الموضوع: تسعير أكسنت 2006 الشكل القديم مرفوعة من 2007 بتستخدم شهر فالسنة

المشاركة الأصلية كتبت بواسطة 3bdellatif

طيب هتكون بكام يعني تقديرك كده ؟ :) و حاول متغليهاش عليا اكتر من كده

لو بعتها فى السوق ممكن تجيب 45
لو ليك انته واخوك هيعمل معاك واجب هيديهالك باى تمن مش هتفرق ساعتها

المشاركة الأصلية كتبت بواسطة 3bdellatif

الحقيقة هي بتاعة أخويا و انا بافكر اشتريها منة :) بس انا مبعرفش فالعربيات , قلت أعرف سعر السوق عشان لما أوديها لتاجر يتمنهالي ما يخسفش بيها الارض برضو , ده أخويا و هو سايبها معايا أمانة

أنا بصراحة ميال للكليو أكتر , بس ناس كتير قالتلي علي موضوع سهولة الصيانة بتاعة الهيونداي و رخص أسعار قطع الغيار و حتي اني لما ابيعها بعد 5 سنين مش هاخسر فيها اوي , خصوصا اني مش هاهلكها يعني + طبعا إني عارف خط سير الهيونداي دي من ساعة ما لمست الارض

طبعا الاكسنت يا باشا ..

انا كان معايا 1300 سي ىسي موديل 2002 كمالياتها اصلية بتاعت 1500 سي سي و غبور اللي قفل منها كام عربية بالمنظر ده ... يعني تلاقي باب العربية مش فيه اوكرة ازاز او طبة مكان الاوكرة و زرارير الكهربا جنب الفتيس و سنترها اصلي و كاسيتها ماركته هيونداي و طبعا 2002 كانت اخر الكوري اللهم بعض تقفيلات بسيطة جدا من غبور و بعتها السنة اللي فاتت ب 44250 ج و رخصة لحد 2014 و اول يد احنا و كانت من غير خربوش و فابريقة كاملا و مجنطها و فرش جلد .... يعني اللي خدها الحمد لله الى الان بيدعيلي و فعلا ربنا عوضني بحاجة احسن منها و مع صاحبها الاكثر امانة و احتراما ...

فنصيحة اخوية اللي هتدفعه حاليا لاخوك هتلاقيه وانت جاي تطلع منها و خاصة لو صرفت عليها ال 500ج اللي بتقول عليهم :))

استخيييييييييييييير طبعااااااااااااااا و بالتوفييييييييييييييييق

و ما اقدرش افيدك في السعر لان ال 2006 غبور اللي كمل شغل فيها و فضل يقفل فيها و كنت هجيبها زيرو سنة 2006 و اتصدمت لما شوفت الفروقات بينها و بين الكوري اللي 2002 اللي معانا و طبعا صاحب المعرض قالي خد بتاعتكم من والدتك و ما تخدش ال 2006 ... قامت امي علشان صدقه معانا خدنا ساعتها ماتريكس 2006 !!!!

شوف الامانة بقى يا باشا .... فاسف مرة تانية مش قادر افيد معاليك في تسعيرها و البركة في الاخوة اللي هنا :))