ياريت يا جماعة تردوا عليا على طول معلش ضرووووووري !!

انا من يومين خبطت عربية اوبترا من ورا و بصراحة غلطتى و الراجل ماكنش عايز ياخد فلوس خالص بس بصراحة عربيته اتبهدلت جامد فامسبتوش غير لما وافق بالعافية اننى ادفع النص !!! هيا جابت اكصدام خلفى و فانوس خلفى شمال و بيقولى الشاسيه بتاع الاستبن دخل لجوه شوية هيا الشنطة فعلا ماكنتش بتقفل فقالى هايروح يسال فى الحرفيين تتكلف كام !! انا قولت 2000 او 2500 و هايرش جوه و قالى هيرد الشاسيه ده بالزرجينة و قالى هتقد 4 ايام وهيرش جوه و تقريبا شاسيه الاكصدام اتعوج شوية جاى بيقولى الكلام ده هيتكلف 4500 يعنى انا ادفع 2250 !!!!!! انا مش عارف ازاى !!!!ممكن حد يقولى ازاى و بيقولى بيعملها فى مركز صيانة فى الحرفيين !! ياريت يا جماعة تردوا عليا على طول و معلش لو اتكلمت كتير :Zb_sor1[1]:

السمكره لوحدها هتاخدلها يجي 800 جنيه غير الرش
ف هو كده السعر ده معقول

سعر مناسب كفاية انك غلطان ضع نفسك مكانه 4500 جنيه

اقتباس:

---

المشاركة الأصلية كتبت بواسطة z_ahmed salah

انا من يومين خبطت عربية اوبترا من ورا و بصراحة غلطتى و الراجل ماكنش عايز ياخد فلوس خالص بس بصراحة عربيته اتبهدلت جامد فامسبتوش غير لما وافق بالعافية اننى ادفع النص !!! هيا جابت اكصدام خلفى و فانوس خلفى شمال و بيقولى الشاسيه بتاع الاستبن دخل لجوه شوية هيا الشنطة فعلا ماكنتش بتقفل فقالى هايروح يسال فى الحرفيين تتكلف كام !! انا قولت 2000 او 2500 و هايرش جوه و قالى هيرد الشاسيه ده بالزرجينة و قالى هتقد 4 ايام وهيرش جوه و تقريبا شاسيه الاكصدام اتعوج شوية جاى بيقولى الكلام ده هيتكلف 4500 يعنى انا ادفع 2250 !!!!!! انا مش عارف ازاى !!!!ممكن حد يقولى ازاى و بيقولى بيعملها فى مركز صيانة فى الحرفيين !! ياريت يا جماعة تردوا عليا على طول و معلش لو اتكلمت كتير :zb_sor1[1]:

---

شعور جميل بالمسئوليه احييك عليه

حضرتك برضك حط في اعتبارك اضرار النقص في قيمه العربيه التقديريه نتيجه الاصلاح

وممكن يكون قليل الخبره بحيث انه معرفش يوصل لسعر معقول

حضرتك ممكن تروح وتسال في الوشه معاه وتحاول توصل لسعر مناسب

وعموما لا يكلف الله نفسا الا وسعها

ممكن تساهم بالي تقدر عليه فعليا

وربنا يباركلك

متشكرين يا رجالة ربنا يخليكو

هو حضرتك اللي خابطه من ورا يبقي حضرتك اللي غلطان دا مبدئيا
و هو شعور جميل طبعا من حضرتك انك عاوز تتحمل معاه نص التكاليف مع ان المفروض الحق يعني انك تتحمل التكاليف كامله لان حضرتك اللي غلطان وطبعا أكيد مش قصدك بس هو القانون كده
أما بالنسبة للتكاليف فأعتقد ان السعر مناسب بالمقارنة بالضرر اللي حصل في شاسيه العربية لان الشاسيه لما يتعوج ويتفرد تاني وكمان يترش من جوه العربية أكيد أكيد هايقلل من تمن العربية بعد كده في البيع
فمعلش الحمدلله علي كل شئ وقدر الله وماشاء فعل وحضرتك حاول تدفع معاه علي الاقل النص وهو النص وأكيد عربية حضرتك حصل فيها ضرر برضه وربنا يسترها معانا جميعا وتقبل مروري