-
اتياش الميزان
السلام عليكم
امبارح كنت بغير التيل الامامي وانا بحب اغير التيل عند العفشجي عشان يبصلي بالمره على العفشه
غير التيل وبص على العفشه الي كله الحمد لله تمام من مساعدين وعلبه دركسيون ومقصات وجلب المقصات وبعدين قالي اتياش الميزان عندك خفيفه شويه قلت له يعني اغيرها ضايعه قالي لاءه لسه بدري عليها بس هي خفت شويه
المهم قلت اسأل عليهم لو سعرهم كويس اغيرهم وخلاص اتصلت باولاد جابر قالي مش موجوده وقالي ممكن تيجي كام اسبوع او 10 ايام
اتصلت بالعالميه قالي موجودين الواحد ب 200 جنيه :B4_564:
بقول للعفشجي قالي ياعم بيع العربيه دي وهاتلك لانسر هههه اللانسر مفهاش تيش ميزان زي اللي عندنا ده فيها كوتشه بيقولي ب 7 جنيه ههههههه والاصلي استيراد 50 اخرها
حتى الطنابير ب 250 جنيه هههههههههههه واحنا عندنا ب 1050 حاجه تقرف بجد
غلطه وندمان عليها الواحد بعد كده يجيب اي عربيه الشعب المصري بيحبها :aloha:
المهم حد غير الاتياش دي قبل كده وهل سعرها كده ولا العالميه بيستهبل ومفيش منها انواع تانيه
-
فقدت القدرة على الاندهاش
ربنا يعينك
-
بس الشهاده لله العفشجي بيقولي العربيه دي اعلى من اللانسر بس
-
اسمه مسمار الميزان في التوكيل ب 210 بالضريبة
والعالمية كان 190 ورفع 10 جنيه بقي فعلا ب 200 جندي للمسمار الواحد
من شهر كده التوكيل قالي محتاج تغيير اليمين الصيانة الجايه
هو بس بيعمل دبة خفيفة كده مع النقر
-
هوايه حكايه الجمب اليمين ده انا برده عندي الحمب اليمين هو اللي بيعمل صوت بس العفشجي قالي هو كويس لان الصوت بيطلع احيانا اه واحيانا لاءه فقالي اصبر عليه
-
المشكلة ان الطرق في مصر مبقتش معمولة للعربيات الملاكي و بتوع العفشة المستفيدين
القطع اللي زي دي غالبا" بتكون غالية نتيجة انها مش بتتطلب كتيير
حسبي الله و نعم الوكيل
-
-
Content Relevant URLs by
vBSEO 3.6.0 PL2