إقفل الeco و استمتع بكل مليم دفعته فى عربيتك !

النهارده روحت سينما IMAX اللى فى الشيخ زايد و لسه مروح حالا و طبعا مروح خاااايف من الطريق، قلت مبدئيا هقفل الECO عشان عزم العربية كله يبقى معايا لو احتجته لا قدر الله !

و مع انى قرأت كتير هنا ان ده مجرد Indicator لإستخدامك و مفروض ملوش تأثير على السحب و الجرى و لكنى لاحظت ان العربية بقت بتسحب جامد و الkick down بيأثر اسرع و من غير مجيب اخر الدواسة

و حتى ال ستيبترونيك اما بسقط نقلة تأثيره اسرع من لو مشغل الECO

انا بصراحة معنديش تفسير علمى و كل الكلام ده هو مجرد ملاحظات

بس نصيحة، لو سايق فى طريق مفتوح او بليل او الصبح بدرى مثلا و الدنيا فاضية و ناوى تجرى، جرب تقفل الECO و شوف الفرق، هتحس ان العربية بتطير و هتفرح والله بالفلوس اللى انت دافعها :D

بس ميغركش السرعة دى، خلى بالك والنبى انا مش ناقص البس مصيبة حد ! :D

بس يا ترى حد حس بالموضوع ده زيي قبل كده؟ و لا انا بخرف إكمنى خارج من فيلم Fast & Furious 6 و عايش فى الmood لسه؟ :D

و على فكرة الاستهلاك مكنش سئ اوى كده مقارنة بإنى كنت بقرص على العربية، الاستهلاك كان حوالى 7.5

حمد الله على السلامة و عايز اخش الفيلم هناك برده بس قولى ايه رايك فى الفيلم و بخصوص الايكو فا مش عارلف بقى مفتيش هو لمبة للاستهلاك بس ولا بيوفر فعلا

اقتباس:

---

المشاركة الأصلية كتبت بواسطة devilrider

حمد الله على السلامة و عايز اخش الفيلم هناك برده بس قولى ايه رايك فى الفيلم و بخصوص الايكو فا مش عارلف بقى مفتيش هو لمبة للاستهلاك بس ولا بيوفر فعلا

---

الفيلم حكاية ! اجمد جزء بلا منازع !
بس نصيحة الحقه imax، اخر يوم الاربع او الخميس الصبح
و نصيحة كمان شوف ال5 اجزاء قبل ما تروح عشان تبقى فاهم اللى بيحصل بس عموما مش لازم لازم يعنى تشوفهم بس يستحسن، هتتوهم اكتر بالفيلم :d

الeco محدش هنا ولا بره عارف ده ايه بالظبط بس كذا حد هنا و منتديات بره يقولوا ان العربية سحبها بيزيد و تسارعها بيتحسن لو قفلت الeco، و الله اعلم !

السينما فين في الشيخ زايد؟

الفيلم جامد جدآ وملهوش حل

بالنسبة لل eco ممكن اعرف منك ده المفروض اصلآ مسؤل عن ايه

حب استطلاع وفضول مش اكتر :D

eco دة اختصار لكلمة economy
يعنى عشان توفر استهلاك فبالتالى مش بيسمح انك تحرق على الغيارات
حضرتك قفلته فاحسيت بفرق

علامة الـ ECO دى مجرد indicator بس
لكن اللى مش مجرد indicator هو الـ active eco وبيكون ليه زرار لوحده موجود فى السيراتو

اللى انت حسيته دا virtual لكن فى الحقيقة مفيش حاجة بتتغير

اقتباس:

---

المشاركة الأصلية كتبت بواسطة Ahmed_Adham

السينما فين في الشيخ زايد؟

---

اول ما تدخل شمال كده هتلاقى هايبر وان على يمينك و مسجد الشرطة على شمالك، كمل دقيقتين هتلاقى معرض كبير تبع سيراميكا كيلوباترا، ادخل يمين كأنك رايح المعرض ده، هتلاقى Americana Plaza اللى فيه السينما ظهر ورا شوية و هيبقى على شمالك

اقتباس:

---

المشاركة الأصلية كتبت بواسطة yasserelsayad

علامة الـ ECO دى مجرد indicator بس
لكن اللى مش مجرد indicator هو الـ active eco وبيكون ليه زرار لوحده موجود فى السيراتو

اللى انت حسيته دا virtual لكن فى الحقيقة مفيش حاجة بتتغير

---

كلامك منطقى، هى الاكسنت فيها زرار active eco بس مش بينزل فى عربيات مصر غالبا

اقتباس:

