إخواني الكرام . زي ماهو باين من العنوان كده بعت عربيتي من 2011 بتوكيل ولحد النهارده العربية لسه بإسمى .
عرفت من المرور وأنا برخص العربية الجديده ودفعت ضريبه ترفيه 60 جم
هل ينفع أروح الشهر العقاري اللي طلعت منه التوكيل والغي التوكيل
واروح المرور احفظه فى ملف العريية وﻻ أعمل إيه
أفيدوني أفادكم الله
متابع
معتقدش فى حاجة اسمها تلغى التوكيل
غالبا التوكيل مش بيتلغى الا فى وجود الطرفين
الى اشترى العربية مكسل يسجل فى الشهر العقارى علشان ميدفعش ضريبة التسجيل
بيتهيألي ممكن يتلغي عادي زي أي توكيل قانوني
لو التوكيل مكتوب فيه "لا يلغى الا بوجود الطرفين" وده المتوقع يبقى مش هتقدر تلغيه. لو لسه نمره تليفون المشتري معاك كلمه وخليه ينقلها باسمه حتى المسؤوليه القانونيه للعربيه متبقاش عليك.
لو معرفتش تعمل حاجه يبقى الصبر فاضل سنه او اقل ولما يفحص حيغير ملكيه ولا انت عامله التعامل مع المرور
التوكيل لو مش مذكور فيه لا يجوز إلغاءه إلا بحضور الطرفين يبقى تروح تلغى التوكيل من نفس مكتب التوثيق اللى عملته فيه وبعدين تعمل إنذار على يد محضر للمشترى تخطره فيه بإلغاء التوكيل وتخطر إدارة المرور التابع لها السيارة بالغاء التوكيل .
لو مكتوب فى التوكيل لا يجوز إلغاءه إلا بحضور الطرفين يبقى ترجع إلى عقد بيع السيارة وتشوف ما نص عليه عقد البيع فى حالة إخلال المشترى بالتسجيل
أنا عندي نفس المشكلة بالضبط فـياريت لو حضرتك عرفت حاجة تقولي.... شكرا
هي دي مشكلة بيع التوكيل للأسف
مفيش حاجة اسمها يلغى التوكيل طبعا هى غلطتك من الاول انك بعتها بتوكيل ولو كاتب كمان فى التوكيل التعامل مع المرور يبقى لما اللى اشتراها يبقى يجيلو مزاج يبقى ينقلها و ممكن يكون كمان بعها و عمل توكيل تانى من توكيلك و تفضل برده باسمك الى ما شاء الله هى معاد ترخصها كان امتى؟
ولو التوكيل مكتوب فيه التجديد للنفس ممكن يجدد الرخصه باسمك
ازاى تلغى التوكيل مش انت بعت العربيه وقبضت فلوسها
ومش لما بعتها كان من مميزات البيع انها ليها رخصه 3 سنوات
يبقى تستنا لغايه ما ميعاد الرخصه ينتهى وهوه حيجدد الرخصه باسمه او باسم اللى باعهاله
لو كان باعها لواحد تانى
تمت بحمد الله