كــــــورس اخلاء الاسانسير فى حالة عطل/ سكنى الابراج التى تعمل بها الاسانسير هام جدا
السلام عليكم
الموضوع بخصوص الاسانسير الموجودة داخل الابراج تعتبر حاجة اساسية داخل اى عقار و هنا
توجد المشاكل
و اعطال الاسانسير نوعان
عطل كهربائى
عطل ميكانيكى
و فى كلتا الاعطال الاسانسير يتوقف عن العمل نهائى للاسباب عديدة و هى دوائر الامان او السيفتى
و هناك نوعان من السيفتى على الاسانسير
سيفتى ميكانيكى
سيفتى كهربى
و طبعا فى ظل الظروف الحالية ظهر عطل جديد و هو انقطاع الكهرباء و انتا و حظك طيب تعمل اية تسيب المحبوس محبوس و له تتصل بالشركة الصيانة و عقبال ما تيجى هتاخد اكتر من ساعة علشان ظروف الشارع طيب نعمل اية
اولا حل لابد من تركيب بطاريات ups على كنترول الاسانسير و دة يركب على اى اسانسير و فى حالة انقطاع الكهرباء الكونترول بيحول من كهرباء 3 فاز على بطاريات ups و بيحاول مكنة الجر او الموتور من السرعة السريعة الى السرعة البطيئة و عند اول باب الكابينة بتقف سواء اسانسير بلدى او اتوماتيك لو اتوماتيك بيفتح الباب عادى جدااااااااا
طيب لو مفيش بطاريات و الناس فى البرج مش عاوز تدفع فلوس و القصة اللى احنا نعرفها
ثانيا هنشغل الاسانسير من كهرباء او اتوماتيك للتشغيل اليدوى
و بحذر بشدة يجب اتباع الخطوات الاتية بحذر و تنفيذ البنود بحذفيرها انا بكرررر بحذفيرها
1- الاتجاه الى الاشخاص المحبوسين و تهديهم انى كل تمام و هنشغل الاسانسير يدوى علشان ميتفأجوش بحركة غير طبيعية
2- الاتجاه للغرفة الماكينات
3- فصل المفتاح العمومى هام جدااااااااااااااااااااااا اا
4- افتح لوحة الكونترول و افصل المفاتيح هتلاقى المفاتيح مرفوعة لفوق نزلهم دة اساسى فى اى كنترول هاااااااااااااااااااااااا ااااااااااااا جدااااااااااااااااااااااا ااااا
5- افتح اى باب بمفتاح الطورىء و ده بيسلم من الشركة لبواب او مع شخص متواجد بصفة مستمرة من على اى دور و شوف الكابينة فاضل مسافة قد اية على و صوله للباب متر او مترين او ثلاث امتار
6- اطلع تانى لغرفة الماكينات هتلاقى على الموتور او المكنة ذراع البريك اضغط عليه سنة سنة و شوف هل الكابينة تتحرك و له لالالالالالالالا اتحركة ممكن تسيب سنة سنة للحد ما الكابينة توصل للباب متحركتش هتلاقى على وش الموتور طنبورة لفها عكس عقارب الساعة هتبدأ الكبينة بالنزول و انتا ضغط على ذراع البريك دة لو الاسانسير بلدى او الباب العادى لو اتوماتيك اعكس لف الطنبورة فى اتجاه عقارب الساعة علشان الكابينة تتطلع للاعلى علشان اتوماتيك الكابينة و الباب ميتكسرش و الكبينة تنحشر اساسى للاعلى لو الاسانسير اتوماتيك
7- انزل افتح الباب و خرج الناس ارجع ارفع مفاتيح الكهرباء تانى
متخفش انى الاسانسير هيجرى على تحت لالالالالالالالا فى فرامل ميكانيكية اسمه البارشوت فى حالة ذيادة سرعة نزول الكابينة عن السرعة المعتادة فى فرامل تقفش على القضبان ( الدليل )
فا لا داعى من الخوف
تنبيه هام
لابد من تشغيل بطارية الطوارىء
بتيبقى مسئولة عن الانارة و بتيبقى مسئولة عن سرينة الطورىء و الانتركام
لو مش هتعرف خلى الراجل الخاص بالصيانة يعلمكم ازاى تشغلو الاسانسير فى حالة الطورىء
انا حبيت اعمل الموضوع دة لما قريت كومنت لكريم على الفيس بوك و بيقول انى مرات البواب اتحبسة فى الاسانسير ساعة وربع فاحبيت اعمل الموضوع هنا فى المنتدى
و المعلومات من واقع عملى كامهندس ميكانيكا بدار الاوبرا المصرية و كنت مسئول عن تأمين اسانسير المخلوع فى حالة الاعطال لدى رأسة الجمهورية و اسنسيرات الاوبرا بالكامل حتى الان
و مدير صيانة فى شركة مصاعد توكيل فرنسى و خبرة 14 سنة
ربنا يستر
م / احمد سيد
منسق قسم سكودا