده ايام مبارك وحقيقه الاخوان..الاخوان رغم انهم الاكثر تعرضا للاختراق والاعتقال ايام مبارك بس كانوا الاجهز لاى انتخابات بعد ثوره يناير لانهم الوحيدين اللى بيشتغلوا بجد مش بيمثلوا دور المعارضه لزوم ديكور الديموقراطيه..بعد الثورة محدش سمع عن احزاب الوفد والتجمع والناصرى والجو ده.
@4fun14
ده صباحي اللى حبه للكرسي اكتر من حبة للمصلحة العامة !!!! ياخي بتحط السم فى العسل :)
البرادعي هولوكوست وبتزيد وتعيد فيها طيب وبالنسبه لعصام العريان مش ذكرها مرتين فى حوار مع جريده امريكيه اعتقد واشنطن او النيويورك ؟!
وترجع تقول تبرير ياخي يعني خليك منصف واذكر الاتنين :D