الفيتارا بتسخن فى الزحمه 1600 مو 97

**heshamalikamel** · 10-06-2013 01:53 PM

السلام عليكم
معايا فيتارا 1600 موديل 97 كربراتير غيرت وش السلندر وغيرت الريدياتير الى الومنيوم والسخونه فى النصف مع التكييف ولكن اذا وقفت فى اشارات طويله ايام الحراره العاليه ترتفع الى الاحمر فافيدونى افادكم الله

هل اغير ترمبة المياه ام ماذا ؟

واى ميكانيكى يفهم فيها ويحل لى الموضوع ؟

برجاء السرعه .... ولكم الشكر

**ahmed_eng2001** · 10-06-2013 05:59 PM

متابع معاك ... انا عندى نفس المشكلة فى عربيتى تقريبا ...... بس عربيتى مش فيتارا

**heshamalikamel** · 11-06-2013 11:54 AM

ahmed_eng2001 السلام عليكم اصل هو فيه اكتر من سبب بس المهم الوصول له
1 - ترمبة المياه
2- خرطوم مياه مثلا نوعه سئ بيقفل مع الحراره
3- ظبط العربيه
4- عيب كهرباء بيقطع المروحه
وكل ده بعد ما غيرت الردياتير ووش السلندر عشان كده نفسى الاقى ميكانيكى كويس بيشغل مخه بعلم يوصل للحل

واشكرك على الاهتمام

**ahmed_eng2001** · 11-06-2013 05:31 PM

انا شاكر حضرتك على الرد

ان شاء الله حكشف على كل الحاجات الى ذكرتها

ربنا يوفقك فى ميكانيكى كويس

**alex_lover_44** · 10-07-2013 03:50 AM

المشاركة الأصلية كتبت بواسطة heshamalikamel

السلام عليكم
معايا فيتارا 1600 موديل 97 كربراتير غيرت وش السلندر وغيرت الريدياتير الى الومنيوم والسخونه فى النصف مع التكييف ولكن اذا وقفت فى اشارات طويله ايام الحراره العاليه ترتفع الى الاحمر فافيدونى افادكم الله

هل اغير ترمبة المياه ام ماذا ؟

واى ميكانيكى يفهم فيها ويحل لى الموضوع ؟

برجاء السرعه .... ولكم الشكر

استاذ هشام انا بفكر اجيب فيتارا ونفس الموديل تقريبا يا 97 او 99 و1600 باب واحد تكيف باور عاوز اعرف مميزات العربيه من ناحيه السرعه السفر الاتزان واسعار العافشه وقطع الغيار استهلاك البنزين وهل بتقبل بنزين 80 والا لازم 90 هي عجباني شكلا وكفائتها بالنسبه لي مجهوله وفي ناس بتقولي قاعدتها مش مريحه وحاجات كده فيا ريت تقولي انت بما انك راكبها واشكرك مقدما

**chiko** · 23-07-2013 02:27 AM

ياا استاذي ليه تغير ده كلها .. السبب بسيط جدآ و هو ان مروحة التبريد عند حضرتك مش بدور بنفس سرعه الماتور .. ثبتها او غيرها .. و انا ابفضلك تثبتها .. و اكشف علي الردرتير بالمره .. الحكايه ده حصلت في عربيه فيتارا جايه من فرنسا مويل 2006 زيرو بمعني الكلمه .. لكن كانت بتسخن .. و اترمت اكتر من سنه فس الشارع لحد ما جاتلي و ثبت المروحه و شغله زي الصاروخ

**MR-Saleem** · 27-08-2017 01:21 AM

المشاركة الأصلية كتبت بواسطة chiko

ياا استاذي ليه تغير ده كلها .. السبب بسيط جدآ و هو ان مروحة التبريد عند حضرتك مش بدور بنفس سرعه الماتور .. ثبتها او غيرها .. و انا ابفضلك تثبتها .. و اكشف علي الردرتير بالمره .. الحكايه ده حصلت في عربيه فيتارا جايه من فرنسا مويل 2006 زيرو بمعني الكلمه .. لكن كانت بتسخن .. و اترمت اكتر من سنه فس الشارع لحد ما جاتلي و ثبت المروحه و شغله زي الصاروخ

استاذ وحيات ربنا استاذ
فعلا كلامك صح معانا فيتارا 97 موتور 6 سلندر فاكانت بتسخن جدااااااا لدرجه انها جابت الاحمر راحت للبتاع الرديترات اول مره عملها دورت مياة وفك الريداتير ونظفه بالضغط وركبه وقال انسي العربيه دي تسخن تاني
تاني يوم سخنت وضربت كوعه مياة اللي تحت :v عملناها وودناها لبتاع رديترات غيرو فك الريداتير تاني وقال ايه ده مين الحمار اللي قالك مش هتسخن وانها عايزه داورة مياة ياعم دي عايزه ريداتير جديد الريداتير ده بايظ اصلا وحد لاغي مواسير كتير فيه طب ازاي ياعم العربيه ماشي بيه بقالها معانا 3 سنين مشتكتش قال هو اللي بقولك عليه اسمع مني طب ياعم الحل قال عندي واحد جديد هركبهولك وتنسي السخونية طب تمام قفل وركب ومشينا فنفس اليوم بليل العربيه جات الاحمر والكوعه اللي تحت ضربت تاني عمالنها ورحنالو قال بصراحه لا مش عارف بقا مالها اخويا ضحك وقالو يعني ايه مش عارف قالو يعني مش عارف قالو طب ركبلي الريداتير بتاعي تاني وخد الريداتير بتاعك تاني مش محتاجو كل ده ولدي مش فاضي للعربيه واانا واخويا اللي بنروح وبنيجي بيها والدي خرج بيها ف يوم لقيها سخنت منه راح راجع بيها ومن غير تفكير ولا اي حاجه قالي فك المروحه عشان عايزه زيت عشان خفيفه وبتفوت ومبتلفش فكناها عشان نحط الزيت اوليسي الزيت ضارب اصلا والزيت اللي فيها فاضي ومينفعش يتغير فا سبتناها وخلاص وركبناها العربيه الله واكبر مبقتش تفكر تسخن ويسلام لو ماسك طريق هو بس صوت العربيه علي شوية مع الدوس والسحب بس احسن من السخونية والمكنة تقفش فا كلام حضرتك صح جدا

الموضوع: الفيتارا بتسخن فى الزحمه 1600 مو 97

LinkBack

أدوات الموضوع

عرض

المواضيع المتشابهه

مقاس كوتش الفيتارا 1600 1997 باب واحد

مقاس كاوتش الفيتارا 1600 مو 97 باب واحد

موتور الفيتارا 1600 ؟؟؟

استفسار للسادة ملاك الفيتارا القديمة (2 باب، 1600)

الكلمات الدلالية لهذا الموضوع

المفضلات

المفضلات

ضوابط المشاركة