الموضوع: نهايه الماتور 1500 الاسطورة على يد ميكانيكى اهوج

ماتورى 1500 الحبيب وصديقى المقرب 110 حصان
هادى الصوت وحاد الطباع بعد عشرة 278 الف كيلو ولم يكل او يمل ومازل يعطى على طرقات مصرنا الحبيبه
قضينا ايام حلوة وصعبه مع بعض
المهم قلت
الماتور بقاله 35 الف معملتش له صيانه كاتينه وبليه وشداد
واشتريت له قطع غيار منتقاه بعنايه---اصله عزيز عليا--
ورحت للميكانيكى
وطبعا فتح كبوت عربيتى العزيزه وبدأ بفك سير الكاتينه والبليه والشداد
وبعد التركيب
هوة قالى دور---وياليته ما قالها-
بدور سمعت صوت نقر جامد
بطلت
بقوله فيه ايه
قال ولا حاجه الكاتينه ماخرة
طب الصوت دة ايه
قال سوست الصبابات ضعيفه
عملت اهبل----بعشم نفسى انه محصلش حاجه--
المهم رجع ظبط
وقفل
كنت مستعجل
اخدت العربيه ومشيت
العربيه زى الجرار
تانى يوم رجعت
هات قواعد
هات
بوجيهات
هات سلوك
وانا عارف انها صبابات---بس بحاول ابعد الفكرة--مش قادر اتخيل ان ماتورى بينزف من جواة واتجرح فى صبابه
المهم
كلمت بعض الاصدقاء ذو الخبرة الرفيعه فى قسم دايو
كلمت الاستاذ طارق اولا واعطى بعض النصائح
وبعدها كلمت الاستاذ ممدوح واعطى بعض النصائح ومن ضمنها كبس المكنه
طلعت على البنزينه وعملت كبس
يا نهار ابيض الماتور فيه غرفه 50 فى الميه
ضاع الماتور العزيز فى ضربه صباب
ودى كانت نهايه الماتور العملاق 1500 سى سى
وانا الان فى حيرة من امرى---عمليه جراحيه عاجله---ام ادفنه--واستبدله باخ تؤام -او اخوة الاكبر 1600 سى سى
ومع كل هذا ما زالت السيارة تتحرك وتؤدى واجبها وهى تدمى من الداخل

المشاركة الأصلية كتبت بواسطة eleanor

مش عارف اقولك ايه بس ربنا يكون فى عونك
واكيد الموتور ده خد عين جامده بس الحمد لله انت بخير
وماتزعلش نفسك ومن وجهة نظرى غيره احسن بدل ماتف وتركب ومايرجعش زى ماكان ده طبعا فى حاله ان الموتور اللى هاتجيبه يكون سعره حنين
وربنا يوفقك لما هو فيه خير لك
وتمنياتى بالشفاء العجل لعربيتك

انا مش زعلان
بس هوة كان داخل غرفه العمليات صحته حلوة
طلع ميت
انا اصلا لاغى فكرة الاصلاح
ما فيش احسن من شغل المصنع
السعر انا راجل علاقاتى قويه وبجيب بسعر حلو الحمد لله