عرض للطباعة
الموضوع باختصار اني كنت بجيب قطعة للعربية من توكيل الرواس .... وفي الخزنة بيضرب رقم الشاسيه لقى انه العربية دخلت عنده صيانة من سنتين وكان عدادها 115000 مع العلم بأني شاريها ماشية 76000 هو كدة بجد طلعت قالبة عداد والا ممكن يبقى في تشابه في ارقام الشاسيهات بين الخليجي والمصري ؟ ؟ ؟
متابع الموضوع دا
بس نقطة تشابه أرقام الشاسيهات مش واردة
اللي اعرفه ان الخليجي ملوش توكيل هنا
المشكله دي مع واحد صاحبي ف كيا كارينز و واحد تاني ف كيا سيراتو
عربيتاهم خليجي وملهمش توكيل
والله كل شىء وارد و قلة الضمير بقى فهلوة و من رائى انك بلاش تشغل باللك بالموضوع دة علشان نفسك ما تقفلشى من العربية و سيبها عالله و ربنا ينتقم من الاشكال دة
ممكن ماخرين عدادها او متغيرلها عداد انما قالبه معتقدض...
تحياتي
Sent from my Xperia Arc S using Forum Runner
لا يا عم .. انت عارف قالبه عداد يعني اه ؟ يعني اجمع ال كم الحالي على العداد و هوا كله عامل 99999999
المعقول ان صاحبها نزل العداد قبل ما يبيعها
easy
هوة فعلا نزل العداد علشان يبيع بسعر حلو
منة لله
اللى اعرفه ان مفيش شاسيه يتشابه بين المصرى والخليجى
خد تاريخ العربية فى الصيانات من عند الرواس واشتكيه
حسبى الله ونعم الوكيل فيه
طالما العربية ماشية معاك كويس و مفهاش مشاكل ولا اكنك عرفت حاجة و كبر دماغك و بعدين الفرق بين العدادين مش مهول للدرجة
حاجه غريبه فعلا ... والعربيات دى واللى زيها ازاى ممكن يتلعب في العداد بتاعها ؟؟؟؟؟
هو انت ازاى ممكن تقلب العداد؟!!!!
وازاى اعرف اذا كان العداد مظبوط ولا ملعوب فيه؟؟؟؟؟؟؟
انا هقولك على حاجة
موضوع تشابه فى رقم الشاسيه دة استحالة على مستوى الكرة الارضية
موضوع العربية قلبة عداد لالالالالالالالالالالالال الالالالا
الباشا نزل العداد و دة سهل عند اى حد بتاع عداد
لو معاك مستند مسجل فى قراءة العداد لما اشتريت العربية هقولك انتا كدة تخرب بيته
على سبيل المثال روحت فحصتها فى مركز صيانة بالتاريخ ومعاك ريبورت بالعربية
سجلت القرأة فى العقد او ماشبه ذلك لو معاك متسيبش امه
كبر دماغك علشان متقفلش من العربية و اتمتع بيها
ربنا يوفقك
كبر دماغك
العربية حالة - سيبك من العداد
اسهل حاجة تغيير العدادات - لأن العداد ديجيتال وبالتالي تعديله صعب
تحياتي
دى المرسيدس وموديل حديث بيتلعب فى عدادهااقتباس:
المشاركة الأصلية كتبت بواسطة syd
صديق ليا كان بيشترى عربيه مرسيدس موديل عالى
والعداد عامل 80 الف
المهم هيدفع فلوس كتير
فقال يكشف عليها فى التوكيل -والتكلفه كانت 1500 جنيه
المهم طلع متسجل على كمبيوتر السيارة عدد الكيلو متر المقطوعه والعربيه كانت معديه 150 الف كيلو
حتى المرسيدس وعداد ديجتال بيتلعب فيه
ممكن يكون مغير العدادات .. انا كنت عامل كده كان عندي عداد بايظ في عربيتي القديمة ولما رحت اجيب مستعمل قالي لازم لوحة العدادات كلها .. واشترتها وكانت العداد ٧٥٠٠٠ الف وانا عربيتي كانت ١٠٠ الف كيلو وشويه
طب هو ممكن يحصل تشابه في آخر 4 ارقام ؟؟؟ لأنه بياخد رقم الشاسيه من الرخصة والرقم في الرخصة مش متسجل فيه بقيت الارقام والحروف الي من الشمال ...
