الايموبلايزر

**FOREX EAGLE** · 09-06-2013 09:38 PM

سلام عليكم
انا معايا النترا 2013 فولي لودد فيها ايموبلايزر ...كنت عايز اعرف لو المفتاح بعد عند العربيه مده اد ايه العربيه هتبطل وتفصل ؟؟؟
* ايضا انا عامل تقريبا 750 كيلو حتي الان ومزودتش ميه العربيه في الاربه هل لازم ازودها ولا الميه الخضراء الي فيها مينفعش ازودها بميه مفلتره ؟
* استهلاك العربيه 9.6 طرق داخليه والتكييف شغال دايما دا معدل عالي ولا كويس ؟
* مؤشر حراره العربيه دايما عند النص 5 شرطه ومش بينزل عن كده دايما حتي لو الجو برد دا طبيعي ؟

شكرا ليكم

**windofchange** · 09-06-2013 09:58 PM

الايموبلايزر معناه انها متدرش بمفتاح منسوخ لازم مفتاحها الاصلي اللي جواه الفحمايه(لغة الصنايعيه) اللي متكوده علي كنترول العربية

**ehab98** · 09-06-2013 10:35 PM

خمس شرط دة مش النص دة تحت النص بشرطة

و دي درجة الحرارة العادية بتاعت العربية

**baherhassan30** · 09-06-2013 10:52 PM

اولا مبروك عليك العربية الجديدة .. ربنا يكفيك شرها ويطعمك خيرها
ثانيا موضوع الحرارة والبنزين طبيعي جدااا
والمياة زودها مياة خضرا نوع كويس .. لما تنقص بسس
امال موضوع الامبولايز
لو عربيتك بصمة .. والعربية شغالة ممكن تبعد عن المفتاح عادي جدااااا وممكن تسبيه في البيت وتروح مشوار كمان .. بس لو بطلت العربية مش هتشتغل تاني .. لازم يكون المفتاح معاك وانت بتشغل العربية

**esam_ayad** · 09-06-2013 10:54 PM

ياباشا المفروض انت اللي تقولنا المسافه اللي العربيه بتفصل فيها لما الريموت يكون بعيد عن العربيه.
بالنسبه للميه : لما تروح تعمل صيانة الألف قولهم علي أي حاجه في نفسك وهم يظبطوها.
بالنسبه للإستهلاك : فول العربيه علي الأخر وشوف حطيت كام لتر وصفر عداد الكيلومرات وشوف هاتعمل قد أيه واحسب الكيلومترات علي اللترات اللي حطتها.

**hossamalsadik** · 09-06-2013 11:02 PM

المشاركة الأصلية كتبت بواسطة esam_ayad

ياباشا المفروض انت اللي تقولنا المسافه اللي العربيه بتفصل فيها لما الريموت يكون بعيد عن العربيه.
بالنسبه للميه : لما تروح تعمل صيانة الألف قولهم علي أي حاجه في نفسك وهم يظبطوها.
بالنسبه للإستهلاك : فول العربيه علي الأخر وشوف حطيت كام لتر وصفر عداد الكيلومرات وشوف هاتعمل قد أيه واحسب الكيلومترات علي اللترات اللي حطتها.

**baherhassan30** · 10-06-2013 07:32 AM

المشاركة الأصلية كتبت بواسطة mody_elmasry

مية ايه يا باشا اللي بتتزود والعبيه جديده يا باشا الميه مبتنقصش الا اذا كان في مشكله ديه دورة تبريد مغلقه رايح جاي من القربه للرادياتير للكوعه ثيرموستات يفتح يودي للموتور وترجع تاني وهكذا ديه مش 128 عشان تزودها ميه مع احترامي الشديد لاصحاب ال128

كنت عاوز اقول كده ..
العربيات جديدة كل فترة تكشف بس على المياة .. ونادرا لما تلاقيها قليلة