---

المشاركة الأصلية كتبت بواسطة aldesha989

الفيلم جامد جدآ وملهوش حل

بالنسبة لل eco ممكن اعرف منك ده المفروض اصلآ مسؤل عن ايه

حب استطلاع وفضول مش اكتر :D

---

الشرح تحت اهو :D
بس فى ناش بتقول انه مجرد بيقولك رجلك خفيفة ولا تقيلة على البنزين لأن ده بيأثر طبعا على الاستهلاك

اقتباس:

---

المشاركة الأصلية كتبت بواسطة matrix_it

eco دة اختصار لكلمة economy
يعنى عشان توفر استهلاك فبالتالى مش بيسمح انك تحرق على الغيارات
حضرتك قفلته فاحسيت بفرق

---

طب معلش هو بيتقفل ويتفتح ازاي اصل انا مجربتوش قبل كدة

اقتباس:

---

المشاركة الأصلية كتبت بواسطة yasserelsayad

علامة الـ ECO دى مجرد indicator بس
لكن اللى مش مجرد indicator هو الـ active eco وبيكون ليه زرار لوحده موجود فى السيراتو

اللى انت حسيته دا virtual لكن فى الحقيقة مفيش حاجة بتتغير

---

كلام سليم و قلته 100 مرة :)

ال ECO دي لمبة مش اكتر .. و موجودة من قديم الازل !!!


اما نظام ال ACTIVE ECO وده حاجة تانية هو الي بياثر فعلا في السحب و ده شكله :
http://masque.co.kr/update/ebay/Hyun...vante%20MD.jpg


احساس حضرتك بالفرق ... 99.9% نفسي مش اكثر .. و انا شخصيا جربت الموضوع و من صفر الى مائة و في طلعات و شدات .. والارقام متساوية.


---
عايز تحس ان عربيتك بقت 200 حصان ؟ انا لابس جزمة كوتشي 24 ساعة في اليوم .. يوم مابروح فرح ... بلبس جزمة كلاسيك بكعب تقيل شوية ... جرب دواسة البنزين حتحس انك بتطيييييييييير ! علشان دوستك اتقل بكتيير ... الموضوع احساس يا عزيزي :)

اقتباس:

---

المشاركة الأصلية كتبت بواسطة ramiz82

طب معلش هو بيتقفل ويتفتح ازاي اصل انا مجربتوش قبل كدة

---

عندى فى الاكسنت RB زرار الtrip بدوس عليه كذا مرة لحد ما يجيب حالة الeco بدوس عليه لمدة ثانيتين يغيره من on ل off و العكس

يا باشا خارج من فيلم Fast & Furious بالليل والطريق فاضي والشيطان شاطر ومش عاوز تحس انك طاير
جربه كمان يومين تلاته كده يكون تاثير البينج راح ...... ( قصدي الفيلم .. الفيلم )

اقتباس:

---

المشاركة الأصلية كتبت بواسطة mhkorayem

يا باشا خارج من فيلم fast & furious بالليل والطريق فاضي والشيطان شاطر ومش عاوز تحس انك طاير
جربه كمان يومين تلاته كده يكون تاثير البينج راح ...... ( قصدي الفيلم .. الفيلم )

---

مانا اعترفت من قبل ما حد يتكلم :d

اقتباس:

---

المشاركة الأصلية كتبت بواسطة mhkorayem

يا باشا خارج من فيلم fast & furious بالليل والطريق فاضي والشيطان شاطر ومش عاوز تحس انك طاير
جربه كمان يومين تلاته كده يكون تاثير البينج راح ...... ( قصدي الفيلم .. الفيلم )

---

ولو من غير عربيه بعد ما تتفرج على الفيلم تحس انك عايز تكسر الدنيا ومايكل شوماخر اللى جواك عايز يطلع هههههههههههههههه

الافلام دى ليها تأثير المخدر ههههههههههههههه

اقتباس:

---

المشاركة الأصلية كتبت بواسطة matantawy

عندى فى الاكسنت RB زرار الtrip بدوس عليه كذا مرة لحد ما يجيب حالة الeco بدوس عليه لمدة ثانيتين يغيره من on ل off و العكس

---

معلش حد فاهم ال eco ده بيعمل ايه بالظبط
وازاي يوفر في البنزين
ولو دي طريقة للتوفير ليه ما ثبتهاش مع العربية علي طوول

شكرا

اقتباس:

---

المشاركة الأصلية كتبت بواسطة matantawy

مانا اعترفت من قبل ما حد يتكلم :d

---

يعنى يا باشا اقتنعت خلاص انها euphoria مش اكتر ؟!!!!!