سؤال تاني / هو أنا اقدر اجيب اسم المالك الاول للعربية من المرور ؟؟
لما تبقى العربية كانت ماشية في 2009 فوق الـ 100000 وانا جايبها من سنة بس يبقى اكيد مشيت اكتر من كدة بكتير ممكن تكون جابت 150000 يعني ضعف العداد الي معايا كدة يبقى فيه مشاكلاقتباس:
المشاركة الأصلية كتبت بواسطة dodo2000
تقريبا نقص العداد علشان يبيع
والله اعلم ..
هو طبعا نقص العداد وانا فعلا مع رأي انك لو ثابت قراءة العداد في العقد او في اي ورق اثناء الشراء متسيبوش
عشان كده الواحد بقى ما بيحبش المستعمل انشالله بتراب الفلوس
ولا يهمك حصلت معايا زمان و كان العداد بيقلب الارقام غلط
نفس السؤال و ارجو الرد من الخبراءاقتباس:
المشاركة الأصلية كتبت بواسطة 4fun14
يافندم العربيه خليجي او هندي حتى
كللها طالعه من مصنع واحد
او حتى لو طالعه من كذا مصنع فالسيستم اللي بيرقم الشاسيهات واحد
لو لسه شاريها وهتستحمل وجع قلب ودوشه ممكن ترجع لصاحبها تاني لو ليك في البلطجه
مالكش في البلطجه تستعوض ربنا وصدقني اللي عنده مابيروحش, قول بس حسبي الله ونعم الوكيل
هو مفيش شك انه كان منزل العداد و كل ما تنلكه انك تقول حسبي الله و نعم الوكيل لأن مفتكرش انك و احنا كلنا بنثبت فرايه العداد في اي اجراء اثناء شرا العربيه دي حاجه , الحاجه التانيه انك بتقول ان العربيه بقالها سنه معاك يعني اكيد عرفت كل صغيره و كبيره عنها لو العربيه سليمه و مريحاك فلا تشغل بالك بالموضوع و انساه تماما .
ماخرين عدادها او متغيرلها عداد
هو طبعا اكييد اما مغير العداد او منقصه عشان يبعيها بسعر كويس !!
لكن المستعمل حالة قبل مايكون عدد كم فلو العربية معاك كويسة خلاص
اما لو العربية مش كويسة وفيها مشاكل فماتزعلش مني دي مشكلة حضرتك من البداية انك كان المفروض انك تكشف عليها في التوكيل
هو مفيش أمل يطلع تشابه في ارقام الشاسيهات لأن واحد قالي ممكن يكون في تشابه في اخر 4 ارقام في الشاسيه
وبعدين العربية ماشية معايا حلو الحمد لله فيها شوية شغل ظهر في العفشة بس كلام فاضي يعني لكن الموتور والبودي الحمد لله تمام
اقتباس:
المشاركة الأصلية كتبت بواسطة os.a.ma
خلاص كبر دماغك و متشغلش بالك
احمد ربنا ان العربيه مافيهاش مشاكل وده الاهم
وممكن تبقي غلطه من التوكيل نفسه ..يكون سجلوا رقم الشاسيه غلط او العداد غلط..وارد جدا
اكيد لا!اقتباس:
المشاركة الأصلية كتبت بواسطة casperinoo
سجلوا رقم شاسيه غلط بالصدفه متطابق مع نفس نوع العربيه ونفس الموديل بالظبط؟
دى احتمالها 1 فى المليون :N_no[1]:
شكلها كدته قالبه عداد
حسبى الله ونعم الوكيل فى الناس اللى معندهاش ضمير
طب ما احنا ممكن نفترض حسن النيه ونقول انه مغير عداد