رحلة إحياء النوبيرا

**Car's Sniper** · 10-06-2013 07:33 PM

البداية كانت فى الشيخ زايد لما وسوستلى النفس الامارة بالسوء وقالتلى روح لبتاع الزوايا يظبطلك الحدفة الشمال البسيطة اوى ..املا فى قيادة العربية وانا سايب ايدى :)
روحت للراجل وظبطهالى ووانا راجع للشرقية تانى لاحظت ان العربية زى ماهى
كمان يومين الحدفة زادت وهكذا لغاية مابقت عربية شمال
اتطورت الحكاية وروحت لعفشجى فى السلام وياريتى مارحتله قاللى جلب المقصات وجبت جلب فيرنا زى اللى كانت فيها بالظبط ...روحت اخرطها الخراط بوظلى واحدة ..رميتهاله ومادفعتلوش حاجة واشتريت واحدة تانية وخرطتها
رجعت للعفشجى ركبهم وربنا ينتقم منه ...خربهالى ...بس طبعا الخراب مابيجيش غير بعد مامشى من عندهم ...العربية بقت بتزيق فى الملفات روحت اظبط زوايا تانى الراجل خبط برجله عالكاوتش وقاللى الجلب باايظة ...قلتله دى لسة ماتمتش ال24 ساعة بايظة ازاى ؟؟ قاللى والله بايظة ومع ذلك هاظبطلك الزوايا ...ظبطها وطلعت من عنده حسيت انها اتظبطت شوية وعلى مامشيت بتاع 10 كيلو لاقيتها رجعت تانى ...قلت مش هارجعله لان مافيش ميكانيكى روحتله الا والعربية بتطلع خربانة عن لحظة وصولى ليه
كل يوم باعمل بيها 200 كيلو مستريحين والحال من سيء الى اسوأ
لدرجة انها بقت بتمشى كاوتشاتها تصفر حتى لو ماشية مستقيم ولو كسرت العجل وانا ماشى بيكمل كسرته لوحده وكأن فيه"بوش" فيه يعنى لو حودته يمين الاقيه صعب فى الاول وبعد كدة يكمل مع نفسه يمين حتى لو رجعته شمال بيفضل يقاوم شوية
المهم لاقيت الفردة اليمين قدام محودة لوحدها جهة اليمين
فقررت الاتى :
اولا القاء جميع الميكانيكية والعفشجية الى مزبلة التاريخ والتوجه الى التوكيل
بس كدة ...مافيش ثانيا :)
اتصلت بابو الفتوح ابو رواش وقالىى تعالا عادى فى اى وقت
قلت هاروح لابو الحسن اجيب مقصات اسبانى وققاعدة ماتور شمال واكُت عالتوكيل يركبهملى ويظبطلى كام حاجة تانية
صح كدة؟؟؟ ولا ايه النظام وفيه حد يعرف مراكز صيانة ارخص من التوكيل وتكون حاجتها نضيفة ومضمونة للنوبيرا؟؟؟
اصل ناس كتير بتشتكى من ابو الفتوح دا وانا مش حمل صدمة جديدة عشان مافجرش العربية
آسف للاطالة بس عايز اطلع الكبت اللى جوايا

**Dr.Solom** · 10-06-2013 09:19 PM

ياباشا مشكلتك بسيطه انت الميكانيكية فضلوا يألفوا عشان الجلب بايظه وبتاع الزوايا مالوش ذنب
اشترى مقصات كويسه وركبهم عند ميكانيكى كويس وريح دماغك مش مستاهله التوكيل

**ebrahim_mh** · 11-06-2013 01:25 PM

ياباشا انت اشتريت خلاص ممكن تقولى لو سمحت اصل انا كان عندى موضوع مهم بالنسبة للمقصات الاسبانى بتاعات ابو الحسن

**Car's Sniper** · 11-06-2013 04:21 PM

المشاركة الأصلية كتبت بواسطة ebrahim_mh

ياباشا انت اشتريت خلاص ممكن تقولى لو سمحت اصل انا كان عندى موضوع مهم بالنسبة للمقصات الاسبانى بتاعات ابو الحسن

اوبااااا...انا اشتريت خلاص بس بردو حضرتك قول اهو الناس تستفاد...دى اخر محاولة مع العربية ولو فشلت هحاول ابيع العربية بأى طريقة لانى بامشى فى اليوم مشوار 200 كيلو فبتكون السرعة فوق ال100 كيلو عشان الانجاز وربنا يسهل وتعمر

**broadband** · 11-06-2013 04:53 PM

انا اعرف واحد بتاع عفشة كويس فى النهضة و بيفهم فى الدايو خصيصا

لو عايز تروحله كلمنى على الخاص و اوصفهولك

**elkadry** · 20-06-2013 10:27 PM

بأمانة انتا صعبت عليا اية المصاريف دي كلها و جلي و ظبط زوايا و كل اللف دا حرام عليك
الموضوع ابسط من كدا بكتير دا فك المقص مفيش 3 مسامير يا جدعان و الله حراااااااااام جشع الصنايعية دا
المقص كلى استعمال كوري اصلى ب 90 جنية و لما يغلى يبقي ب 100 و قول 20 جنية تركيب يبقي الموضوع كلة بالكتير 120 جنية و مش هياخد وقت تركيب بالمتير تلت ساعة اية اللف دا كلة و المصاريف دي
انا لسة مفير الشمال عندى و بتاع العفشة معرفة و الله ما رضي ياخد فلوس حتى و قالى ابقي راضي الصبي
مش عارف اقولك اية دا حتى الجديد الكوري كنت شاريه زمنان ب 150 جنية تقريبا