مواليد التسعينات اخر الرجال المحترمين

**MOHAMED ABD EL SHAFY** · 24-08-2008 04:56 PM

عقد التسعينات وخصوصا اول العقد شهد اخر جيل (تقريبا) من السيارات المعمرة والتى تستطيع الصمود لعدة عقود قادمة وذلك لقوة بنيانها من صاج - عفشة - موتور - اكسسوارات مساعدة. حيث تستطيع الاستحداث والتجديد عليها
والاجيال اللاحقة اتجهت الشركات بعدها الى السيارات الاستهلاكية يعنى 5 الى 10 سنوات بالكتيير وبعدها الف شكر ارمى واشترى تانى
هذة وجه نظرى
والموضوع مفتوح للمشاركات

**dr_3eshoo** · 24-08-2008 06:38 PM

ماهو الموضوع بالظبط كالاتي الناس عاوزة ايه
يعني من وجه نظري كل العربيات بتعييش لان دي سلعه معمره مش سلعه استهلاكيه
مانت لو حسبتها كده كل 5 سنين بتحصل تتطورات في كل شئ العربيه الموباايل ده غير الكوبيوتر الي كل يومين فيه جديد التلاجات الغسلات
لو عملت عربيه معمره هتلاقي كالاتي
قضيت على العربيه الي انت منزلها جديد
العربيه المعمره الي انت عملتها اتباعت و ماحدش بيصرف عليها قطع غيار مش هتلاقي زبون لقطع الغيار الا بتوع الحوادث ربنا يعافينا و يعافيكوا ده غير انها بتتكهن و بتتقطع قطع غيار للدول الي زيينا
يبقى انا كاصاحب مصنع اعمل عربيه ارخص و اشيك و تكنولوجيا اعلى ابيع اكتر و اعرف انزل موديلات جديده زي مانا عاوز
بس حتى لو قعدت العربيه معاك مش هاتقل باصلاها الا لو قصرت معاها في الصيانه بس استحمل مصاريفها بعد 10 سنين استهلاك

**mohamed ibiza** · 24-08-2008 06:52 PM

انا معاك في الكلام ده فعلا بالذات من سنة 1990 لحد سنة 2000 كانت اخر العربيات المحترمة و مش في كل الماركات كمان حاجات حاجات و بدأوا بعد كده في انخفاض الجودة لتحقيق اكبر ربح من قطع الغيار يعني مثال بسيط جداااااااااااااااا و هقوله علي عربيتي عشان مبقاش بعيب في عربية تانية لو ان المثال ده موجود في كل العربيات دلوقتي مثلا تبص للابيزا 94 تلاقي فوانيسها الامامية الكبيرة ازاز تستحمل و متكسرش لو حد خبط عليها او ريح عليها او ما شابه ذلك انما بص علي ابيزا 2008 هتلاقي الفوانيس فيبر يعني لو عيل خبطلها بطوبه هتتكسر لا محالة او مثلا واحد بمفتاح كده مشي المفتاح عليها هتتجرح و تبوظ ده مثال بسيط لانخفاض الجودة و و ان يبقي في طلب كتير علي قطع الغيار

**Nile_Storm** · 24-08-2008 11:57 PM

معاك حق
و ده بدافع اقتصداي بحت

**KoDaK_Gti** · 25-08-2008 12:12 AM

كلامك مظبوط فعلا واعتقد من اجمل العربيات اللى اتعملت فى التسعينات
الهوندا سيفيك والتويوتا كورولا واللانسر كريستالة
مفيش عربيات هتتعمل زيهم تانى

**dr_abooody** · 25-08-2008 12:39 AM

معاك حق بالذات الهوندا سيفيك من اول موديل 90 لحد 95

عربية تحفة و شكلها جامد مووووووووت و اقل التعديلات فيها بتخلي منظرها جامد اويييي

**MOHAMED ABD EL SHAFY** · 25-08-2008 10:57 AM

مظبوط يا استاذ ابيزا لو بصيت على الفوانيس القديمة كمثال من ضمن امثلة التعميير للسيارة تلاقيها متركبة من 3 قطع او اكثر كالاتى :
1- جسم الفانوس
2- المرايا العاكسة الداخلية (البلورة)
3- وش الفانوس (زجاج)
4- اللمبة
لو حاجة باظت ممكن تستبدلها لوحدها بتكلفة اقل
كمثال حدث لى تصادم بسيط فانكسر وش الفانوس الزجاجى فقط فقمت بشراء اخر ب 25 جنية فقط بينما سعر الفانوس كلة يقترب من ال 300 جنية

فى الموديلات الحديثة الفانوس قطعة واحدة لو حدث به كسر يبقى تغيرة كلة وبتكلفة تتعدى ال 600 جنية حسب نوع السيارة ولا يجدى معة اى شئ غير التغيير علاوة على اصفرارة بعد فترة تشغيل بسبب الرمال والاتربة وتحتاج لتغييرة ايضا
قس على ذلك باقى الاجزاء بالسيارة فهى سياسة اعدام للسيارة بعد فترة زمنية وليست تعميير
بالضافة لقوة ومتانة الاساسيات التى تعيد بناء السيارة عليها
ولنا اكبر مثال فى السيارة البيجو التاكسى والتى تعمل من السبعينات الى الان ويتم تجديدها من مالكها كل فترة فندمت شركة بيجو على هذا الموديل المعمر واتجهت كباقى الشركات الى السيارة الاستهلاكية

**M!NA** · 25-08-2008 11:41 AM

بس فيه ملحوظة يا جماعة أنا حاسسها من ناحية استهلاك العربيات...

زمان كنا بنعمل ال100 ألف كيلو دول في 10 سنين... لكن دلوقتي ممكن تلاقي عربية موديل 2000 و عاملة 200 أو 250 ألف كيالو كمان

**mokhtar** · 26-08-2008 03:14 AM

فكرتونى بخبر كنت سمعته ان شركه تويوتا كان فيها حاله سخط وغضب عارم فى التمانينات ابان(حلوه ابان دى ) نزول العربيه الاسطوره كرسيدا لان العربيه دى تقريبا ماكانتش بتعطل ولا بتحتاج قطع الغيار الاستهلاكيه الا كل فين وفين وبالتالى ده كان عامل خسائر عاليه فى مبيعات قطع الغيار والصيانه اللى هى اساسا الفرخه اللى بتبيض ذهب للشركه ....حاجه عجيبه والله الناس من كتر ماشتغلوا بضمير طلعوا عربيه مافيهاش غلطه قامت جت على دماغهمانما عربيات الايام دى مش عارف ليه بحس انها ماينفعش تكمل 10 سنين ولسه حالتها كويسه.....ولا العربيه البيجو 504 اللى شغاله اجره معديه ال30 سنه وماشاء الله مفيش زى كده ....فيات 132 2000 روعه روعه ..مش ممكن الربيه دى اتعملت ازاى على ايامها واحد صاحبى عنده واحده 132 شكل ال2000 بس1600 موديل 78 يا خرااااابى على اللى بتعمله ايه ده عليها طلعه وقوه سحب رهيبه وناعمه جدا وصاحبى مطلع عينها وكل سواقته جرى وشد وحرق وبيبهدلها وما بتقولش ل وماتحس انها عربيه بقالها 30 سنه

..mokhtar..