أخيرا وبعد طول إنتظار السياره القاتله ظهرت للنور

**الجنرال** · 10-06-2013 04:20 PM

نعم ؟؟!!

حاطط العربية على الطريق وبتراقبها؟؟ مستنى تشوف في حد هيعدي جنبها ويموت ولا لأ؟؟

انت بتتكلم بجد؟؟

**4fun14** · 10-06-2013 04:21 PM

10 الاف دول يجيبولك طبنجه تعمل بيها اللى يحلالك

**Ahmed_Adham** · 10-06-2013 04:27 PM

المشاركة الأصلية كتبت بواسطة abo_pasem

السلام عليكم ورحمه الله وبركاته
رجعنا تاني

شوفوا ان مش هاقول علي سر الصنعه

وبعدين البعد القانوني دا عند امه يا ادهم زي مابيقولوا
الحرامي لو ثبتك وقتلك مش هاتعرف تعمل أي حاجه معاه
وبالمنطق كده هوا الحرامي كان يعني خايف من القانون؟
دحنا بنشوف أسلحه علي طريق مصر أسكندريه الصحراوي
كأن في حرب قايمه ومالكش اي ديه

الموضوع كله إنك تقتل الحرامي وتنضف البلد
بس تنفيذ الفكره دي صعبه جدا ومكلفه لغايه دلوقت 10000 جنيه
ولسه بتتجرب ولسه فيه تعديلات
إللي عايز يجرب في عربيته يقوللي

أنا حاطط العربيه علي الطريق وبراقبها وبشوف إييه إللي هايحصل

يتبع

معلشي حضرتك فاهم الموضوع غلط وفاكرها فتونه. فيه فرق شاسع بين واحد يثبتك على الطريق عشان ياخد العربيه منك وبين واحد بيسرق عربيه او محتوياتها وهيه مركونه في الشارع بدون وجود صاحبها. عقوبه الحالتين مختلفه سواء في الشرع او القانون لكن انت اختصرت الموضوع وبكل بساطه ان عقوبه السرقه هيه القتل في حين ان مفيش كده لا في الشرع ولا القانون. اذا كان لو واحد طلع عليك بسلاح وكان عندك فرصه تهرب بدون ما تقتله وانت استسهلت قتله فيه ناس كتير متفقه انك أثم انما انت ناصب فخ وقاعد تراقب وكأنك عامل مصيده لفار مش بني أدم حتى لو مجرم فربنا حدد عقاب لتصرفه فمينفعش نحط احنا القتل كعقاب لكل جريمه والا انت وأنا نتقتل لما نكسر اشاره أو نركن في الممنوع. ولا ايه؟

رجاء تعيد تفكير في الموضوع تاني عشان متقعش في الغلط شرعا وقانونا...

**Amr Axel** · 10-06-2013 04:27 PM

انا متوقع ايه اللي انت عايز تنفذه و لو اللي في بالي قانوني مخالف و خطر كمان و يفضل تراجع نفسك و تشوف وسائل لتأمين العربية أفضل او تسندك لو فيه محاولة لتثبيتك ع الطريق لأن فيه نقطة لازم تخلي بالك لأن اي ان كان ديه شوية دواير و شرايح و اسلاك يعني ممكن تغلط في مرة و تيجي في حد ملوش ذنب او حتي في صاحب العربية زي مثبت السرعة بالرغم انه راحة لصاحبه لكن فجأة ممكن يعلق و ساعتها هو و نصيبه لأن اي ان كان ده شئ من صنع الانسان يعني مش كامل
بس معلش فيه نقطة ممكن توضيح تقصد ايه باحططها في الشارع و بتراقبها ؟؟؟؟

**dem0** · 10-06-2013 04:34 PM

طيب خل واحد ماشى فى الحر وتعبان وجه يركن ع العربية يسند كدا وهو بيريح او طفل صغير ماشى وحط ايدة ع العربيه ايه هيموت ؟!

**Elawany13** · 10-06-2013 04:39 PM

!!!!!!

**abo_pasem** · 10-06-2013 04:54 PM

المشاركة الأصلية كتبت بواسطة autocross

ياجماعه اكيد الموضوع بالمنظور دا وصاحب الفكره اكيد مش سازج بعنى انه يعرض نفسه ولا اى حد يلمس العربيه للخطر بدون وجه حق وبعدين هو بيقول ان لسه فى تعديلات ومعاه ناس بتفكر مش لوحده . انا اكيد هختلف معاه لو هيبقى فيها ضرر بس نستنى لحد ما نشوف المنتج النهائى .خلينا نشجع فكره الحمايه فى حد ذاتها مش يمكن يطلع ابتكار جديد ونفرح بالناس دى لما ينجح

احترامى للجميع :)

إنتا إللي ريحتني بصراحه
لسه فيه تعديلات يا جماعه
الموضوع كله إن العربيه مش هاتشغل برنامج القتل ده إلا لما تتأكد مليون في الميه إنه حرامي
يعني فيه باسورد بيدخل بعد ماتدور العربيه لو مادخلش خلال 10 ثواني بيبدا التشغيل
وبعدين العربيه مش هاتقتل بمعني القتل المعروف يعني
يعني هاتسجنه جوه العربيه بمعني أصح لغايه ماجي انا اتصرف معاه