امبارح كنت مسافر علي طريق القطامية العين السخنة , معظم الطريق كنت علي 180 وال rpm علي 4 و ما شاء الله الثبات ممتاز , لاني اساسا من النوع اللي بيخاف من السرعة لكن العربية كانت مشجعة , و جبت 200 علي احدي المنازل في الطريق و كان الثبات مازال ممتاز
عرض للطباعة
امبارح كنت مسافر علي طريق القطامية العين السخنة , معظم الطريق كنت علي 180 وال rpm علي 4 و ما شاء الله الثبات ممتاز , لاني اساسا من النوع اللي بيخاف من السرعة لكن العربية كانت مشجعة , و جبت 200 علي احدي المنازل في الطريق و كان الثبات مازال ممتاز
ما شاء الله ربنا يباركلك فيهاو يحفظهالك يارب
ما شاء الله
انا كنت فاكر ان عربيه بارتفاع القشقاى صعب يكون ثباتها كويس مع السرعات العاليه
دى حاجه كويسه تحسب للقشقاى
ربنا يحفظك
خلى بالك بلاش جرى كتيير محدش عارف ظروف الطريق ايه وربنا يحفظنا جميعا
ما شاء الله ربنا يستر طريقك وتوصل سالم
ربنا يباركلك فيها ويكفيك شر الطريق
الطريق أنا عارفة كويس جدأ مغري للجري بس نصيحة من اخوك احذر من الجري لان لاقدر الله الغلطة بموتة زي مابيقولة
ربنا يخليكو يا جماعة , أنا والله كمان مش بحب الجري اطلاقا أنا حتي بمشي دايما 100 120 في السفر عشان البنزين كمان :) , لكن امبارح كنت ماشي خلف صديق لي للعلم كان نيسان جوك
-لا تسرع فالموت أسرع :bye:
الله يباركلك فيها لكن اتقى الله فى نفسك وبلاش جرى جميل اوى 120 او 140 و 120 تستمع بالطريق اكتر وتشغل التكيف وتعيش
ربنا يحفظهالك .
أنا جربت اجري بعد صيانه ال ١٠٠٠
جبت آخر الدواسه جابت ١٣٠. :(
بصراحة ومن غير زعل
ومع cvt
أشك فى الكلام ده
ومش قادر أقتنع حتى لو كان على منزل وطبعا الكلام ده مقارنة بمواتير أكبر قوة مع سيارة أصغر حجم وفى طريق السخنة كمان
ياريت أى حد من عشاق ومالكى القشقاى يجرب حتى 180 كم وينقل التجربة بأمانة
أصل انا من عشاق السرعة
على فكره ال cvt بيجمع سرعات عاليه عادى بس هو مشكلته فى الانطلاق من الثبات لغايه 60 كيلو بيكون بطىء لكن بعد كده بيعيش ويجيب سرعات عاليه
وبالنسبه لصاحب الموضوع ربنا يكفيك شر طريقها ويهنيك بيها ويكفيك شر عيون الناس
وحاول ماتجريش كتير وربنا يستر طريقك
الاخ الكريم ALnadi
انا لست من هواة الجري لذلك اكون حريص جدا اثناء الاقتراب من السرعة الزائدة و مع ذلك العربية بتجيب 150 بكل سهولة و جابت معايا 160 اخر مرة جربت فيها بحذر شديد
و كان فيه اخ فاضل ابلغني انه جاب 180 علي طريق مصر اسكندرية الصحراوي من حوالي شهر
و انا ان شاء الله اوعدك ان اقوم بتجربة فعلية و احاول التصوير ايضا
تحياتي اليك
مهندسنا الجميل عمرو باشا
انت اكيد خطفت الدواسة و طلعت من سرعات 80 - 100 - 120 - 130 في وقت قصير جدا و بضغط مستمر بدون ازاحة قدمك من علي الدواسة و الضغط بنظام الدفعات ( رفع القدم ثم الضغط ثم الرفع ثم الضغط و هكذا حتي يحدث تجميع )
