عرض للطباعة
بعد مقارنات بين اللوجان والافيو والفيرنا واللانوس...
اللوجان حافظة مركزها برده...
رايكم ايه لاني بعد ما قررت اشتري اللوجان مانوال كاملة .. المقارنات دي لعبت في دماغي جاااامد
انا المفروض اروح اخلص فيها كمان يومين...
بس رجعت احترت تاني بعد سعرها الجديد 86.500
يا باشا توكل على الله ومبؤوك مقدما انا شاريها كدة بردو بس العربية ممتازة معايا ويكفى ارتفاعها فى المطبات
اللوجان اساسية في المقارنات لأنها تتميز عن العربيات في نفس الفئة السعرية بشوية حاجات .. أولا المساحة .. وسع غير عادي في الصالون والشنطة و تقعد في العربية سواء قدام أو ورا مرتاح جدا حتي وانت مرجع الكراسى للأخر تظل المساحة واسعة و مريحة .. طبعا الفيرنا واللانوس وحتي الافيو مافهاش وسع اللوجان سواء الصالون أو الشنطة ..
ثانيا الإرتفاع .. إرتفاع غير عادي في المطبات يخليك تاخد اي مطب وانت متطمن سواء كنت لوحدك أو مشغلها بالنفر .. و ياما شوفت لانسر و فانتازيا بتعرض في المطبات .. طبعا في موضوع المطبات الفيرنا و اللانوس مات الكلام فيهم من زمان
ثالثا الإتزان .. وده في رأيى اهم حاجه في الموضوع كله .. أغلب الناس بتشكي من صوت تزييق أو عيب تكيف أو خشونة عفشة ومعظم العيوب دي عيوب تقفيل .. إنما اتزان العربية حدث ولا حرج .. هاتلي فيرنا أو لانوس أو حتي أفيو تمشى أكتر من 130 و تفضل محتفظة بإتزانها .. احنا (وحوش اللوجان) بعون الله قفلنا العداد وانا شخصيا لما باسافر مش باقل عن 160 والعربية ثابته زي الوتد .. وخشونة العفشة و تقل الباور بيديها ثبات أكتر علي الطريق
رابعا قوة الموتور .. بغض النظر عن سوء عزل الكابينة و صوت الموتور العالي فا تم تصميم العربية بحيث ان قوة الموتور تتناسب مع هيكل العربية .. الموتور بيديك 90 حصان للمانيوال و 105 حصان للأوتوماتيك بينما الأفيو 85 حصان فقط .. صحيح ان موتور الفيرنا اقوى وبيدي 110 حصان بس ايه لزومه علي بادي ورق خفيف علي الطريق ؟ لاحظ ان شاسيه اللوجان شاسيه تصميم نيسان لأن الشركتين بينهم اندماج .. بص علي حوض الصنى و الاسكالا وطلعلي فرق واحد في التصميم
طيب ليه الفيرنا واللانوس عاملين دوشة .. عشان بقالهم في السوق أكتر من 15 سنة وقطع غيارهم انتشرت و الميكانيكية فهموا شغلها .. و حاليا اللوجان ماشية في نفس السكة بنجاح واغلبنا بيعمل صيانات برة التوكيل وانا نفسى جبت المراية من برة التوكيل يعنى ماتخافش من حاجه وتوكل علي الله