المشاركة الأصلية كتبت بواسطة amir
انت عارف انا لو كانك مش هسئل السؤال ده اصلا, اي واحد بيعوز ايه من اي عربيه؟ انه يركبها من النقطه ا الي النقطه ب
و بعد عرض النقط دي احب اقولك ان الاسبرانزا 113 دي عربيه مش بطاله زي الهجوم الشرس اللي عليها و مع مرات واحد صاحبي و ماشيه , و لولا الفكر الخاص بالشعب المصري ضيق الافق مكنتش شفت شاهين 2008 و 128 2008 و لادا 2008 لأن مش معقوله اطلاقا يبيع منهم زيرو بأسعار مبالغ فيها في مقابل ما ستحصل عليه من العربيه , لأن بنفس اسعار العربيات دي ممكن تجيب مستعمل كوري و ياباني بحالات ممتازه و موديلات جديده نسبيا
و الله انا بزعل لما اشوف اي عربيه من الموديلات التلاته اللي هاجمت اسعارهم زيرو في الشارع لأن ببساطه ادي مشتري اضافي اعطي سبب لشركات انتهازيه انها تستغل الناس و تفرض اسعار غير متناسبه مع ما تقدمه منتجاتها للمشتري
اضافه الي ان مفيش عربيه جيده بنسبه 100 في 100 كامله و متقولش دي بقالها 30 او حتي مليون سنه في الشوارع و ماشيه لأنها ماشيه بتعطل كل فين و فين و علي طول فاتحه بقها و عنيها كمان, ده في ناس بتفضل الفيرنا علي اللانوس علشان شكلها مفيهوش تجديد علي مدار سنوات انتاجها فقط!!!!
عموما دي فلوسك و ده اختيارك بس تبقي قولنا اشتريت ايه علشان نباركلك