حد يعرف فندق البارون اللى فى القاهرة

**freeman207** · 09-06-2013 01:18 PM

السلام عليكم ورحمة الله وبركاته

طبعا متقل عليكوا كل مرة
ياريت حد يفيدنى فين الفندق ده واروحله ازاى من اسماعيلية الصحراوى
وهل فيه باركينج امان اقدر اسيب فى العربية وكده اصل بصراححة خايف اوووووووووى
ورئيكوا ايه فى الفندق والخدمة بتاعتوا

**dem0** · 09-06-2013 01:22 PM

Welcome to Baron Hotels & Resorts-Egypt

**freeman207** · 09-06-2013 01:33 PM

المشاركة الأصلية كتبت بواسطة dem0

welcome to baron hotels & resorts-egypt

مشكور لردك بس كنت عايز اعرف بقية التفاصيل ربنا يخليك

**beshomilan** · 09-06-2013 01:56 PM

هو متفرع من صلاح سالم وانت رايح فى اتجاه المطار
هتلاقى قصر البارون هتدخل بعده يمين هتلاقى فندق البارون فوشك علطول
بالنسبه للركنات مش غارف ..انا بشوف الفندق كل يوم وانا رايح الشغل

**medo18** · 09-06-2013 02:10 PM

بص يا سيدي اسهل حاجة اطلع علي طريق السويس من الشروق و كمله لحد الاخر خالص و لف ال اليو ترن من فوق النفق و خش اول يمين هتلايه صغير كده هتلائي الفندق فوشك

**dem0** · 09-06-2013 02:10 PM

المشاركة الأصلية كتبت بواسطة freeman207

مشكور لردك بس كنت عايز اعرف بقية التفاصيل ربنا يخليك

المنطقة دي منطقة كويسه واكيد كل فندق بيكون ادامه باركن داخل الفندق نفسه وفى سايس

لكن والله البارون ده مجربتوش قبل كدا

لكن اكييييييييييييد عنده باركينج للعملاء

**Ahmed_Ramadan** · 09-06-2013 02:42 PM

المشاركة الأصلية كتبت بواسطة medo18

بص يا سيدي اسهل حاجة اطلع علي طريق السويس من الشروق و كمله لحد الاخر خالص و لف ال اليو ترن من فوق النفق و خش اول يمين هتلايه صغير كده هتلائي الفندق فوشك

+11111111

أسهل وصفة فعلا

**mhf_77** · 09-06-2013 02:59 PM

المشاركة الأصلية كتبت بواسطة freeman207

السلام عليكم ورحمة الله وبركاته

طبعا متقل عليكما كل مرة
ياريت حد يفيدنى فين الفندق ده واروحله ازاى من اسماعيلية الصحراوى
وهل فيه باركينج امان اقدر اسيب فى العربية وكده اصل بصراححة خايف اوووووووووى
ورئيكوا ايه فى الفندق والخدمة بتاعتوا

بص ياسيدى وركز ومتوهش منى فى الوصف ده لأنه م الاخر بما انك هتيجى من ناحيتى - اسماعيليه - ولو ان طريق السويس اسهل - ماعلينا
انت هتخش عادى من طريق اسماعيليه فطريق المطار فصلاح سالم وهتفضل ماسكه وهيقبلك كوبرى الجلاء اطلعه وبعد ماتنزله باقل من كيلو هتلاقى القصر على شمالك الناحيه التانيه فى صلاح سالم المتجه للى راجع على المطار وهتشوف جزء من الفندق من وراه هتكمل عادى وبعد 400/500 متر هتلاقى نفق العروبه متنزلوش وخد يمينه فوق هتلاقى خط الترام على شمالك - لف مع اول فتحه شمال ( اقطع خط الترام ) وارجع مع اللى راجع ف المرغنى وهتلاقى نفسك قطعت صلاح سالم فوق ( تحت نفق العروبه اللى منزلتوش) وامسك شمالك بعد كده وبعد 500/600 متر هتلاقى شارع البارون شمالك خش فيه شمال ومع اول شمال خش تانى هتلاقى نفسك ضهر القصر على يمينك و الفندق على شمالك

**mhf_77** · 09-06-2013 03:13 PM

المشاركة الأصلية كتبت بواسطة mhf_77

بص ياسيدى وركز ومتوهش منى فى الوصف ده لأنه م الاخر بما انك هتيجى من ناحيتى - اسماعيليه - ولو ان طريق السويس اسهل - ماعلينا
انت هتخش عادى من طريق اسماعيليه فطريق المطار فصلاح سالم وهتفضل ماسكه وهيقبلك كوبرى الجلاء اطلعه وبعد ماتنزله باقل من كيلو هتلاقى القصر على شمالك الناحيه التانيه فى صلاح سالم المتجه للى راجع على المطار وهتشوف جزء من الفندق من وراه هتكمل عادى وبعد 400/500 متر هتلاقى نفق العروبه متنزلوش وخد يمينه فوق هتلاقى خط الترام على شمالك - لف مع اول فتحه شمال ( اقطع خط الترام ) وارجع مع اللى راجع ف المرغنى وهتلاقى نفسك قطعت صلاح سالم فوق ( تحت نفق العروبه اللى منزلتوش) وامسك شمالك بعد كده وبعد 500/600 متر هتلاقى كوبرى انزل من تحته شمال وارجع هتلاقى شارع البارون يمينك خش فيه ومع اول شمال خش تانى هتلاقى نفسك ضهر القصر على يمينك و الفندق على شمالك

انا اسف للتعديل عشان نسيت فى الجزء الاخير اتجاه الشوارع

**freeman207** · 09-06-2013 03:18 PM

المشاركة الأصلية كتبت بواسطة beshomilan

هو متفرع من صلاح سالم وانت رايح فى اتجاه المطار
هتلاقى قصر البارون هتدخل بعده يمين هتلاقى فندق البارون فوشك علطول
بالنسبه للركنات مش غارف ..انا بشوف الفندق كل يوم وانا رايح الشغل

مشكور على ردك
ياريت حد يتاكد من موضوع الركنات احسن خايف اوى