شكرا ... China

**Mohamed-Saoud** · 24-08-2008 06:23 PM

زي ما كل واحد متابع أو "غير متابع" للرياضة أتفرج علي بكين 2008 أنا أتفرجت و لقيت أنسب حاجة تتقال بعد حفل الختام "شكرا لك China" أستمتعنا بقدر يكفي و زيادة للاربع سنين القادمة حتي لندن 2012

دلوقتي أنا عايز كل واحد منكم يشاركني التقدير و الاعجاب بالدورة الاولمبية اللي لسه خلصانة اليوم و يكتب رايه في اللي حصل في بكين ده من وجه نظرة الخاصة و بكل حرية.......

Simply ...Thank you China Thank you Beijing 2008

**Mohamed-Saoud** · 26-08-2008 01:00 AM

لحد ما حد يشارك عاوز أفكركوا بأن الأوليمبياد الخاصة بالمعاقين (ربنا يشفيهم كلهم) هتبتدي أول أسبوع من سبتمبر القادم ان شاء الله واللي الواحد بياخد عظة كبيرة من مشاهدتها فعلا.

**mokhtar** · 26-08-2008 04:19 AM

ما اقدرش اقول غير ان خيبتنا تقيله من هنا للصبح والى مزيد من التقدم والازدهار

..mokhtar..

**meza** · 26-08-2008 04:54 AM

الصين ببساطة يا حضرات .. هى العملاق القادم اللى هيهيمن على العالم.

**Goodle** · 26-08-2008 08:08 PM

زمان كانوا بيقولوا إن خيبة الأمل راكبة جمل
بس واضح إن البعثة المصرية من الرياضيين لاحظوا إن الجمل جتله نقطة منهم

وعظيمة يا صفط.. يا أرض اللبن
يا مهد الزبادي .. وقوالب الجبن

**Dr Ahmed** · 27-08-2008 02:29 AM

معلش أصل أنا مش من هنا
هى مصر حصلت على كام ميدالية وترتيبها كام من الآخر مش من الأول

**meza** · 27-08-2008 02:42 AM

المشاركة الأصلية كتبت بواسطة Dr Ahmed

معلش أصل أنا مش من هنا
هى مصر حصلت على كام ميدالية وترتيبها كام من الآخر مش من الأول

صدقنى ما أنا مزعلك يا دكتور أحمد ...... عاوز تعرف مصر أخدت كام ميدالية ؟!!!

أخدنا بعون الله ميدالية واحدة برونزية فقط لاغير من نصيب بطلنا الأولمبى هشام مصباح فى الجودو .. خمسة و خميسة فى عين العدو

أما ترتيبنا فبرضه مش هزعلك ..... إحنا طلعنا المركز ال 81 مكرر بعون الله ..... يعنى المركز الأخير

خيبيتنا متسجلة هنا:
http://results.beijing2008.cn/WRM/EN...html#GL0000000

**Dr Ahmed** · 27-08-2008 02:49 AM

المركز الأخير؟
بالذمة؟
أنا كنا بسأل عن ترتيبنا من الآخر مش من الأول ، يعنى طلعنا الأول من ورا
من حقنا نفرح ونفخر ... ترتيبنا الأول من ورا!!!

مافيش أسوأ من صفر المونديال الشهير إلا المركز الأخير فى الأولمبياد
بس للأسف هى دى الحقيقة اللى مش راضيين (هم مش إحنا) يعترفوا بيها... إن دا مركزنا تقريبا فى كل حاجة ...
وحسبى الله ونعم الوكيل

**Dr Ahmed** · 27-08-2008 02:55 AM

أنا شفت اللينك وشكرا ليك صديقى
لكن إحنا مش لوحدنا فى الخيبة
معانا إسرائيل وأفغانستان وفنزويلا وتوجو ومولدوفا وموريشيوس

كده أنا مش زعلان وعموما لكل حمار كبوة
وياريت نبطل نبعت رياضيين فى المسابقات دى لحد ما يبقى عندنا رياضة علشان الفضايح كترت وملت وفاضت وغطت وغرقتنا واتخنقنا!!!!

**meza** · 27-08-2008 03:02 AM

لأ ما هو حضرتك لو متابع يا دكتور أحمد ... هتعرف إن الريس أمر بتشكيل لجنة و اللجنة هتكون لجنة فرعية لدراسة سبب النتائج المتدنية للبعثة المصرية ....أنا بشك إن السبب هو الأكل . أكيد كانوا حاطينلنا منوم فى الأكل.

متقلقش .. إحنا بنستنى المصيبة تحصل و بعديها نحقق فى الموضوع ... عمرنا ما فكرنا ندرس وسائل الأمان فى العبارات إلا لما 1000 واحد راحوا مننا ... و لا درسنا وضعنا بالنسبة لإستضافة المونديال إلا لما أخدنا الصفر على قفانا.

اللى قاهرنى إن إحنا بنرجع لورا كل مرة .. و لما رجعلنا الأمل فى أثينا .. دمرناه على طول ملحقناش يا عينى نفرح. :(

مبروك علينا المركز الأول !!!

لكن إحنا مش لوحدنا فى الخيبة
معانا إسرائيل وأفغانستان وفنزويلا وتوجو ومولدوفا وموريشيوس

و الله عار علينا نتقارن بدول زى دى .. الدول دى متعرفش حاجة عن الرياضة من الأساس.

الموضوع: شكرا ... China

LinkBack

أدوات الموضوع

عرض

شكرا ... China - انشر الموضوع فى :

-

-

-

-

-

المواضيع المتشابهه

مفاجأة رائعة من شركة الأمل . تحقق بها الأمل . شكرا .. شكرا .. ثم شكرا .

الحمد لله استلمت اللوجان ورخصت .. تقييم صغير + شكرا رينو+ شكرا داتشيا

الحمد لله اولا واخيرا ........ ثم شكرا رينو ..... شكرا مصر للتأمين

شكرا توكيل رينو العبور- شكرا م/أحمد

New Car From New Maker In China

الكلمات الدلالية لهذا الموضوع

المفضلات

المفضلات

ضوابط المشاركة