حاول تجرب مرة اخري بهذه الطريقة و ابقي قولنا ايه الاخبار
مفيش زعل ولا حاجة يا باشا أنا نفسي مكنتش مصدق , ومش حصدق أي حد بيقوللي الكلام ده , لكن غير الموتور و الحجم , ال aerodynamics بتاعة العربية ليها دور كبير جدا , يعني مثلا عربيتي السيريون اخف من الياريس و نفس الموتور , و العربية صاروخ في التسارع عليَّ سرعات قليلة لكن علي طريق سفر بتطلع عيني عشان أجيب 170 . لكن اليارس بتجيب 190 و ممكن أكتر كمان
عامة في فديو علي ال youtube ل qashqai ال 1600 ال 115 حصان جايبه 220 بس منوال طبعا
Nissan Qashqai 1.6 115hp Top Speed 5gears - YouTube
الفديو مش في مصر لكن صاحب العربية كاتب امكانياتها
ما شاء الله
بعد اخذ توصيات م حاتم
جابت معايا ١٨٠
تسارع جيد حتي ١٤٠
بس التسارع بطئ بعد ١٦٠
ممتاز لعربيه بالحجم ده
اعتقد لو بنزين ٩٥ حيكون افضل
تمام ماشاء الله .. ربنايباركلك فيها
العزل بتاعها عامل ايه ؟
واخبار استهلاك البنزين معاك ايه
بسم الله ماشاء الله على السيارة قبل اى شيى
انا لما قرات كلامك انت جبيت 200 فرحت جدا واتطمنت على السيارة لكن للاسف لما جيت اجرب لقيت العربية تقيلة جدا ومش بتجمع خالص والتكييف شغال واقصى سرعة جبتها 130
فممكن نعرفانت عامل كام كيلو بالسيارة وكنت حاطت بنزين 92 ولا 95 ومشغل التكييف ولا لا
الاخ الحبيب الاستاذ محيي
طبعا انا عارف ان السؤال موجه للاستاذ الفاضل صاحب الموضوع
بس عموما التكييف انا جربته من كام يوم وكان خانق فعلا العربية
بس بدون التكييف انا عموما جايب بيها 160 فلا تقلق حاول بس في البداية انك لا تحرق علي البنزين و هي ستنطلق معاك ان شاء الله وطبعا كان ببنزين 92
الاخ الفاضل الاستاذ محمد
كل سنة وحضرتك طيب
انا اول مرة احس بالخنقة دي بصراحة و كانت من يومين علي طريق الفيوم
وكان المهندس احمد عبدالله كمان اشتكي هنا من الموضوع ده منذ حوالي شهر
و انا لسه هبتدي ابحث في الموضوع ده بصراحة لاني شاكك ان يكون فيه مشكلة في البنزين و نوعيته
يعني عندي احساس ان البنزين مخلوط بين 90 و 92 و العربية كان واضح ان المفترض لها من الاصل 95 اوكتين فمن الممكن يكون ده عامل بيؤدي الي ما نحس به اثناء السحب
هشوف كده بعد تفويلة اخري ان شاء الله و ابقي انقل لكم التجربة
تحياتي اليك
علي فكرة يا جماعة انا كنت مشغل التكيف و كان معايا 4 في السيارة ، اكيد البنزين كان في حاجة عندك يا باشمهندس
هو ازاي 180 و rpm 4 !!!!
انا معايا مانوال ( اول دفعه نزلت مصر ) و عندي 120 rpm 4 !!!
و العربية بيفرق معاها البنزين يا جماعة بجـــد , و عن تجربة من بنزبنة محترمه لبنزينة تعبانة .
انا بحب اجري بيها كتير عموما و احب اقلقو اني شاديت مع واحد صحبي معاه كورولا 2009 اوتوماتيك
كنت طالع منه اكتر من نص العربية و كنا مشيين على 170 تقريباً
اولا ليا استفسار هوا ازاى 180 السرعه وكنت جايب ار بم ام 4 بس
هوا وزن العربيه دى فاضيه تقريبا كام يا جماعه