واحد كان بيتفرج على 6 F&F و ف IMAX كمان:lurk5: ,,, اكيد ال adrenaline هيعلى عنده :B4_048:

اقتباس:

---

المشاركة الأصلية كتبت بواسطة yoyoteto

معلش حد فاهم ال eco ده بيعمل ايه بالظبط
وازاي يوفر في البنزين
ولو دي طريقة للتوفير ليه ما ثبتهاش مع العربية علي طوول

شكرا

---

simply ,,

ال eco دا بيدى acceleration ابطأ (عشان كدة متنفعش تشتغل على طول ) لكن fuel consumption افضل لان ال upshifting بيكون @ rpm قليل و العربية بيبقى عندها tendency لل upshifting

و دا unlike الكيك داون او ال Sport mode
لكن طبعا انت ممكن تعمل كل دا بال common sense

اقتباس:

---

المشاركة الأصلية كتبت بواسطة monamize4

يعنى يا باشا اقتنعت خلاص انها euphoria مش اكتر ؟!!!!!

واحد كان بيتفرج على 6 F&F و ف IMAX كمان:lurk5: ,,, اكيد ال adrenaline هيعلى عنده :B4_048:

---

عاوز الحق؟
انا اقتنعت ان اللى عندى مجرد Indicator مش Active ECO يعنى مش عشان قفلته العربية بقيت احسن

بس انا لازلت مقتنع ان العربية امبارح كانت احسن من العادى، و يمكن السبب انى فى العادى مشاويري كلها فى الزحمة ف كاتم العربية على طول و مش بحس بسحبها ولا تلحق تاخد سرعة معايا انما امبارح فى طريق مفتوح حسيت بالكلام ده

انا مجرب ال rb بال eco mode ومن غير ال eco mode ولا هفوة اتغيرت فى الماتور , غير اللمبة اللى بتطفى عند قرب ال3000 لفة وشكرا على كدة

اقتباس:

---

المشاركة الأصلية كتبت بواسطة SAMEH_FOUAD

انا مجرب ال rb بال eco mode ومن غير ال eco mode ولا هفوة اتغيرت فى الماتور , غير اللمبة اللى بتطفى عند قرب ال3000 لفة وشكرا على كدة

---

ما احنا قولنا اه عشان غبور مش منزل العربية ب active ECO انما هي مفروض بره فيها Active ECO و ده اللى يخليها تفرق بجد

اقتباس:

---

المشاركة الأصلية كتبت بواسطة matantawy

ما احنا قولنا اه عشان غبور مش منزل العربية ب active eco انما هي مفروض بره فيها active eco و ده اللى يخليها تفرق بجد

---

هدى نفسك يا برنس هههههههههع

جربت النهاردة وقفلت الايكو وحسيت بفرق ( نفسي ) مختلف :)

اقتباس:

---

المشاركة الأصلية كتبت بواسطة matantawy

النهارده روحت سينما IMAX اللى فى الشيخ زايد و لسه مروح حالا و طبعا مروح خاااايف من الطريق، قلت مبدئيا هقفل الECO عشان عزم العربية كله يبقى معايا لو احتجته لا قدر الله !

و مع انى قرأت كتير هنا ان ده مجرد Indicator لإستخدامك و مفروض ملوش تأثير على السحب و الجرى و لكنى لاحظت ان العربية بقت بتسحب جامد و الkick down بيأثر اسرع و من غير مجيب اخر الدواسة

و حتى ال ستيبترونيك اما بسقط نقلة تأثيره اسرع من لو مشغل الECO

انا بصراحة معنديش تفسير علمى و كل الكلام ده هو مجرد ملاحظات

بس نصيحة، لو سايق فى طريق مفتوح او بليل او الصبح بدرى مثلا و الدنيا فاضية و ناوى تجرى، جرب تقفل الECO و شوف الفرق، هتحس ان العربية بتطير و هتفرح والله بالفلوس اللى انت دافعها :D

بس ميغركش السرعة دى، خلى بالك والنبى انا مش ناقص البس مصيبة حد ! :D

بس يا ترى حد حس بالموضوع ده زيي قبل كده؟ و لا انا بخرف إكمنى خارج من فيلم Fast & Furious 6 و عايش فى الmood لسه؟ :D

و على فكرة الاستهلاك مكنش سئ اوى كده مقارنة بإنى كنت بقرص على العربية، الاستهلاك كان حوالى 7.5

---

ربنــــــا يباركلك فيها .. ويستر طريقــــك

اقتباس:

---

المشاركة الأصلية كتبت بواسطة CryptonX

عايز تحس ان عربيتك بقت 200 حصان ؟ انا لابس جزمة كوتشي 24 ساعة في اليوم .. يوم مابروح فرح ... بلبس جزمة كلاسيك بكعب تقيل شوية ... جرب دواسة البنزين حتحس انك بتطيييييييييير ! علشان دوستك اتقل بكتيير ... الموضوع احساس يا عزيزي :)

---

:plusone1:
نفس الشعــــــــــور وأنا لابس كتربلر بحـــــــــــس أنا الفرامل ضعيفة ومش محوئها مع العربيـــة :afterboom:

انا جربت الموضوع دة النهاردة و حسيت بفرق كبير و خصوصا مع التكييف و الموضوع مقنع عشان لو كان غلط مكنش عملة ايكو اون او ايكو اوف و ألف شكر علي الملاحظة دي.

