السلام عليكم....كنت عاوز اعرف اروح شرم ازاى من المعادى؟و الطريق امان ولا لا؟ان شاء الله هسافر الصبح بدرى.....فى اماكن للاستراحة؟واخبار محطات البنزين ايه ؟و الماروتى جديده تستحمل المشوار؟
عرض للطباعة
السلام عليكم....كنت عاوز اعرف اروح شرم ازاى من المعادى؟و الطريق امان ولا لا؟ان شاء الله هسافر الصبح بدرى.....فى اماكن للاستراحة؟واخبار محطات البنزين ايه ؟و الماروتى جديده تستحمل المشوار؟
هتطلع دائرى و تنزل طريق السويس و طوالى حوالى ٨٥ كيلو هتلاقى كمين فى بوابات كبيره تعديه و تلف و ترجع تخش يمين حوالى ١٠-١٥ كيلو هتوصل للنفق
مون و ريح عند النفق و عدى وبعد ما تطلع تمشى كيلو و تخش يمين طريق شرم هتمشى شويه و تعدى كمين عيون موسى و بعديها راس سدر ... لو بنزينك قل مون فى سدر و لو مفيش هتكمل بعد سدر بحاجه بسيطه هتلاقى موبيل على الشمال عادة بيكون فيها ان شاء الله بعد موبيل بشويه هتبدا الملفات فخلى بالك و اخرها ابوزنيمه و ابو رديس و بعدهم ب ١٠٠ كيلو الطور ... فى وطنيه فى اخر الطور مون و لقيت و بعدها ب ١٠٠ كيلو شرم حاول تمون كل ما تلاقى بنزين و انت فى شارم مون اول ما توصل ... انا معرفش فى ازمه ولا لا على الطريق بس نصايحى دى تحسبا لاسوا الظروف
توصل بالسلامه
الامان كويس ... يعنى مش هتتثبت الا لو سايق نص نقل او دفع رباعى بس ممكن الطريق يتقطع زى اى طريق فى مصر
بالنسبه للماروتى هتحتاج تسال حد ساقها وعارفها بس انا مره سافرت مع واحد صاحبى لشارم فى تويوتا ستارلت ١٠٠٠ سي سي و كانت زى الفل و يادوبك شمت بنزين
ان شاء الله تسافر وترجع بيك من غير مشاكل بس المهم يبقا السرعه مناسبه وتحميل العربيه مناسب
الف شكر