أنا تعبت وزهقت واتخنقت من الكـيــا العصفورة

**Zekairy** · 02-07-2007 04:41 PM

عندي كيا عصفورة موديل 99
وبالرغم من إن العربية فوق الممتازة واقتصادية في البزين جدا وأصيلة جدا
لكن ظهر فيها عيب غريب جدا
العربية بتبطّل مني وهي ماشية
على أي سرعة
حتى لو على الخامس مجرد ماشيل رجلي من على البنزين تـبـطّــل
رحت لمكانيكية كتير
كل واحد يقعد يلعب شوية في الاسبراتير أو ينضف الكاربيراتير ويقولي : خلاص يا باشا .....انسى
أول مامشي من عنده العربية تبطل تاني
واحد صاحبي كان عنده كيا عصفورة زي بتاعتي باعها عشان العيب ده !
بس أنا متمسك بالعربية
لكن زهقت
أعمل ايه ؟

على العموم أنا احتمال أوديها مركز صيانة كيا اللي في بنزينة موبيل في العباسية
حد يعرف المركز ده ؟ ولا في مراكز صيانة أحسن ؟
ولا ابيعها ؟!

**hazem_khidr** · 02-07-2007 05:17 PM

الاول فك تانك البنزين و نضفه وديه مشحمه يتغسل هناك كويس و بعدين فك الكرابيراتير و نضفه و غير البيكات و هات طقم اصلاح ليه و غير فلتر البنزين و ان شاء الله حتبقي كويسه

**sab3aawy** · 02-07-2007 05:24 PM

الموضوع ده له اكثر من احتمال:

اللى انت بتوصفه ده شكله فى الأغلب الأعم انسداد فى بيك السلانسيه، بس عموما انا اقترح الآتى

قبل ما تلعب فى حاجة إتأكد من وجود مسمار ضبط سرعة السلانسيه بالكاربراتير فى مكانه وان ارتفاعه مناسب، لو موجود أفعل الآتى:

1- اول حاجة تبص عليها فلتر البنزين
2-لو غيرت فلتر البنزين ومتحلتش المشكلة غير بيك السلانسيه
3-لو غيرت فلتر البنزين والمشكلة اتحلت ورجعت تانى بعد فترة، او غيرت بيك السلانسية واتحلت تانى ورجعت بعد فترة فك تانك البنزين واغسله
4-لو غيرت فلتر البنزين او البيك او كلاهما واتحلت المشكلة استعمل منظف دورة وقود (جانك او سناب) مرة واحدة على تفويلة بنزين ولا تكررها
5-لو غيرت البيك والفلتر وغسلت التانك والمشكلة متحلتش فك الكاربراتير وغيرله طقم بيكات وخلى الميكانيكى يراجعلك ابرة العوامة

وان شأء الله هتتظبط معاك

**Zekairy** · 02-07-2007 05:24 PM

أفك تنك البنزين ؟!!
ازاي وفين ؟

أنا فكيت الكاربيراتير ونضفته مرتين وغيرت فلتر البنزين وظبت التكيهات

بس البيكات دي اللي هي ايه ؟
وهل البيكات حاجة وبيك السلانسيه حاجة تانية ؟ وايه الفرق ؟

**hazem_khidr** · 02-07-2007 05:29 PM

التانك تخلي الميكانيكي يفكه . و تاخده في تاكسي لاي مشحمه و تغسله هناك و تسيبه لحد ما ينشف خالص.
البيكات هيا اللي بدخل البنزين للموتور من خلال الكرابيراتير و الميكانيكي عارفها كويس

**Abdallah** · 02-07-2007 05:29 PM

البيكات دى بتبقى زى صمامات فى الكارباتير عشان تدخل هواء ولما بتتسد بتعمل موضوع التبطيل دة, وحلها انك تفك البيك وتسلكه بسلك شعر مثلا وتركبه تانى..
الموضوع دة كان عندى فى ال 124 واللادا وكان البيك على شمال الكاربراتير تحت العمة وشكله زى مسمار عادة بس فى نصه خرم صغير.

**sab3aawy** · 02-07-2007 05:36 PM

طالما ان المشكلة متحلتش معاك لما غيرت الفلتر وغسلت الكابراتير يبقى الإحتمال الأخير هو البيكات

البيكاتnozzles هى المسارات الضيقة التى تقوم بترذيذ atomization الوقود لكى يختلط بالهواء وهى عبارة عن مجموعة من الانابيب المعدينة الصغيرة(اقل من طول عقلة الإصبع وقطرها الخارجى يتراوح بين 5 مللى و 1 سم) واقطارها الداخلية تقاس بالميكرون( 100 ميكرون الى 200 ميكرون) (الميكرون يساوى 1 على 1000 من المللى متر، يعنى ال100 ميكرون دول واحد على عشرة من المللى، يادوب تلمحه بعينك)، وجميع البيكات تكون مركبة داخل الكابراتير، ويتراوح عددها من 4 الى 6 فى الكاربراتير حسب نوعه وهى ليست غالية( طقم بيكات الفيات ال 5 بيكات كان كله ب12 جنيه، واعتقد ان الكورى مش هايكون اغلى كتير)

اقترح عليك تغيير بيك السلانسيه اولا، مع فك وغسيل التانك(عند أى ميكانيكى) ، لو لم تحل المشكلة فعليك بطقم بيكات كامل