اقتباس:

---

المشاركة الأصلية كتبت بواسطة samir_adel

انا جربت الموضوع دة النهاردة و حسيت بفرق كبير و خصوصا مع التكييف و الموضوع مقنع عشان لو كان غلط مكنش عملة ايكو اون او ايكو اوف و ألف شكر علي الملاحظة دي.

---

يا باشا دى احساس نفسى فقط
وبعدين انت لو فتحت الكتالوج هتلاقيه كاتبلك نفس الكلام اللى بنقوله

اقتباس:

---

المشاركة الأصلية كتبت بواسطة cryptonx

كلام سليم و قلته 100 مرة :)

ال eco دي لمبة مش اكتر .. و موجودة من قديم الازل !!!


اما نظام ال active eco وده حاجة تانية هو الي بياثر فعلا في السحب و ده شكله :
http://masque.co.kr/update/ebay/hyun...vante%20md.jpg


احساس حضرتك بالفرق ... 99.9% نفسي مش اكثر .. و انا شخصيا جربت الموضوع و من صفر الى مائة و في طلعات و شدات .. والارقام متساوية.


---
عايز تحس ان عربيتك بقت 200 حصان ؟ انا لابس جزمة كوتشي 24 ساعة في اليوم .. يوم مابروح فرح ... بلبس جزمة كلاسيك بكعب تقيل شوية ... جرب دواسة البنزين حتحس انك بتطيييييييييير ! علشان دوستك اتقل بكتيير ... الموضوع احساس يا عزيزي :)

---

كلامك جميل وبالصور كمان :)
بس عاوز اقولك انا معايا النترا 2013 في السعودية
والفرق كبير في السحب مع الايكو من عدمة
وخصوصاااااااا في السرعات المنخفضة ... ومتقولش احساس نفسي .. لاني جربته كذا مرة
اما موضوع الزرار اللي بتقول عليه
تقريبا والله اعلم انه اتعمل اوتوماتيك في الموديلات الجديدة ..

اقتباس:

---

المشاركة الأصلية كتبت بواسطة monamize4

simply ,,

ال eco دا بيدى acceleration ابطأ (عشان كدة متنفعش تشتغل على طول ) لكن fuel consumption افضل لان ال upshifting بيكون @ rpm قليل و العربية بيبقى عندها tendency لل upshifting

و دا unlike الكيك داون او ال Sport mode
لكن طبعا انت ممكن تعمل كل دا بال common sense

---

احم احم ..
بصراحة مش فاهم ولا كلمة من اللي انت كاتبها
النبي عربي
ممكن ترجمة :10_1_104v[1]:

اقتباس:

---

المشاركة الأصلية كتبت بواسطة baherhassan30

احم احم ..
بصراحة مش فاهم ولا كلمة من اللي انت كاتبها
النبي عربي
ممكن ترجمة :10_1_104v[1]:

---

انا بعتذر لو اسلوبى مكانش واضح

انا اقصد يا باشا ان انظمة ال eco ( او ايا كان اسمها حسب كل شركة ) بتخلى العربية تنقل على ار بى ام منخفض و بالتالى تلاقى نفسك ماشى على 90 مثلا او اقل و العربية ماشية على اعلى غيار و كدا التسارع هيقل شوية لكن استهلاك بنزين افضل و العكس بيحصل لما تعمل كيك داون او تجيب الفتيس على ال S هتلاقى العربية بتاخر ف النقلات فا بتدى تسارع افضل لكن استهلاك بنزين اعلى

اقتباس:

---

المشاركة الأصلية كتبت بواسطة monamize4

انا بعتذر لو اسلوبى مكانش واضح

انا اقصد يا باشا ان انظمة ال eco ( او ايا كان اسمها حسب كل شركة ) بتخلى العربية تنقل على ار بى ام منخفض و بالتالى تلاقى نفسك ماشى على 90 مثلا او اقل و العربية ماشية على اعلى غيار و كدا التسارع هيقل شوية لكن استهلاك بنزين افضل و العكس بيحصل لما تعمل كيك داون او تجيب الفتيس على ال S هتلاقى العربية بتاخر ف النقلات فا بتدى تسارع افضل لكن استهلاك بنزين اعلى

---

100% :10D5C8w1107: