النهاردة باسال عللى سعرها بقيت 81900 وفى ناس بتقول احتمال تزيد تانى
هى هاتوصل لغاية كام
عرض للطباعة
النهاردة باسال عللى سعرها بقيت 81900 وفى ناس بتقول احتمال تزيد تانى
هى هاتوصل لغاية كام
فاعتقادى انها هتوصل ل85 الف مستريح لان الاسبيرانزا نازله بالسعر ده و اوبشن اقل و مبيعات اقل كتييييييييييير
80900 جنيه مصرى بدون زجاج فاميه
81900 جنيه مصرى بزجاج فاميه
بصراحة الواحد كان متخيل انها تجميع مصرى يعنى مفروض اقل من كدة بكتيييييييييييير
العربية ممكن توصل ل 85 الف بسبب الاقبال الكبير عليها وبسبب ان اسبرانزا 516 اتوقف انتاجها و العربية دي كانت واخدة حصة مبيعات كبيرة سواء ملاكي او تاكسي ودلوقتي حصتها هتتوزع علي الاسبرانزا انفي و الامجراند و البي واي دي و الانوس و الفيرنا و الامجراند هتنتشر جدا بسبب دخولها كمان مشروع تاكسي بس رغم كل دة العربية فيها شوية عيوب نتمني من التوكيل تداركها سريعا وحلها
انا لسة مستلم العربية يوم الخميس و اتكلمت مع واحد من التوكيل قالي ان العربية هتوصل اخر السنة ل 92 الف لان دة المفروض سعرها الاساسي وان غبور منزل السعر وبيدي ضمانات كتير علشان العربية تنتشر
وبعد كد هترجع لسعرها
وكمان الاوتوماتيك هتنزل اخر 7 وهتكون 1800 cc وهتبقى ب 98 الف
معا احترامي لحضرتك اول جزء انها ممكن توصل ل 92 الف دة ممكن اة لان غبور سارقنا في الهيونداي مش هيسرقنا في الامجراند ومش بسبب ان دة سعرها لانة بيجمعها في مصر و الجمارك ضعيفة عشان تجميع محلي وسعر الامجراند 1800 الاوتو في السعودية يعادل 80 الف جنية مصري يعني هوة بايعهالنا وكسبان كتييييييير ولو وصلت ل 92 الف حصتها هتقل اووووي وناس كتير هتصرف نظر عنها .. امال لو كانت العربية نازلة عدلة كان عمل فينا اية دة ناس بتشتكي من التكييف والي الراديتير باظ و اتغير بواحد بايظ و المراية الي بتقع و فبرة التنك الي بتتكسر وتجميع العربية الي علي قدة عشان 1500 و العربية كبيرة صعب اوي يغلي تمنها وبالنسبة لجزء الاوتو هينزل في 7 دي مستحيلة لان محدش هيشتريها بسبب موضوع دعم البنزين يعني اشتري عربية ب 98 الف عشان اشتريلها ليتر البنزين ب 5 جنية ؟؟ ف الجزئية دي مستحيلة وانا اسف لو كلامي دة ضايق احد ملاك العربية او حد عاوز يشتريها بس هية دي الحقيقة
العربيه بسعرها الحالى معقولة على امكانياتها اكتر من كده هتبقى مصلحه للى اشترى بس لكن محدش هيشترى تانى