هيونداي اكسل اسعارها و اخبارها

**ser3a_0** · 09-06-2013 11:48 PM

الهيونداي اكسل
اخبار قطع الغيار ايه
و الثبات
و التكيف
و الفرامل
و سعر العربيهع كام لو راشه بره بس نضيفه

**amoor89** · 10-06-2013 12:59 AM

قطع الغيار رخيصة ومتوفرة زى ال 128
الثبات لغاية 100 /110 كويس بعد ال 120 العربية خفيفة بس ممكن التغلب عليها بمساعدين خلفى غاز وجنوط وكاوتش عريض شوية هيزود الثبات
التكييف كويس جدا لو مكنش اتلعب فيه
الفرامل فى وجهة نظرى جيدة جدا احسن من فرامل اللانوس لانى كان عندى لانوس قبل الاكسيل
الاسعار بتبتدى من 27 الى 32 الهاتش باك ومن 32 ل37 للسيدان
تحياتى

**Mandible** · 10-06-2013 01:27 AM

العربية دي كانت معايا و للاسف اتسرقت و ندمت عليها اشد الندم .. الحمدلله على كل حال
انا من رايي الشخصي اكسيل تعتبر من انجح عربيات هيونداي و اكثرها اعتمادية في تاريخها الحديث .. قطع الغيار موجودة في كل حتة و سعرها في متناول الجميع و صيانتها سهلة نسبيا .. الثبات كويس جدا .. انا مرة جربت امشي بيها على 160 على طريق الساحل و الصراحة بهرتني في ثباتها .. هو مش اد كده فوق ال 120 بس بالنسبة لعربية معمولة في التسعينات فهو ممتاز
التكيف لو انت مزبطه فريون و كده هيشتغل معاك كويس بس هو بيحمل عالعربية شوية و خصوصا لو جبت ال 1300 مش ال 1500 .... الفرامل جيدة الى حد ما .. مش ممتازة اوي بس كويسة
السعر لو كويسة و مصروف عليها بيبقى حوالي 35 .. غير كده ممكن تلاقي حاجات بداية من 28 وانت طالع .. اتمنى اكون افدتك

**EngAhmedSakr** · 10-06-2013 01:35 AM

عربيه عسسسسسسل وصفقه موفقه كقيمه مقابل السعر
كانت معايا قبل الإلنترا واقدر اقولك انها ناعمه وجرايه واعتماديه يعني ما بتعطلش وقطع غيارها متوفره جدا ورخيصه جدا جدا وتكييفها جميل جدا بس بيأثر عالسحب شويه علي السرعات القليله فقط

بس تخلي بالك من ان صاجها ضعيف يعني لو حد تقيل ركن عليها هتطبق
وكمان ثباتها بعد الـ 120 ماتلاقيهوش وكمان فراملها متواضعه كحال اغلب السيارات القديمه

سعر الكامله مانيوال حاله جيده تعمل 33 الي 35 واهم حاجه الحاله

بالتوفيق