ركنت عربيتي و غطيتها...حسبي الله ونعم الوكيل

**IronHead** · 09-06-2013 10:19 AM

المشاركة الأصلية كتبت بواسطة windofchange

حاسس ان اللي حاصل ده مفتعل علشان اسقاط الرئيس يوم 30/6

يا سيدى مفتعل من مين؟ من قيادات وزاره البترول اللى اتاخونت,ده حتى كل الوزارات الحيويه يقودها اخوان, اللى بيحصل ده اثبات حاله للفشل الذريع
وبعدين فرضا انها مفتعله ومش عارف يلمها يقعد فى بيته احسن ويبقى جدير ان الناس تنزل ضده يوم 30/6

**أحمد كمال** · 09-06-2013 10:35 AM

المشاركة الأصلية كتبت بواسطة p r i n c e

طب اشمعنى دلوقتي الكهربا بتقطع؟
ولا كهربتنا منورة غزة؟ هاااا؟

على فكرة استهلاك غزة اول عن اخر لا يتجاوز 1 على 1200 من استهلاك مصر

يعني لو نفترض ان فعلا كهربتنا منورة غزة و احنا مفيش سبب تاني للقطع و كهربتنا على قدنا احنا بس

كان زمان الكهرباء قطعت 1 على 1200 من اليوم بس

يعني 1.2 دقيقة يوميا !

كون الكهرباء بتقطع ساعات و ساعات ده معناه ان فيه مشكلة حقيقية

غزة ما تجيش قد مدينة مصرية صغيرة اساسا

و مفيهاش مصانع و لا احمال ثقيلة اساسا

**أحمد جودة** · 09-06-2013 10:51 AM

عندك حق والله فى كل كلمة

وانا قررت أجيب جراكن أملاها بنزين واركنها للطوارئ علشان زي مانتو شايفين الطوابير

والله بقالي 3 ايام المفروض امون وخايف العربية تشطب بنزين فى الطريق

ومش لاقي 92

هعمل كدة وربنا يسامحني أنا هخزن بنزين علشان الضرورة ومحدش يقولي هتزود الازمة

ماهي زايدة وفايضة زي مانتو شايفين

**dem0** · 09-06-2013 12:27 PM

نفس القصة بنشوف ناس سايبه عرابيتها وروحت بيوتها نامت ومحطات بترول قافلة

والسخريه فى الموضوع انى اعرف صاحبة محطة موبيل ركن فعلا عربيته فى المحطه وغطاها والمحطه مقفولة 80 % من الوقت لان مفيش حصه بتجيله واللى بيجيلى العربيات اللى واقفه اكتر من اللى نزل فى التناكات ويقولك رئيسك ملتحي الا تكبرون :(

المشاركة الأصلية كتبت بواسطة paul_walker

المبرراتيه اللى بتؤل الفلول هم اللى بيعملوا كده : ابسط رد هرده عليك لو مش قادر يوقف الناس دى عند حدها يسيبها لدكر هو اللى يوقفهم عن حدهم

+111111111111111

**dem0** · 09-06-2013 12:33 PM

المشاركة الأصلية كتبت بواسطة الجنرال

يا سلام !!

مش قادر يحكم يبقى يسيبها !!

ويجي اللى بعده مش قادر يحكم يبقى يسيبها

واللى بعده واللى بعده واللى بعده ونفضل نلف فى الدايرة الفاضية دي لحد ما القيامة تقوم !!

ولما يجي يتحرك ويشيل الناس الفاسدة دي يقولك اخونة الوزارة (في حد قال كده بالفعل فى الموضوع دلوقتى)

ما نفكر فى حاجة تانية .. وهو اننا تبقى جزء من الحل وتساعده على انه يحل ويحكم ... ومتبقاش جزء من المشكلة

معلش يعنى .. بس كام واحد فينا بيعمل ترشيد لاستهلاكه فى كل حاجة؟ (كهرباء وميه وبنزين ومواد غذائية)

كام واحد فينا بيحاول يعمل الى يقدر عليه علشان يوفر ويقلل من استهلاكه شوية؟

كام واحد فينا بيقفل التكييف او النور لما يخرج من الغرفة اللى كان فيها؟؟

كام واحد فينا لما بيحب يغسل عربيته بنفسه بيفتح الخرطوم ويرش العربية ويغرق الشارع كله؟؟ وكام واحد فينا بيستخدم جردل او اتنين بس !!

كام واحد فينا بينزل الشغل بعربيته الصبح لوحده؟؟ وكام واحد فينا بيحاول ياخد حد فى طريقه او يشوف حد ساكن جنبه ويروحوا الشغل مع بعض (انا شخصيا بعمل كده .. متفق مع واحد زميلي انا بنزل يوم بعربيتي وهو يوم بعربيته .. واحنا الاتنين وفرنا فى البنزين ومش حاسيين بالازمة لان مش بنمون كتير وفى نفس الوقت كل واحد بيرتاح يوم من السواقة)

مازلت بقول ان مرسي عليه مسئولية طبعا وانه لازم يتحرك بقوة اكتر من كده .. لكن متبصش لحتة واحدة وبص للصورة كلها وحاسب كل واحد على قد مسئوليته

ارشد فى الكهرباء ازاى يعني اذا كانت بتقطع طول الوقت ؟!

اللى مش اد المسؤلية يسيبها يا اخي

" كلكم راع وكلكم مسؤول عن رعيته "

لكن هو مش فاضى من الاخونه اهله وعيشرته بداية من الشاطر اللى عايز يتحكم فى مفاصل الاقتصاد

الى البرنس اللى مسكة محافظ وبتاع وسط البلد اللى بقى وزير

صاحب محل ملابس يبقى وزير وتقولى مش اخونه طاه

ومندوب مبيعات يبقى وزير ؟!

وهشام قطونيل رئيس وزراء ؟

وترجع تقولى احنا اللى بنقول بياخون طاه

اسكت يا لساني بقى

**eng.m7md.ali** · 09-06-2013 12:44 PM

المشاركة الأصلية كتبت بواسطة windofchange

حاسس ان اللي حاصل ده مفتعل علشان اسقاط الرئيس يوم 30/6

انتو تاني؟!

الكلام ده بيفكرني بابناء مبارك لما كانو بيقولو ان دي مؤامرة على سيادة الرئيس مبارك

امال راح فين كلام الانشا اللي كان بيقولو مرسي وسوف نضرب بقبضة من حديد والشعل الفاكس ده !!!!

كل حاجة تجيبو اللوم على الطرف المضاد مع انه مش في ايده يعمل كل اللي بيحصل ده وفي نفس الوقت عارفين ان اللي في ايده الحل هو سلة الفشل مرسي ورجالته وعشيرته

و متنكروش ان نسبة كبيرة جدا من مواردنا بتروح لغزة وبلوشي اكيد