الموضوع: سؤال للمحاميين وذوي الخبرة : لو المستأجر عقدو خلص هل من حق المالك فتح الشقة وطرده !!

المشاركة الأصلية كتبت بواسطة مواطن مصرى

البنود دى غير قانونية يا فندم ..

المحكمة وحدها هى اللى من حقها تعمل الحجز على المنقولات و مفيش حاجه اسمها المالك ينهى العقد فوراً بدون قيد او شرط .. و كمان يعنى لو حضرتك رايح تأجر شقه وفقا للشروط دى هل هترضى ان المالك يبقى من حقه فى اى وقت يخبط عليك و يقولك قوم اطلع بره عايز ملكى ؟! ..

يا اخى الفاضل فتح العين و الحجز التحفظى دا اجراء صحيح (( طالما تم ذكره فى العقد )) و من حق المالك فعل ذلك دون اخذ حكم مسبق طالما ذكرت فى العقد انه من حقك اجراء الحجز التحفظى لان ( العقد هو شريعه المتعاقدين )
و لو مش مكتوب البند هذا و انت فتحت الشقه و عبثت بها فانه من حقه ان يعمل فيك محضر
ولكن بهذا البند فانت محمى من طائه القانون .

و صراحه هناك من المستاجرين من يرضى بذلك و هناك من يعترض على هذه البنود
ولكن فى ظل الوضع الراهن يجب اخذ جميع الاحتياطات منعا للتلاعب

المشاركة الأصلية كتبت بواسطة a.saad

من حقه يكتب كدة
فيه بنود ممكن تغيرها فى عقود بارادة منفردة لاحد الطرفين

اوافقك على الراى لان العقد هو شريعه المتعاقدين ,,

المشاركة الأصلية كتبت بواسطة y a r i s

حبايب قلبي جميعاً تسلمولي وواللهي ؤثريتم معلوماتنا
انا قاعد امخ مخ في عقد ايجار إن شاء الله هطرحوا للعامة بحيث كل ماعليكم تطبعوه بس عاوز احط فيه جميع البنود الي متخطرش على العفريت الازرق ذات نفسوا بحيث المستاجر لمن يجي يأجر يحترم نفسوا واول كل شهر يدفع الاجرة وسلام عليكم عليكم السلام اما الوضع ده بصراحة. خراب بيوت ووقف حاال .


وتحياتي ليكم جميعاً يا غاليين على قلبي :)

ياريت و نحن فى الانتظار و جازاك اللة خيرا بس المهم ادرسة كويس و ممكن نطرحة للنقاش حتى نثرية ببنود قوية
انا لى استفسار كان فية محامى قال لى من فترة انة لو فية بنود صعبة فى العقد القانون موش يباخذ بها القاضى و بتسمى تقريبا بنود اجحافية على ماذكر انة قال بمعنى مثلا لو قلت انة المستاجر لو استمر يوم بعد نهاية العقد يعتبر ايجار اليوم 1000 جنية دة مثلا اجحاف لانة رقم يفوق الطبيعى فلا ينظر لاى بنود مثل هذة و بطبيعة الحال انا كمالك عاوز ائمن نفسى بعد نهاية العقد باى طريقة حتى لا يتنصب على فقلت للمحامى اليس العقد شريعة المتعاقدين فرد و قال لى و لكن ليس فى كل الاحوال و البنود التى بها اجحاف للطرف الاخر
انا حبيت اقول هذة النقطة علشان لو و ضعت شروط ممكن نشعر معها بالامان فى الايجار هل سوف يعتد بها امام القضاء
ياريت الذى عندة خبرة او معلومة يقول عل راى المحامى دة صح و لا خطا
تحياتى

انا من راي تمشي بنفس الاسلوب .......... تروح الشقه وتقعد فيها بلطجه ومعاك اتنين اصحابك وكلين شربين نايمين في الشقه ولما هيروح القسم هوه اللي هيضرب لان العقد اللي معاه منتهي يعني ملوش لازمه كانه ورقه بيضه ...