مواصلات من وسط البلد إلى المعادى و منها إلى 6 أكتوبر

السلام عليكم و رحمه الله و بركاته

أنا عندى مقابلتين بكرة و مش عارف المواصلات ليهم ياريت تساعدونى

أنا ساكن فى وسط البلد و جنبى مترو محمد نجيب و مترو السيدة زينب

المقابلة الأولى الساعة 10 فى طريق مصر حلوان بالمعادى فى linkdotnet فالمشوار دة يتراحلة أزاى ؟؟

و بعدها المقابلة الثانية الساعة 12 عاوز أطلع من طريق مصر حلوان على القرية الذكية ب 6 أكتوبر اللى عند كارفور فالمواصلات هتكون أية ؟؟ و المدة قد أية من أول مطلع من المعادى لحد موصل أكتوبر تاخد قد أية وقت

ياريت تساعدونى منتظر ردودكم

لو المقابله الاولى اخدت ساعه و هتمشى ١١ بالظبط برضه مستحيل توصل القريه الذكيه قبل ١٢
من وسط البلد خد المترو من السيده زينب و انزل المعادى و خد تاكسى
بعد ما تخلص هتكون عايز تركب حاجه رايحه اكتوبر من المحور ... اسرع حاجه تاخد المترو من المعادى و تغير فى التحرير و تنزل الدقى او البحوث و من هناك تشوف حاجه (غالبا تاكسي) لميدان لبنان و من هناك اى حاجه لاكتوبر او زايد و تنزل اخر المحور و تنزل السلم تركب للقريه الذكيه .... بس بصراحه مش هتلحق ... كلم حد فيهم اجل المعاد ليوم تانى